Cəncədə silahlı insident
Gəncə şəhərində güllələnmə faktı qeydə alınıb.
Xural.com-un Kəpəz TV-yə istinadən verdiyi məlumata görə, dünən saat 23:30 radələrində 32 yaşlı şəhər sakini Elmir Cəlilov odlu silah yarası ilə Gəncə şəhər Təcili Tibbi Yardım Xəstəxanasına (TTYX) çatdırılıb.
Dərhal cərahiyyə şöbəsinə yerləşdirilən şəxsi xilas etmək mümkün olmayıb.
Hazırda cinayəti törədən şəxs və ya şəxslərin kimliyi dəqiqləşdirilir. Hadisənin hansı zəmində baş verməsi ilə bağlı hələlik dəqiq məlumat yoxdu.
Gəncə şəhər TTYX-da hüquq mühafizə orqanı əməkdaşları cəlb olunub və araşdırmalara başlanılıb.
