Rubrikalar: DÜNYA GÜNDƏM XuralTAC

Süleymani sosial şəbəkələrdə Trampa necə sataşırdı…

“Washington Post” qəzetində cümə günü “Süleymani sosial mediada Trampı qəzəbləndirən memlər paylaşırdı” başlığı altında məqalə dərc olunub.

Məqalədə deyilir ki, cümə günü ABŞ-ın İraqa hava zərbəsi nəticəsində öldürülən İran generalı Qasim Süleymani “təkcə terror təşkilatçısı və rejimin ən güclü rəsmilərindən biri deyil, həm də prezident Trampın sosial mediadakı rəqiblərindən biri idi”.

Belə ki, beynəlxalq ekspertlər Süleymanini uzun illərdir İranın elitar Qüds qüvvələrinin lideri və Yaxın Şərqdə vasitəçilik müharibələrinin gizli komandiri olaraq tanısa da, bir çox amerikalı generalı Süleymanini o 2018-ci ildə Trampla Instagram üzərində memlər vasitəsilə mübahisə etməyə başlayandan sonra tanıdı.

Tramp administrasiyası 2018-ci ildə İrana qarşı təzyıq kampaniyası aparırdı. İran prezidenti Həsən Ruhani iyul ayında xəbərdarlıq etdi ki, “Amerika bilməlidir ki, İranla sülh bütün sülhlərin anasıdır, İranla müharibə isə bütün müharibələrin anasıdır”. Məqalədə deyilənə görə, bu sözlər ali ruhani liderinin Birləşmiş Ştatları “Böyük Şeytan” adlandıran dini rejimin Amerika ilə bağlı işlətdiyi nisbətən mülayim ifadə olsa da, Tramp özünü çox təhqir olunmuş hesab etdi.

O öz Twitter hesabında cavab olaraq, “İran prezidenti Həsən Ruhaniyə: BİR DƏ HEÇ VAXT BİRLƏŞMİŞ ŞTATLARI HƏDƏLƏMƏ. YOXSA, TARİXDƏ ÇOX AZININ ÜZLƏŞDİYİ ƏN AĞIR FƏSADLARLA ÜZLƏŞƏCƏKSƏN. BİZ ARTIQ SƏNİN AĞILSIZ, ZORAKI İFADƏLƏRİNƏ VƏ ÖLÜM HƏDƏLƏRİNƏ DÖZƏCƏK ÖLKƏ DEYİLİK. EHTİYATLI OL!” yazdı.

Bundan bir neçə gün sonra Süleymani Ruhanini müdafiə etdi. “Sənə cavab vermək bizim prezidentin mənliyinə ziddir”, Süleymani Tasmin xəbər agentliyi vasitəsilə Trampa bildirdi. “Sən müharibəni başlatsan, biz sonlandıracağıq. Bilirsən ki, bu müharibə sənin sahib olduğun hər şeyi dağıdacaq”, o dedi.

Məqalədə bildirilir ki, vətəndaşlarının bir çox sosial media platformalarına çıxışına qadağa qoyan rejimin yüksək rütbəli komandiri olan Süleymani qeyri-adi bir şəkildə internetlə bağlı yüksək biliklərə malik idi. O elə həmin ay Instagramdakı 70 min izləyicisi ilə Ağ Evin partladığını əks etdirən foto paylaşmışdı. “Belə görünür həmin şəkil 2013-cü ildə çəkilən ‘Olympus Has Fallen’ filminin posterindən alınıb və redaktə edilmişdi. Belə ki, fotoda Süleymaninin əlində ratsiya ilə yanğının önündə dayandığı göstərilmişdi”, Washington Post yazır.

Tramp İranla əldə olunan nüvə razılığından geri çəkiləndən və ölkəyə qarşı yeni iqtisadi sanksiyalar tətbiq edəcəyi ilə bağlı təhdidlər edəndən sonra ikili arasında sosial media üzərində çəkişmə davam etdi. Tramp 2018-ci ilin noyabr ayında özünün Game of Thrones (Taxt Oyunları) serialının fonunda üzərində məşhur “Qış gəlir” ifadəsinin əvəzinə “sanksiyalar gəlir” sözləri yazılan şəklini paylaşdı.

