Rubrikalar: GÜNDƏM İQTİSADİYYAT XuralTAC

“Sədərək” bazarını kim(lər) yandırdı?!

“Sədərək” ticarət mərkəzində ötən gün baş vermiş güclü yanğın nəticəsində 10-dan çox anbar kül olub. Hazırda ərazi polis nəzarətindədir, yanğının baş vermə səbəbini araşdırmaq üçün istintaq qrupu hadisə yerində araşdırma aparır.

Virtualaz.org saytının əməkdaşları  hadisə yerindən xəbər verirlər ki, yanğının bürüdüyü anbarlardan və mağazalardan çıxarılmış mallar küçəboyu yığılıb, bəziləri tüstüdən, yaxud sudan yararsız hala düşüb. Mallar sahibkarların iştirakı ilə bu gün tezdən iritutumlu yük maşınları ilə daşınır.

Yanğın ərazisinə jurnalistlər buraxılmır, foto və məlumat üçün ticarət mərkəzinin rəhbərliyinin icazəsi tələb olunur. Zərərçəkmişlərdən biri deyir ki, onlara kənar şəxslərə məlumat verilməməsi ilə bağlı xəbərdarlıq edilib. Onlar da ehtiyatlı davranmağa çalışırlar, əks halda obyektləri əlindən alına, yaxud yer haqqı bahalaşdırıla bilər.

“Mənim obyektim yanmayıb, amma baxın, mallar suyun altında qalıb, yararsız hala düşüb”, -yanğının baş verdiyi əraziyə yaxın mağazalardan birinin sahibi deyir və əlavə edir ki, ona obyekti boşaltmağı tapşırıblar.

“Təxminən axşam saat 4-5 olardı. Bir də gördüm ki, anbarların birindən qatı tüstü çıxır. Obyektlər bir-birinə yaxın yerləşdiyindən alov tez bir zamanda yayıldı. Ehtimal edilir ki, parfümeriya mağazasından başlayıb, tezalışan mallar olduğu üçün qarşısını ala bilməyiblər”- sahibkar danışıb.

Satıcılardan biri isə and-aman edir ki, ən azı 16 anbar yanıb, amma cəmi 7-8 mağazanın yandığını söyləyirlər. Heç kimi əraziyə yaxın buraxmırlar, deyirlər ki, yanğından salamat çıxmış malların oğurlanmasından çəkinirlər. “Kimin obyekti sığortalanıb, az-çox kömək edirlər. Bu ticarət mərkəzində dəfələrlə belə hadisə baş verib. Amma yenə də əksəriyyətin sığortası yoxdur”,-satıcı söyləyib.

Yanğın nəticəsində dəymiş zərər hələlik hesablanmayıb, kimi ona dəyən zərərin 1 milyon manatdan yüksək olduğunu, kimi də 600-700 min manata çatdığını söyləyir. Belə olsa ümumi ziyan milyonlarla hesablana bilər.

Sahibkarların  söhbətini dinləyirik, biri danışır ki, mağaza qonşusu dərs mövsümünə görə xaricdən dəftər-kitab, məktəb ləvazımatları gətirib, anbarı doldurub, hamısı da kül olub. Birinin parfümeriya, digərinin çilçıraq mağazası yanıb.

Malların yanğın yerindən çıxarılmasında polislər və FHN əməkdaşları xüsusi aktivlik göstəriblər. Şahidlər deyirlər ki, sahibkarlardan biri həyəcanlı halda obyektə girib mallarını çıxarmağa çalışıb. Məhz polislərin çevikliyi nəticəsində təşvişə düşmüş sahibkarı xilas etmək mümkün olub.

“Ətrafı alov qarışıq qatı duman bürümüşdü, kimi canın, kimi malın dərdindəydi. Nə qədər adam burdan ailəsinə çörək aparırdı, illərlə yığılan malların bir gündə kül olması sözlə ifadə edəcək bir şey deyil”,-ticarət mərkəzinin əməkdaşının köməyi ilə bizi ərazidən məcburi uzaqlaşdırırlar.

Xatırladaq ki, FHN-in yaydığı rəsmi məlumata görə yanğın cəmi 900 kvadratmetr sahəni əhatə edib. Yanğının qarşısı alınarkən polislər və FHN əməkdaşları arasında tüstüdən zəhərlənənlər olub, amma insan itkisi yoxdur.

Paylaş:

Son Əlavələr

  • GÜNDƏM
  • XuralTAC

Elçin Əfəndiyevin qızı bu məhkəməyə hakim təyin ediləcək

Konstitusiya Məhkəməsinə yeni hakim təyin olunacaq.  Unikal.org-un məlumatına görə, Humay Elçin qızı Əfəndiyevanın Azərbaycan Respublikası Konstitusiya Məhkəməsinin hakimi vəzifəsinə namizədliyi…

28 Yanvar 2021
  • GÜNDƏM
  • XuralTAC

Cəllad Qaregin Njdeyə Xocavənddə heykəl qoyuldu: erməni təxribatını darmadağın etmək lazımdır

Bu gün ermənilər hərbi qəhrəman hesab etdikləri faşist cəlladı Qaregin Njdeyə Xocavənd şəhərində heykəl ucaldıblar. Sosial medianın erməni sektorunda yayılan…

27 Yanvar 2021
  • GÜNDƏM
  • XuralTAC

ABŞ Senatı Trampın impiçmentinin müzakirəsini təxirə saldı

ABŞ Senatı sabiq prezident Donald Trampın impiçmentinin müzakirəsini fevralın 9-a qədər təxirə salıb. Bu barədə “RİA Novosti” agentliyi bildirib. Qeyd…

27 Yanvar 2021
  • GÜNDƏM
  • XuralTAC

Rusiyanın Bakıdakı səfirliyinin müvəqqəti işlər vəkili XİN-ə çağırıldı

21-ci ilin 26 yanvar tarixində Rusiya Federasiyasının Bakıdakı səfirliyinin müvəqqəti işlər vəkili Xarici İşlər Nazirliyinə (XİN) çağırılıb. XİN-dən virtualaz.org-a bildirilib ki,…

27 Yanvar 2021
  • GÜNDƏM
  • XuralTAC

Ramin Quluzadə nazir vəzifəsindən azad edildi

Ramin Namiq oğlu Quluzadə nəqliyyat, rabitə və yüksək texnologiyalar naziri vəzifəsindən azad edilib. Xural.com xəbər verir ki, bu barədə Prezident İlham…

26 Yanvar 2021
  • GÜNDƏM
  • XuralTAC

Nazir Əli Həsənovun oğlunu işdən çıxardı

Daxili işlər orqanlarında növbəti dəyişiklik olub. Unikal.org-un əldə etdiyi məlumata görə, Daxili İşlər naziri, general-polkovnik Vilayət Eyvazovun əmri ilə, polis…

26 Yanvar 2021
Xural.COM