Azərbaycan Ağsaqqallar Şurasının sədri, deputat, parlamentin Hesablayıcı komissiyasının sədri Fəttah Heydərov I Fəxri xiyabanda dəfn ediləcək.
Bu barədə “Report”a Milli Məclisdən məlumat verilib.
Qeyd edək ki, F.Heydərov avqustun 3-də vəfat edib.
31 avqustadək ölkə ərazisinə yerüstü və hava nəqliyyatı yolu ilə giriş-çıxışın dayandırılması (xüsusi və çarter reysləri istisna olmaqla) davam edəcək.
Xural.com xəbər verir ki, bu barədə Nazirlər Kabineti yanında Operativ Qərargah qərar imzalayıb.
Həmçinin xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla, sərtləşdirilmiş xüsusi karantin rejiminin tətbiq olunduğu şəhər və rayonlara giriş-çıxış və ölkənin digər şəhər və rayonlarından yerustü və hava nəqliyyatı ilə sərnişin daşımalarının dayandırılması (Naxçıvan Muxtar Respublikası istisna olmaqla) barədə qərarın da müddəti 31 avqustadək uzadılıb.
“Tovuzda Azərbaycan Ermənistan sərhəddində son düşmən təxribatı zamanı bir daha xalq-dövlət, xalq-ordu birliyinin nə qədər möhkəm və sarsılmaz,vacib olduğunun şahidi olduq. Sıravi vətəndaşlardan tutmuş müxtəlif təşkilatlara qədər Orduya, əsgərə dəstək olmaq üçün əllərindən gələni edirdilər”.
Virtualaz.org bildirir ki, bunu millət vəkili Arzu Nağıyev öz Facebook səhifəsində yazıb.
Deputat qeyd edib ki, bu təşkilatlardan biri də Bakı Nəqliyyat Agentliyidir (BNA): “Agentlik bu həssas dönəmdə qısa vaxt kəsimində 2 yük avtomobili karvanı olmaqla 31 TIR-la 13 mindən artıq təkəri cəbhə xəttinə yola salıb. Bu təkərlərin müdafiənin təşkili baxımından necə əvəzsiz bir material olduğunu mütəxəssislər yaxşı bilirlər, onlar hərbiçilərimizi düşmən gülləsindən qoruyacaq”,-deyə A.Nağıyev vurğulayıb.
Deputat Orduya göstərdikləri dəstəyə görə Bakı Nəqliyyat Agentliyi İdarə Heyətinin sədri Vüsal Kərimliyə və kollektivin bütün üzvlərinə minnətdarlığını bildirib…
Xural.com-a “Vətən” Dəyərlər Platformasının bəyanatı daxil olub. Platformanı təqdim edirik:
Bu gün (dünən – Red.) Azərbaycan öz tarixinin ən məsuliyyətli dövrlərindən birini yaşayır. Bu ziddiyətli və mürəkkəb mərhələdə MƏNƏVİ-ƏXLAQİ dəyərlərin, eləcə də MİLLİ DÖVLƏTÇİLİK maraqlarının qorunub yaşadılması taleyüklü məsələyə çevrilir. Dövlətinə, Xalqına, Vətəninə, nəhayət öz Milli qüruruna hörmətlə yanaşan hər bir vətəndaş bu məsələyə ciddi önəm verməlidir. Hər kəs (siyasi mənsubiyyətindən, milli kimliyindən, dinindən, dilindən və dünyaduyumundan asılı olmayaraq), təkamül, həmrəylik və demokratiya yolunu dövlətçiliyimizin mənəvi dayaqları qismində qəbul etməlidir.
Sirr deyil ki, xalqın mənəvi təkamülü Dövlət və Dövlətçiliyin inkişafı üçün vacib amillərdən sayılır; belə ki, əxlaqi və mental dəyərləri aşınmaya məruz qalan cəmiyyətdə xalqın proqressiv inkişafı təmin edilməz. Milli dəyərlər sistemi dağınıq olan ölkənin Dövlətçilik sistemi çökər. Bu qaçılmaz və İlahi bir qanunauyğunluqdur.
Məhz bu səbəbdən bu gün biz, mütərəqqi düşüncəli insanlarımızı, aydınlarımızı, o cümlədən Azərbaycan cəmiyyətinin bütün spektrini milli-mənəvi və əxlaqi dəyərlərin xilası yolunda iradə və qətiyyət nümayiş etdirməyə çağırırıq. Hesab edirik ki, bu gün-mənəvi deqradasiyanın kritik həddə yaxınlaşdığı, siyasi münasibətlərin (obyektiv və subyektiv səbəblərdən) gərginləşdiyi həssas zaman kəsiyində ictimai-siyasi elitanın konsensusa gəlməsi və səylərini vahid bir Güc Mərkəzi yaradılmasına yönəltməsi tarixi zərurətə çevrilib.
