Cəlilabadda bir gündə 6 yanğın hadisəsi olub
Cəlilabad rayonunda bu gün bir neçə yanğın hadisəsi baş verib. Hadisələrdən biri Ələt-Astara avtomobil yolunun rayon ərazisindən keçən hissəsində, yolun kənarında qeydə alınıb. Bu yanğın nəticəsində 0.5 hektar ərazidə quru kol-kos yanıb.
Daha sonra rayonun Bəcrəvan kəndində minik avtomobili yanaraq, kül olub.
Həmçinin, Cəlilabad şəhərinin Qurtuluş küçəsində 2 ərazidə və rayonun Alar kəndi ərazisində məişət tullantıları yanıb.
Daha bir yanğın hadisəsi rayonun Təklə kəndində bələdiyyəyə aid ərazidə biçilməmiş taxıl sahəsində qeydə alınıb. Yanğın nəticəsində 3 hektar biçilməmiş taxıl sahəsi yanıb.
Bütün yanğın yerlərinə yanğınsöndürənlər və texnikalar cəlb olunaraq yanğınlar söndürülüb.
Faktlarla bağlı araşdırma aparılır.
