Rubrikalar: GÜNDƏM SİYASƏT XuralTAC

“Sərdar Cəlaloğlu, niyə ağlına gələni danışırsan? Patruşevlə görüşdə idin?..”

Bu gün Azərbaycanda fəaliyyət göstərən bir sıra siyasi partiyaların, o cümlədən hakim Yeni Azərbaycan Partiyasının və QHT təmsilçilərinin iştirakı ilə “Park İNN” otelində keçirilən dəyirmi masa zamanı Rusiya Təhlükəsizlik Şurasının katibi Nikolay Patruşevə görə mübahisə yaranıb.

Virtualaz.org yerli KİV-lərə istinadən xəbər verir ki, ADP sədri Sərdar Cəlaloğlu Patruşevin Bakıya səfəri zamanı “20 yanvarda olduğu kimi üsyan qalxsa” daxili qoşunların “ qarşı yeridilməli” olduğunu deyib. Habelə Rusiyanın Azərbaycan məmurlarına “Dostluq” ordeni verməsini şübhəli sayıb.

YAP icra katibi Əli Əhmədov isə Sərdar Cəlaloğlunu “ağlına gələni danışmaqda” günahlandırıb.

“Sərdar Cəlaloğlu, sən bildirdin ki,  danışıqlarda Patruşev “20 yanvarda olduğu kimi üsyan olsa, daxili qoşunlar xalqa qarşı qaldırılsın”, deyib. Sən bəyəm o danışıqlarda iştirak etmisən ki? Bilmədiyin halda burda niyə ağlına gələn bəyanatları səsləndirirsən?”,-o deyib.

Ə.Əhmədov onu da deyib ki, hazırda bu toplantıda dedi-qodu ilə məşğul olmaq doğru deyil: “Bütün məsələləri müzakirə etməyə çalışsaq, heç nəyə nail ola bilməyəcəyik. Qəlbimizdə olan bütün məsələləri bura tökmək istəyiriksə, bu, başqa məsələdir. 90-cı illəri hamımız xatırlayırıq. Bu günkü Azərbaycanla o günkü Azərbaycanı müqayisə etmək, bugünkü Azərbaycanı tənqid atəşinə tutmaq doğru deyil. 30 il əvvəlki Azərbaycan indiki kimi idi? Neft pullarının xərclənməsi deyirsiz. Bakının gözəlləşməsi, ölkənin inkişafı üçün sərf edilən vəsaitlər var”.

Sərdar Cəlaloğlu yerindən atmaca atıb: “O milyardları nazirlərə vermişiniz…”

ADP sədrinin Qarabağ məsələsi barədə danışdıqları da YAP icra katibinin etirazına səbəb olub.

“Niyə digər münaqişələrlə bağlı da Minsk Qrupu kimi vasitəçi təşkilat yoxdur?” Minsk qrupunun məqsədi Qarabağı hansısa formada Azərbaycandan alıb, Ermənistana verməkdir”,-Cəlaloğlu deyib.

Əli Əhmədov isə deyib ki,  heç bir beynəlxlaq təşkilatın hansısa dövlətin daxili işlərinə müdaxilə etmək səlahiyyəti yoxdur: “Minsk Qrupu kimi təsisatlar sadəcə vasitəçilik funksiyasını yerinə yetirə bilər. Bu və ya digər məqamlarda qeyri-ciddi arqumentlər gətirməklə mətbuata insanları çaşdıran fikirlər yönəltmək düzgün deyil”.

Paylaş:

Son Əlavələr

  • GÜNDƏM
  • XuralTAC

Elçin Əfəndiyevin qızı bu məhkəməyə hakim təyin ediləcək

Konstitusiya Məhkəməsinə yeni hakim təyin olunacaq.  Unikal.org-un məlumatına görə, Humay Elçin qızı Əfəndiyevanın Azərbaycan Respublikası Konstitusiya Məhkəməsinin hakimi vəzifəsinə namizədliyi…

28 Yanvar 2021
  • GÜNDƏM
  • XuralTAC

Cəllad Qaregin Njdeyə Xocavənddə heykəl qoyuldu: erməni təxribatını darmadağın etmək lazımdır

Bu gün ermənilər hərbi qəhrəman hesab etdikləri faşist cəlladı Qaregin Njdeyə Xocavənd şəhərində heykəl ucaldıblar. Sosial medianın erməni sektorunda yayılan…

27 Yanvar 2021
  • GÜNDƏM
  • XuralTAC

ABŞ Senatı Trampın impiçmentinin müzakirəsini təxirə saldı

ABŞ Senatı sabiq prezident Donald Trampın impiçmentinin müzakirəsini fevralın 9-a qədər təxirə salıb. Bu barədə “RİA Novosti” agentliyi bildirib. Qeyd…

27 Yanvar 2021
  • GÜNDƏM
  • XuralTAC

Rusiyanın Bakıdakı səfirliyinin müvəqqəti işlər vəkili XİN-ə çağırıldı

21-ci ilin 26 yanvar tarixində Rusiya Federasiyasının Bakıdakı səfirliyinin müvəqqəti işlər vəkili Xarici İşlər Nazirliyinə (XİN) çağırılıb. XİN-dən virtualaz.org-a bildirilib ki,…

27 Yanvar 2021
  • GÜNDƏM
  • XuralTAC

Ramin Quluzadə nazir vəzifəsindən azad edildi

Ramin Namiq oğlu Quluzadə nəqliyyat, rabitə və yüksək texnologiyalar naziri vəzifəsindən azad edilib. Xural.com xəbər verir ki, bu barədə Prezident İlham…

26 Yanvar 2021
  • GÜNDƏM
  • XuralTAC

Nazir Əli Həsənovun oğlunu işdən çıxardı

Daxili işlər orqanlarında növbəti dəyişiklik olub. Unikal.org-un əldə etdiyi məlumata görə, Daxili İşlər naziri, general-polkovnik Vilayət Eyvazovun əmri ilə, polis…

26 Yanvar 2021
Xural.COM