Səadət Cahangir şeiri: “Üşüyürsən pəncərədə, nə gələn var, nə gedən…”
Səadət Cahangir
Adı yaşamaqdı elə,
canın üstündən keçir,
ruhumuzun qaranlığı
şamın üstündən keçir…
fikirlərdə batan adam,
nə yazırıq qumlara,
onsuz da dalğalar gəlib
qumun üstündən keçir…
üşüyürsən pəncərədə,
nə gələn var, nə gedən,
bir göyərçin uçur, o da
damın üstündən keçir…
gözlərin yol çəkir hər gün
uzaqlardan birinə,
o da gəlmir, həmin yolun
hamı üstündən keçir…
Xural.com