Rubrikalar: DÜNYA XuralTAC

Tramp: “əl-Bağdadi it kimi gəbərdi, ağlayaraq, qışqıraraq özünü və uşaqlarını partlatdı”

Prezident Donald Tramp bildirib ki, əl-Bağdadi xüsusi əməliyyat zamanı başqa çıxış yolu olmadığını görüb və xüsusi təyinatlılar onu sağ yaxalamasın deyə üzərində gəzdirdiyi “kamikadze jileti” ilə özünü partladıb. ABŞ prezidenti əməliyyat zamanı heç bir ABŞ əsgərinin yaralanmadığını bildirib.

“Əbu Bəkr əl-Bağdadi ilə birlikdə çoxlu sayda tərəfdarı da öldürüldü. Bağdadi vəhşi idi və vəhşi kimi, qaçan qorxaq kimi öldü, ağlayıb sızlayırdı. Bir köpək kimi öldü, artıq heç kimə zərər verə bilməz. Dünya indi daha təhlükəsizdir”,-Tramp deyib.

ABŞ prezidenti Rusiya, Türkiyə, Suriya və İraqın da əməliyyata dəstək verdiklərini bildirib, həmin ölkələrə təşəkkür edib. “Bu, çox təhlükəli əməliyyat idi”,-o vurğulayıb.

Tramp məlumat verib ki, əl-Bağdadi üzərindəki “kamikadze jileti” ilə özü ilə birlikdə 3 uşağını da öldürüb. Onun bildirdiyinə görə, xüsusi təyinatlılar İŞİD liderini qaldığı iqamətgahın altındakı yeraltı tuneldə yaxalamaq istəyib, bu zaman əl-Bağdadi ələ keçəcəyini görərək özünü və uşaqlarını partladıb. O, əməliyyat zamanı İŞİD liderinin qaldığı evdən 11 azyaşlı uşağın xilas edildiyini də açıqlayıb.

O, DNA testi nəticəsində öldürülənin məhz əl-Bağdadi olduğunun tam təsdiqləndiyini deyib. Habelə Tramp bildirib ki, əməliyyat nəticəsində İŞİD-in gələcəkdə həyata keçirməyə hazırlaşdığı terror hücumları ilə bağlı çox çox dəlillər ələ keçirilib.

ABŞ prezidenti əl-Bağdadiyə daha əvvəl də xüsusi əməliyyat həyata keçirmək istədiklərini, amma onun tez-tez yerini dəyişdirdiyini deyib. Tramp xüsusi təyinatlıların dəbilqəsinə bərkililmiş Go-pro kameralarla əməliyyatı canlı izlədiyini açıqlayıb: “Film kimi mükəmməl idi. Orada tətbiq edilən texnologiya da xarüqəydi”.

“Xüsusi təyinatlılarımız bir saat 10 dəqiqləlik məsafədən, təhlükəli bölgədən uçdu. Bəzi liderlərin bu əməliyyatın ən təhlükəli nöqtəsini olacağını düşündük, ona görə də çox səssiz qaldıq. Giriş və çıxış uçuşları çox təhlükəli idi, çox güclü atəşə məruz qala bilərdik. Rusiya hava sahəsini açdı. Rusiya əla idi, İraq əla idi. Doğrudan da əla bir işi əməkdaşlıq şəraitində həyata keçirdik”,-Tramp deyib.

ABŞ prezidentinin bildirdiyinə görə, xüsusi təyinatlılar vertolyotlarla Rusiyanın nəzarətində olan bölgənin üzərindən uçublar. Bu zaman Rusiya tərəfi məlumatlandırılıb. “Ruslar niyə gəldiyimizi bilmirdi, amma onlara “məmun olacaqsınız” dedi. Onlar da “bizi məlumatlandırdığınız üçün təşəkkür edirik” dedilər. Onların nəzarətində olan bölgədən keçəcəyimizi bilirdilər, amma niyə gəldiyimizi bilmirdilər”,-o deyib.

Belə təxmin etmək olar ki, ABŞ xüsusi təyinatlıları İraqdakı Amerika hərbi bazasından havaya qalxıblar və Rusiyanın nəzarətində olan Hələb bölgəsinin üzərindən uçaraq İdlibə daxil olublar.

