TÜRKƏM, RUHUMDADI TURAN!

Daşqın Gülməmmədov

 Qopuzum, sazım danışır,

Boz qurdum hilala baxır,

Berkutum səmaya qalxır,

Dilim söz açır Tanrıdan

Türkəm, ruhumdadı Turan!

 

Aşqabat, Taşoğuz, Marı,

Qaraqumun obaları,

Sadlanır türk yurdarı,

Oğuz elim Türkmənistan

Türkəm, ruhumdadı Turan!

 

Dəşti-Qıpçağın şöhrəti,

Alpamışın rəşadəti,

Bozqırın ulu qüdrəti,

Göy bayraqlı Qazaxıstan

Türkəm, ruhumdadı Turan!

 

Anadoludan Balkana,

Türkiyəm dönüb xaqana,

Meydan oxuyur cahana,

Bayrağının al rəngi qan

Türkəm, ruhumdadı Turan!

 

İstiqlalı artıq dönməz,

Oğuz, türk eşqi heç sönməz,

Əlincəsi heç əyilməz,

Qorqud yurdu Azərbaycan

Türkəm, ruhumdadı Turan!

 

Cəlaləddin, Əmir Teymur,

Səmərqənd əbədi qürur,

Nəvaidən qəzəl oxur,

Karluk elim Özbəkistan

Türkəm, ruhumdadı Turan!

 

“Manas”ın hər sovu şirin,

Oşun dərələri dərin,

İssık-Kulun suyu sərin,

Qırğızıstan, Qırğızıstan

Türkəm, ruhumdadı Turan!

 

Kumık, Balkar və Qaraçay,

Steplər elidi Noqay,

Hər yandan duyulur Altay,

Yol üstündə Tatarıstan

Türkəm, ruhumdadı Turan!

 

Başqurd, Çuvaş, İdilboyu,

Qana hopub Qıpçaq soyu,

Kımıs dadır pınar suyu,

Muraz istəyir hilaldan

Türkəm, ruhumdadı Turan!

 

Altay, Tuva, Hakas eli,

Konuşur şirin türk dili,

Qarlı-buzlu Saxa seli,

Bozqurdu keçir yollardan

Türkəm, ruhumdadı Turan!

 

Harayda Batı Türküstan,

Od-alov qalxır Kaşqardan,

Hər qəlbdə danışır şaman,

Azadlıq! – hayqırır Sincan

Türkəm, ruhumdadı Turan!

“Xural” qəzeti,

il 9, sayı: 051 (459), 04 oktyabr 2011

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button