Türkiyə ilə İran qəzaya düşmüş helikopteri kimin tapmasının mübahisəsini aparır

Yayımlandı: 23 May 2024 14:27

İran “Akıncı”nın fəaliyyətini inkar edir

Türkiyə iddia edir ki, onun pilotsuz təyyarəsi İran helikopterinin qalıqlarının tapılmasında rol oynayıb.

Bildirilir ki, Türkiyə “Akıncı” pilotsuz uçuş aparatı mayın 19-da İranın ucqar və dağlıq bölgəsində qəzaya uğrayan, Prezident İbrahim Rəisi və digər yüksək səviyyəli İran rəsmilərinin həlak olduğu İran helikopterinin qalıqlarının tapılmasına kömək edib.

Xəbərlərdə deyilir ki, “Akıncı” pilotsuz uçuş aparatı ilk olaraq dağıntıların yerini tapıb və bu barədə məlumat ötürüb.

Lakin İran tərəf bunu özlərinin istehsal etdiyi pilotsuz uçuş aparatının tapdığına dair əks iddialar irəli sürüb.

Türkiyə Prezidenti Rəcəb Tayyib Ərdoğan bu həftənin əvvəli “Akıncı” pilotsuz təyyarəsinin İran hökumətinin tələbi ilə göndərildiyini bildirib.

Ərdoğanın sözlərinə görə, pis hava şəraitinə baxmayaraq, pilotsuz uçan aparat yeddi saat yarım ərzində bölgədə axtarış işləri apara bilib və ümumilikdə 2100 kilometr məsafə qət edib.

Türkiyə mətbuatı xəbər verir ki, Türkiyə pilotsuz təyyarəsi helikopterin qalıqlarını müəyyən etdikdən və İranın Şərqi Azərbaycan vilayətində qəzaya uğradığı ehtimal edilən istilik mənbələrini aşkar etdikdən sonra İran axtarış qrupu dağlıq ərazidə vurulan helikopteri, Rəisi və digərlərinin cəsədlərini tapa bilib.

Lakin Türkiyə pilotsuz uçuş aparatının qəzanın koordinatlarını ortaya çıxaran məlumatlarına və bəzi İran xəbər agentliklərinin bu məlumatları təsdiqləməsinə baxmayaraq, İran axtarış əməliyyatında xarici iştirakın olması fikrini rədd edib.

“Akıncı” pilotsuz uçuş aparatının gecə görüntüləri və termal kamerası vasitəsilə dağıntıların görüntülərini çəkib internetə yaymasından sonra İran Qızıl Aypara Cəmiyyətinin rəhbəri Pirhüseyn Kolivənd xaricilərin axtarışda iştirakını şayiə adlandırıb.

“Qaranlıqda, dumanda və yağışda axtarışları dayandırmadıq və öz pilotsuz təyyarəmizlə helikopterin qalıqlarını aşkar etdikdən sonra vertolyotun düşdüyü yerə doğru hərəkət etdik”, – Kolivand bildirib.

O, Qızıl Ayparanın xilasedicilərinin 2500 metr hündürlükdə qalıqları tapdığını və “vertolyotun qalıqlarının tapılmasından qəza yerinə çatana qədər 40 dəqiqə çəkdiyini” iddia edib.

Lakin gecə ərzində aparılan axtarışlar zamanı Qızıl Aypara mayın 20-də yerli vaxtla səhər saat 4 radələrində verdiyi açıqlamada bildirib ki, türk pilotsuz təyyarəsi iki potensial “qaynar nöqtə” müəyyən etdikdən sonra Qızıl Ayparanın xilasetmə qrupları ərazilərə doğru yola düşüb.

Meydan TV

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button