ABŞ prezidenti jurnalistlərin suallarına cavab olaraq Türkiyənin əməliyyatdakı rolu barədə danışıb, bu ölkəyə tərif yağdırıb.

“Türkiyə bizim oraya keçəcəyimizi bilirdi, çətinlik törətmədi. Bəzi bölgələrdən keçdik, onlar da əla idi, heç problem çıxarmadılar. Onlar bizə atəş aça bilərdi, cavab olaraq biz də onları aradan götürə bilərdik. Amma bu olmadı. Bizə atəş açanlar (İŞİD-çilər) havadan vuruldu”,-o əlavə edib.

Tramp əməliyyatın planlaşdırılması və həyata keçirilməsinin 2 həftə vaxt apardığını deyib. Amma bildirib ki, əl-Bağdadi daha əvvəldən izlənilirdi: “Çoxlu pulu vardı deyə tez-tez yerini dəyişdirirdi, planını qəfil dəyişdirirdi. Orada olduğunu bilirdik, amma yüz faiz əmin olmaq mümkün deyildi. Nəhayət təsdiq aldıq və ora gedəndə çox böyük atəş gücü ilə qarşılaşdıq. Amma əsgərlərimiz çox yaxşı idi. Çoxlu sayda terrorçu öldü, bu haqda rəqəmi də açıqlayacağıq”.

Tramp əməliyyat zamanı ABŞ xüsusi təyinatlılarının bir itinin tunellərdə yaralandığını bildirib. O, əməliyyat barədə demokratları məlumatlandırmadıqlarını deyib, bildirib ki, bunu “məxfiliyin qorunması üçün” ediblər. “Çox az adamın xəbəri vardı. Biz məlumat sızıntısı bütün komandanı təhlükəyə atardı”,-o deyib.

Paylaş:

Son Əlavələr

  • GÜNDƏM
  • XuralTAC

Elçibəyin tarixi çıxışı: “Qırğının müəllifi Primakovdur”-TARİX

20 yanvar 1990-cı il Azərbaycan xalqının tarixinə qanlı gün kimi yazılaraq, onun müstəqillik qazanmasında ən önəmli səhifəsini təşkil edir. SSRİ…

19 Noyabr 2019
  • GÜNDƏM
  • XuralTAC

Əlövsət Əliyevin barəsində həbs qərarı – oğlu danışdı

Almaniyada fəaliyyət göstərən "Legat" İnteqrasiya Mərkəzinin rəhbəri Əlövsət Əliyevin barəsində həbs-qətimkan tədbiri seçilib. Bu barədə Modern.az-a Ə.Əliyevin oğlu Türkel Rüstəmxanlı…

19 Noyabr 2019
  • CƏMİYYƏT
  • GÜNDƏM
  • XuralTAC

Bakıda sənədsiz evlərə görə komissiyalar işləyir

Bakı şəhəri ərazisində sənədsiz evlərin siyahıya alınması ilə bağlı yaradılmış komissiyalar araşdırmalarını davam etdirirlər. Əvvəlcə paytaxtın rayonlarında sənədsiz evlər siyahıya…

19 Noyabr 2019
  • GÜNDƏM
  • XuralTAC

Prezidentin köməkçisi Əli Həsənovun Xəzər TV-ni ələ keçirməsi və fəxr etdiyi sərvəti-BUMERANG

Kanal13 "Prezident köməkçisi Əli Həsənovun Xəzər TV-ni ələ keçirməsi və fəxr etdiyi sərvəti" haqqında veriliş hazırlayıb. Xural.com verilişi təqdim edir:…

19 Noyabr 2019
  • GÜNDƏM
  • XuralTAC

Tofiq Yaqublu 30 günlük həbsdən sonra; Onu oğlunu öldürməklə hədələyiblər-VİDEO

19 oktyabr mitinqinə görə həbs edilənlərdən daha 3 nəfəri – Tofiq Yaqublu, Rüfət Səfərov və Baba Süleymanlı noyabrın 19-da azadlığa…

19 Noyabr 2019
  • GÜNDƏM
  • XuralTAC

İran İnqilab Keşikçiləri etirazlar durmazsa, qəti addım atacaqlarını deyib

Dövlət mediası xəbər verir ki, ən azı 100 bank və onlarla bina və maşın yandırılıb İranın İnqilab Keşikçiləri hökumət əleyhinə…

19 Noyabr 2019
Xural.COM