Tramp paylaşımında birbaşa olaraq Süleymanini qeyd etməsə də, onun generalın meme-ni qəsdən yamsılayıb-yamsılamadığı bəlli deyil. Buna baxmayaraq Süleymani bir gün sonra Trampa eyni üslubda cavab verdi:

Süleymaninin Instagarm hesabı Tramp aprel ayında İrana qarşı sanksiyaları tətbiq edəndən sonra dayandırılıb.

İranın elitar Qüds Korpusunun komandanı General Qasim Süleymani ABŞ-ın Bağdad Beynəlxalq Aeroportunda endirilən hava zərbələri nəticəsində öldürüldü.

Pentaqon cümə axşamı yaydığı bəyanatda Qasim Suleymaninin öldürüldüyünü təsdiq edib və zərbənin ABŞ prezidenti Donald Trampın “göstərişi ilə” endirildiyini bildirib.

Pentaqon hücumu “ABŞ-ın xaricdəki personalını qorumaq üçün atılan “qətiyyətli müdafiə addımı” adlandırıb.

“General Süleymani aktiv şəkildə İraq və regionda Amerika diplomatları və hərbi qulluqçulara hücum etmək üçün planlar tərtib edirdi,” bəyanatda bildirilib.

“Zərbə İranı gələcək hücum planlarından çəkindirmək məqsədi daşıyır. Birləşmiş Ştatlar dünya boyu vətəndaşlarımız və maraqlarımızı qorumaq üçün lazım olan tədbirləri görəcək,” bəyanatda qeyd edilib.

Birləşmiş Ştatlar cümə günü vətəndaşlarını İraqı dərhal tərk etməyə çağırıb. Bağdadakı səfirlik bağlanıb, konsulluq xidmətləri dayandırılıb.

Amerikaninsesi

Paylaş:

Son Əlavələr

  • CƏMİYYƏT
  • GÜNDƏM
  • XuralTAC

“WhatsApp”da yeni funksiya yaradıldı-Yenilik

“WhatsApp”a göndərilmiş mesajların həqiqiliyini yoxlamaq üçün funksiya əlavə edilib. “RİA Novosti” xəbər verir ki, bu yenilik qrup çatları və dəfələrlə…

11 Avqust 2020
  • DÜNYA
  • GÜNDƏM
  • XuralTAC

Livan hökuməti istefa verib

Livan hökuməti istefa verib. BAKU.WS-in məlumatına görə, bu barədə Nazirlər Kabinetinin iclasından sonra Səhiyyə naziri açıqlama verib. Qeyd edək ki,…

11 Avqust 2020
  • GÜNDƏM
  • KÖŞƏ YAZARLARI
  • XuralTAC

“Batka” bir ssenari qurdu, hər şeyi tərsinə çevirdi: Kreml “oyun şərtləri” ilə barışmaq zorunda!

Belarus prezidenti Aleksandr Lukaşenko həm ABŞ və Qərblə, həm də Rusiya ilə geniş manevr imkanları qazanmış kimi görünür... Postsovet məkanında…

10 Avqust 2020
  • GÜNDƏM
  • MANŞET
  • MÜSAHİB
  • QAYNAR QAZAN
  • XuralTAC

Cahit Kılıçdan ilginc açıqlamalar: “Əli Kərimli həbs edilə bilər”-VİDEO

Xural.com Türkiyəli yazıçı-jurnalist Cahit Kılıçın Xural TV-yə müsahibəsini təqdim edir:   https://www.youtube.com/watch?v=q48EIFCw0Lg   Xural.com

10 Avqust 2020
  • GÜNDƏM
  • KRİMİNAL
  • XuralTAC

AzTV-nin xanım əməkdaşını şantaj edən şəxs həbs edilib

Azərbaycan Dövlət Televiziyasının (AzTV) əməkdaşını şantaj edən şəxs həbs edilib. APA-nın məlumatına görə, AzTV-nin xanım əməkdaşı A.S. ilə (ad və…

10 Avqust 2020
  • ARAŞDIRMA
  • GÜNDƏM
  • XuralTAC

Çin-İran sazişi: Trampın təzyiq siyasəti Tehranı Pekinin ağuşuna atıb

Aləm Saleh, Zəkiyyə Yazdanşenas “Foreign Policy”, 09.06.2020   Bu yaxınlarda sızdırılan sənəd Çin və İranın ticarət, siyasət, mədəniyyət və təhlükəsizlik…

10 Avqust 2020
Xural.COM