Biz, VƏTƏN Dəyərlər Platformasının məhz belə bir MƏRKƏZ – Azərbaycanın siyasi-ictimai həyatında birləşdirici, barışdırıcı funksiyanı yerinə yetirəcək nüfuzlu bir təşkilat kimi fəaliyyət göstərəcəyinə inanırıq. Bunun üçün biz (qanun çərçivəsində) bütün vasitə və imkanlardan istifadə edərək VDP-in qısa zaman ərzində sevilən, inanılan, ən başlıcası xalq tərəfindən dəstəklənən demokratik ictimai-siyasi güc mərkəzinə çevrilməsinə nail olacağıq.
Bu gün biz bir-birimiz haqqında danışmaqdansa, bir-birimizlə danışmalıyıq. Bizləri ayırıb incik salan məsələlərdən daha artıq, bizləri birləşdirən mətləblər ətrafında müzakirələr açmalı, debatlar aparmalıyıq.
“Zaman tərəzisi”nə xalqımızın müqəddəratı və Dövlətimizin gələcək perspektivləri qoyulub. Artıq psevdo-millətçiliklə, yersiz ambisiyalarla, qarşılıqlı ittihamlar, populist – konyuktur və qeyri-etik çıxışlar və s. ilə ciddi nəticələr əldə etmək mümkün deyil. Cəmiyyətimiz haqlı olaraq bütün bu neqativlərdən cana doyub. Unutmayaq ki, tarix öz taleyinə, gələcəyinə və milli müstəqilliyinə biganə qalmayan millətləri dəyərləndirir, mükafatlandırır. Başqa cür mümkün də deyil.
Və bu gün bizlər öz taleyimizin laqeyd tamaşaçısından fəal iştirakçısına çevrilməsək, heç şübhəsiz ki, qarşımıza çıxan bir sıra problemlərin faciəyə çevriləməsinin şahidi olacağıq.
Bu gün ölkə əhalisi irreal siyasi oyunlarından, eləcə də onlayn sosial-iqtisadi kataklizmlərindən yorulub, təngə gəlib. ONU daha çox məişət qayğıları, COVİD-19 qorxusu, adi dolanışıq və özünün milli əxlaqi dəyərlər sisteminin taleyi narahat edir. Bu da təbiidir; çünkü xalqın birliyinin atributu, ilk növbədə onun real vətəndaş hüquqlarının vahidliyi və bu hüquqların qorunmasına əminlikdən qaynaqlanır.
Azərbaycan burada yaşayan və bu ölkəni özünün doğma EVİ hesab edən hər bir vətəndaşın VƏTƏNİ olmalıdır və bizlər də hamılıqla bu vətənin sayılan, seçilən məmləkətlər sırasında olması, firavan yaşaması naminə, səylərimizi birləşdirməyə borcluyuq. Təzadlı görünsə də, bütün bunlar üçün bu gün dünənimizi qorumalıyıq. Əks-təqdirdə sabahımızın mövcudluğu sual altına düşə bilər. Bu baxımdan, ölkəmizin sivil dünya birliyi sıralarına öz mental keyfiyyət və dəyərləri ilə qoşulması haqda ciddi düşünməliyik. Liberal dəyərlərin təntənəsi milli dəyərlərimizin inkarı hesabına, (eləcə də əksinə), olmamalıdır və bu, birmənalı olaraq yolverilməzdir.
VƏTƏN Dəyərlər Platforması əsasən cəmiyyətin intellektual əxlaq daşıyıcılarının köməyi ilə formalaşıb təşəkkül tapacaq və təbii ki, vətənini, dövlətini göz bəbəyi kimi qorumağa hazır olan vətəndaşlarımızın iştirakı ilə mövcud olacaqdır.
VƏTƏN Dəyərlər Platforması kimlərin təşkilatı olacaq?
VƏTƏN Dəyərlər Platforması, ilk növbədə ümummilli mənafeləri şəxsi maraqlardan uca tutanların;
– millətini, torpağını bütöv və azad görmək istəyənlərin;
– Qarabağın azadlığı üçün canından keçməyi özünün Alın Yazısı sayanların;
– talançılığı, korrupsiyanı, rüşvətxorluğu və riyakarlığı insan mənəviyyatına vurulan ağır zərbə hesab edib, ona qarşı barışmaz mövqe nümayiş etdirənlərin;
– Azərbaycanın dövlətçilik maraqlarını uca tutaraq, ölkədə hökm sürən kövrək ictimai-siyasi sabitliyin həqiqi əmin-amanlığa çevrilməsinə səy göstərənlərin;
– ölkə ictimaiyyətini fəallaşdıraraq, onları demokratik mübarizəyə səfərbər edənlərin;
– ədalətsiz olaraq tənə, təhqir və təqiblərə məruz qalmış, hüquqları pozulmuş vətəndaşlara mənəvi, maddi və hüquqi yardım etmək istəyənlərin;
– mənəvi və əxlaqi keyfiyyətləri, humanizm prinsiplərini insan ömrünün qiymət meyarı sayanların;
– azad sözə , azad fikir və azad seçimə qarşı çıxanlarla mübarizə aparanların;
– indiyə qədər siyasi oyunlarda iştirak etməyən, vətəndaşlıq ləyaqətinə xələl gətirməyən, hakimiyyətə, yaxud hər hansı bir vəzifə kürsüsünə iddiası olmayanların;
– qanunun aliliyi və bərabərhüquqlu vətəndaş cəmiyyəti quruculuğu, vətəndaşların hüquq və azadlıqlarının toxunulmazlığına təminat verilməsi uğrunda, konstitusiyanın verdiyi bütün imkanlardan istifadə edərək, sivil üsullarla mücadilə aparanların;
– siyasi məkana səmimi şəkildə əxlaq, mənəviyyat və ziya gətirməyə cəhd edənlərin… DEMOKRATİK – İCTİMAİ TƏŞKİLATIDIR.
