Vasif Talıbovun övladlarının inanılmaz sərvəti – Xaricdəki bahalı mülklər… – FOTO
Son vaxtlar Naxçıvan Muxtar Respublikasında aparılan yoxlamalar ciddi korrupsiya, mənimsəmə və vergidən yayınma hallarını üzə çıxarıb. 30 ilə yaxındır, Naxçıvan Muxtar Respublikasına rəhbərlik edən Vasif Talıbovun övladları və yaxınları inanılmaz sərvətə sahib olub.
Hazırda muxtar respublikada fəaliyyət göstərən iri şirkətlərin hamısı Vasif Talıbovun övladlarına və qohumlarına məxsusdur.
Talıbovlar ailəsi təkcə Azərbaycanda deyil, dünyanın müxtəlif ölkələrində bahalı mülklər alıb.
TNS xəbər verir ki, tanınmış jurnalist Heydər Oğuz Vasif Talıbovun oğlanları Rza və Seymur Talıbovların xaricdəki əmlakları barədə məlumat yayıb.
“Buyurun, tanış olun, Azərbaycan vətəndaşının boğazından kəsilərək Naxçıvana verilən dotasiyaların haralara sərf olunduğunu görün”, – Heydər Oğuz yazıb.
Talıbovların xaricdəki əmlaklarının bir hissəsinin fotolarını təqdim edirik.
- Talıbov qardaşlarının hər biri Burj Lake Hotelin də yerləşən 63 mərtəbəli lüks qüllə olan Adress Downtown-da dörd otaqlı mənzilə sahibdir. Bina Dubay Mall –a baxır. Talıbovların ailə dostu və iş ortağı Vüqar Abbasovun da həmin binada iki otaqlı mənzili var.
- Seymur Talıbovun Dubayın opera rayonunda yerləşən Address Residences Dubai Opera binasının birinci qülləsinin 21-ci mərtəbəsində, deyeri 620 min dollar olan üç otaqlı mənzili var.
- Seymur Talıbovun deyeri 1. 4 milyon dollar olan daha iki 2 otaqlı mənzili Ərəb körfəzinə baxan Marina Gate qüllələrindən birində 42 və 48-ci mərtəbələrdə yerləşir.
- Rza Talıbova məxsus, dəyəri 1.5 milyon dollar olan, dünyaca məşhur Burj Khalifa yaxınlığında, 22 mərtəbəli Boulevard Central Tower 2-də penthaus mənzil.
- Rza Talıbova məxsus, dəyəri 550 min dollar olan bu dörd otaqlı villa Jumeirah adalarında, Dubayın mərkəzində onlarla süni adada lüks villaların, malikanələrin və şəhərciklərin yaninda yerlesir. Talıbovların Dubaydakı mülkləri arasında bu, satıldığı məlum olan yeganə mülkdür.
- Rza Talıbova məxsus, dəyəri 570 min dollar olan Standpoint Tower A-da yerlesen, idman zalı və hovuzu olan 27 mərtəbəli yaşayış binasının 17-ci mərtəbəsində iki otaqlı mənzil.
- Seymur Talıbov 2018-ci ildə açılmış çoxmərtəbəli otel olan Class Hotel Apartments-ın sahibidir. O, Dubayın dominant ticarət arteriyası, Shaikh Zayed Road yaxınlığında yerləşir.
- Rza Talıbova məxsus, dəyəri 2.3 milyon dollar olan Burj Khalifa-dan çox uzaqda, damında hovuzu olan 70 mərtəbəli göydələn olan Opera Grand-ın 35-ci mərtəbəsində üç otaqlı mənzil.
