Obamanın fotoqrafı Pitin çəkdiyi ən qeyri-adi görüntülər – FOTOLAR + VİDEO
Pit Souza Amerika Birləşmiş Dövlətlərinin prezidenti Barak Obamanın şəxsi fotoqrafıdır. Pit demək olar ki, günün bir çox saatını prezidentlə birlikdə olur. Onun çəkdiyi fotolar arxivləşdirilir. xural.com bizimyol.info-ya xəbər verir ki, ABŞ-da prezident seçilən şəxslər andiçmə mərasimindən sonra şəxsi fotoqraflarını seçirlər. İlk dəfə olaraq ABŞ prezidenti Lindon Conson 1965-cü ildə özünə şəxsi fotoqraf seçib. Yoichi Okamoto adlı fotoqrafın vəzifəsi prezidentin gündəlik həyatını çəkmək idi.
B.Obamanın fotoqrafı olan Pit Souza da prezidentin gününün çox hissəsini çəkir. O və 3 nəfərlik komandası 1 həftə ərzində 20 minə yaxın şəkil çəkir. Çəkilən görüntülərin 5 %-i əl sıxışmaları ilə bağlı şəkillər olur. Pit və komandası 16 ay ərzində 1 milyon şəkil çəkib. Pit, ABŞ prezidentinin təyyarəsinə ən çox minən şəxslərdəndir. O, 150 dəfə prezident təyyarəsində olub. Pitin “Ağ Evdə” sərbəst gəzmək haqqı var. Təhlükəsizlik Xidmətinin əməkdaşları və “Ağ Ev”-də çalışanlar Piti çox yaxşı tanıyırlar. Pit bəzən 13 saat çalışır. “Ağ Ev” foto-redaktoru Alice Gabriner isə Pitin çəkdiyi şəkillərə bir-bir baxır. Alice ən yaxşı şəkilləri seçərək yayımlayır. Digər şəkillərin silinməsi isə qadağandır.
Çəkilən şəkillərdən bəziləri B.Obamanın xüsusi diqqətin olub və həmin fotolar 1 il və ya 1 il 6 ay müddətində divardan asılı qalıb. Qeyd edək ki, “Ağ Ev”in divarlarında Pitin çəkdiyi şəkillər var. Bu şəkillər bir müddət sonra yeniləri ilə əvəz edilir. Bəzən B.Obama və səlahiyyətli şəxslər bu görüntülərə baxırlar. Şəkillər arasında bəziləri Obama tərəfindən daha çox bəyənilib. Bunlardan biri Obamanın bir uşağın qarşısında əyilmisini özündə əks etdirən görüntüdür. B.Obama həmin anı belə xatırlayır: “Pit çox əla bir görüntünü tutmuşdu. “Ağ Ev”də işləyənlərdən biri, bir gün uşağı ilə birlikdə gəlmişdi. 4 yaşı olan bu uşaq yanıma gəlib bu sözləri dedi: “Mənə ikimizin də saç düzümünün eyni olduğunu deyirlər. Doğrudurmu deyə baxmağa gəlmişəm.” Mən də saçıma baxa bilməsi üçün başımı əydim. Pit də bu görüntünü çəkə bildi. Həmin görüntü 1 il 6 ay divarda qaldı.”
Obama müsahibələrin birində Pit haqqında bunları deyib: “Düşünürəm ki, Pit və mən yaşlı dostlar kimiyik. Bir-birimizi tanıyırıq. O ailəmizin bir üzvü kimidir.”
Pit gördüyü işin ən çətin iş olduğunu desə də, işini çox sevdiyini, amma dostları ilə çox az görüşdüyünü deyir: “Dostlarım onları tərk etdiyimi düşünə bilər. Günün çox saatını prezidentlə bir yerdə keçirirəm. Dostlarıma az vaxt ayırmaq məcburiyyətindəyəm. Bəzən televiziya proqramlarında qonaq oluram. Məndən ən yaxşı şəklimin hansı olduğu soruşurlar. Mən isə ən yaxşı şəklimi sabah çəkəcəyimi deyirəm.”
ABŞ prezidenti B.Obamanın prezidentliyi ilə bağlı bir çox hekayələr yazılacaq, amma Pitin çəkdiyi şəkillər Amerika xalqına “Ağ Ev”də yaşananlara içəridən baxmasını təmin edəcək.
xural.com Pitin çəkdiyi fotoları və onun haqqında hazırlanmış sənədli filmi təqdim edir:
Mövzuya dair fotolar (Böyütmək üçün tıklayın)
