Ukrayna müharibəsi başlayandan 45 mindən çox rusiyalı əsgər öldürülüb

İki il öncə Ukraynanın tammiqyaslı işğalı başlayandan 45 min 123 rusiyalı əsgər öldürülüb. Bunu “Mediazona” və BBC-nin rus xidməti ölənlərin kimliyini müəyyənləşdirməklə üzə çıxarıb.

Araşdırmaya görə, ölümü təsdiqlənmiş şəxslərin üçdə ikisi işğal başlayanda ordu ilə əlaqəsi olmayanlardır. Onlar könüllülər, səfərbərlər, keçmiş məhkumlar və özəl hərbi şirkət döyüşçüləridir.

Ölənlərin 5 min 406 nəfəri səfərbər olunmuş şəxslərdir, onların da 80 faizi müharibənin ikinci ilində həyatını itirib.

Ölü sayı, əsasən, Krasnodar, Sverdlovsk, Başqırdıstan və Çelyabinsk vilayətləri üzrə qeydə alınıb.

Jurnalistlər araşdırmanı mediada çıxan başsağlığıları, qurbanların qohumlarının sosial şəbəkələrdə mesajları, yerli administrasiyaların, eləcə də qəbiristanlıqların məlumatları əsasında aparıblar. Onlar real rəqəmin azı iki dəfə yüksək ola biləcəyini deyirlər.

Rusiyanın Müdafiə Nazirliyi heyət itkisi barədə məlumat açıqlamır, jurnalistlərin yaydığı rəqəmləri də şərh etmir.

AzadlıqRadiosu

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button