Rubrikalar: DÜNYA XuralTAC

Zelenskinin partiyasının zəfəri – yeni yaradılmış təşkilat 253 mandat qazanıb

Ukraynada iyulun 21-də keçirilmiş parlament seçkisinin qəti nəticələri bəlli deyil. Novator.az bildirir ki, iyulun 24-nə olan hesabata görə, prezident Vladimir Zelenskini dəstəkləyən Xalq Xidmətçisi Partiyası proporsional sistem üzrə 124, dairələrdən 129 mandat alıb. Ukrayna Konstitusiyasına əsasən, hökuməti parlamentdə azı 226 mandatı olan siyasi qüvvə qurur. Hələlik prezident partiyasının 253 mandatı var.

Yuri Boykonun Müxalif Platforma Partiyasının 44, Yuliya Timoşenkonun Batkivşina Partiyasının 25, Pyotr Poroşenkonun Avropa Həmrəyliyi Partiyasının 25, Svyatoslav Vakarçukun Səs Partiyasının 20 mandat götürdüyü bildirilir.

Ukrayna parlamenti 450 yerlikdir. Ali Radanın 225 deputatı majoritar üsulla (dairələrdən), 225 deputatı proporsional sistemlə (partiya siyahıları üzrə) seçilir. Ancaq ərazilərin bir hissəsi işğal edildiyi üçün seçki 199 dairədə təşkil olunub.

Vladimir Zelenski 1978-ci ildə doğulub. Siyasətə gələnədək şoumen kimi tanınıb. Prezident seçkisinə Xalq Xidmətçisi Partiyasının namizədi kimi qatılan Vladimir Zelenski aprelin 21-də keçirilmiş ikinci turda 2014-cü ildən dövlət başçısı olan Pyotr Poroşenkonu udub, mayın 20-də səlahiyyətlərinin icrasına başlayıb.

Xalq Xidmətçisi Partiyasının əsası 2016-cı ildə qoyulub. Əsas qurucuları Vladimir Zelenski və Yevgeni Yurdıqadır.

2016-cı il aprelin 13-də siyasi qurum Yevgeni Yurdıqanın sədrliyi ilə Qəti Dəyişikliklər Partiyası kimi qeydiyyatdan keçib. 2017-ci il dekabrın 2-də təşkilata Xalq Xidmətçisi Partiyası adı verilib, İvan Bakanov sədr seçilib. Hazırda İvan Bakanov Ukrayna Təhlükəsizlik Xidmətinin başçısı səlahiyyətlərinin icraçısıdır.

2019-cu il mayın 22-dən Xalq Xidmətçisi Partiyasına Dmitri Razumkov sədrlik edir. 1983-cü il təvəllüdlü Dmitri Razumkov iqtisadçıdır. 21 iyul seçkisində partiyanın proporsional siyahısına başçılıq edərək Ali Radanın deputatı seçilib.

Partiya öz adını 2015-2019-cu illərdə çəkilmiş teleserialdan götürüb. Serialda baş rolu – prezident seçilən müəllim rolunu Vladimir Zelenski oynayıb.

Paylaş:

This post was last modified on 24 İyul 2019 5:21 axşam

Share

Son Əlavələr

  • GÜNDƏM
  • XuralTAC

Mehman Hüseynov bələdiyyə seçkilərinə qatılır

Bloger “Seçki tarixində belə maraqlı, kreativ seçki olmayıb” deyir. Tanınmış bloger, “Sancaq Production”un rəhbəri Mehman Hüseynov bələdiyyə seçkilərində iştirak edəcək.…

12 Noyabr 2019 1:59 səhər
  • GÜNDƏM
  • MANŞET
  • XuralTAC

Əvəz Zeynallının ölkədən çıxışına qadağa qoyuldu – Səbəb Mikayıl Cabbarovdur

“Xural” qəzetinin baş redaktoru Əvəz Zeynallının ölkədən çıxışına qadağa qoyulub. Qadağa Vergilər Nazirliyinin müraciəti əsasında tətbiq edilib. Reyting.az xəbər verir ki,…

11 Noyabr 2019 3:21 səhər
  • GÜNDƏM
  • SİYASƏT
  • XuralTAC

REAL-da nə baş verir?

2013- cü ildə cəmi 30 nəfər üzvü olan ReAl hərəkatı 8 gün ərzində 42 min imza yığa bilib, amma 2018-ci…

10 Noyabr 2019 5:54 axşam
  • GÜNDƏM
  • XuralTAC

REALa açıq məktub

REAL Partiyası Məclisinin keçmiş başqanı Azər Qasımlının həyat yoldaşı Samirə Qasımlı partiyaya və partiya sədri İlqar Məmmədova məktub ünvanlayıb: “Reala…

10 Noyabr 2019 5:37 axşam
  • DÜNYA
  • GÜNDƏM
  • XuralTAC

Qorbaçov: “Gərək hər diktator …çəni yanacaqla dolu təyyarəni hazır saxlasın…”

Noyabrın 4-də Almaniyanın paytaxtında Berlin divarının yıxılmasının 30 illiyinə həsr edilmiş rəsmi tədbirlər başlayıb. Bayram tədbirləri noyabrın 10-na qədər davam…

9 Noyabr 2019 1:37 axşam
  • ARAŞDIRMA
  • GÜNDƏM
  • XuralTAC

Corc Soros yazdı: “Millətçilik necə yüksəldi?”

Corc Soros “Project Syndicate”, 08.11.2019   8 Noyabr 1989-cu il tarixdə Berlin Divarının yıxılması Avropada kommunizmin dağılmasını qəfildən və kəskin…

9 Noyabr 2019 1:30 axşam
Xural.COM