Sədərəkə yeni icra başçısı təyin edilib

Yayımlandı: 22 Fevral 2024 12:59

İlham Əliyev sərəncam imzalayıb

Naim Cahidzadə Naxçıvan Muxtar Respublikası Sədərək rayon icra hakimiyyətinin başçısı təyin edilib.

Bu barədə ölkə başçısı İlham Əliyev fevralın 21-də sərəncam imzalayıb.

Prezident İlham Əliyev 2023-cü ilin avqustunda Sədərək rayon icra hakimiyyətinin başçısı Mahirə Adnayevanı vəzifəsindən azad etmişdi.

Mahirə Adnayeva 2021-ci ildən Sədərək rayonunun icra başçısı idi.

Yeni icra başçısı Naim Cahidzadə 1989-cu ildə Şahbuz rayonunda doğulub.

O, Naxçıvan Dövlət Universitetinin İqtisad fakültəsini bitirib.

N.Cahidzadə əmək fəaliyyətinə 2011-ci ildən Naxçıvan Dövlət Universitetinin İqtisad fakültəsində başlayıb.

N.Cahidzadə 2014-cü ildən fakültədə dekan müavini, 2018-ci ildən isə dekan vəzifəsində işləyib.

Meydan TV

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button