“Ayrılıb ölürük biz…”-ŞEİR
Səadəti qovuruq…
Dərddən zövq alırıq, biz.
Hələ qovuşmamışıq
Necə ayrılırıq, biz?
Ağlamalı gündəyik
Bəs niyə gülürük biz?
Qovuşub dirilmirik
Ayrılıb ölürük biz!
Ömür uzun səfərdi…
Hara tələsirik ki?
Gəlmişkən ləngiməyək
Hər dəfə gəlmirik ki?
Yat, yuxusun sevdiyim…
Şirin yuxu dilərəm…
Şeir yadımdan çıxsa
Layla deyə bilərəm.
Gözümün intizarı…
Gözümdən uzaqlaşma.
Mən də elə sənəm də…
Özündən uzaqlaşma.
Məni məndən ayırma
Sonra qayıtmaq olmur
Səni tapmaq asandı
“Özümü” tapmaq olmur.
Səddam Məmmədov