Vətənin mənafeyini, müstəqilliyimizin və mənəvi-əxlaqi dəyərlərimizin mahiyyətini qiymətləndirən hər bir vətəndaş, hər bir fərd dərk etməlidir ki, bu gün xalqının müxalifəti, yaxud iqtidarı olmazdan əvvəl ONUN LAYİQLİ ÖVLADI olmalıdır. Və bu LAYİQLİ ÖVLAD, bu gün Tanrının buyurduqları və İNSANLIQ EKOLOGİYASININ real təhlükə qarşısında olduğunu heç bir halda iqnor etməməlidir. Azərbaycan adlı məmləkəti sevən hər kəs, nəyin bahasına olursa olsun cəmiyyəti bu təhlükədən qorumağa çalışmalıdır.
Biz bütün ölkə ictimaiyyətinə, demokratik düşərgənin birliyini istəyən ziyalı sözünü və mütərəqqi fikirləri qəbul eləyən, vətənin sevinci ilə sevinən, ağrısı ilə ağrıyan hər bir soydaşımıza, hər bir Azərbaycan vətəndaşına müraciət edirik!
İstəyirik ki, cəmiyyətimiz təlaşdan, qeyri-müəyyənlikdən azad olsun, insanlarımız öz mental şüuruna istinadən ətalətdən, ümidsizlikdən, yaltaqlıq və xofdan qurtulsun.
Biz vətəndaş sülhünün bərqərar olmasını, ölkədə əsil demokratik mühitin və azadlıq substansiyasının yaranmasını arzulayırıq.
Biz istəyirik ki, Azərbaycanda insan haqları, toplumun hüquqları tapdanmasın, millət süstlükdən qurtulub öz milli mənliyini, öz ləyaqətli və harmonik yaşam tərzini dərk etsin.
Nəhayət, biz istəyirik ki, insanlarımız demokratik, hüquqi, dünyəvi və unitar bir dövlətdə azad, firavan, qayğısız yaşamağın nə olduğunu anlasın.
İnanırıq ki, bütün bu deyilənlər əqidəmizi bölüşən, amalımız və məsləyimizlə yaşayan, təkcə sözdə deyil, işdə, əməldə də öz ləyaqətini, qürurunu və şəxsiyyətini qoruyan minlərlə, yüz minlərlə həmvətənimizin iradəsini əks etdirir. Bu cür düşünən insanların yolu HAQQ yoludur və bu, bəlkə də yeganə İŞIQLI YOLdur.
Xalqın iradəsi müqəddəsdir. Təməli xalqın iradəsi ilə qoyulan MƏRAM insanlara MƏBƏDİN yolunu göstərər, HAQQI tanıdar.
Əziz və hörmətli vətəndaşlarımız !
VƏTƏN Dəyərlər Platforması bütün potensialını səfərbər edərək, məhz bu MƏRAMIN yolçusu olmağı düşünür və bunu özünə şərəf sanır.
Biz sizi – ruhunda, damarlarında Xalq, Dövlət və Vətən məhəbbəti daşıyan hər bir alicənab insanı, hər bir zəka sahibini bu YOLa, bu MƏRAMa dəvət edirik.
Bu çətin, ancaq şərəfli YOLda Tanrı bizə yar olsun !
VƏTƏN Dəyərlər Platformasının Təşəbbüs qrupu.
İmzalar:
Qeyd:
Bəyanata qoşulmaq istəyənlər üçün siyahı açıqdır.
Xural.com
İyunun 13 və 14-də havanın temperaturu yüksələcək.
Xural.com xəbər verir ki, bu barədə Milli Hidrometeorologiya Xidməti məlumat yayıb.
Qeyd olunub ki, maksimal temperaturun Bakıda və Abşeron yarımadasında 40, Mərkəzi Aran rayonlarında isə 42 dərəcəyədək olacağı gözlənilir.
Tibbi-meteoroloji xəbərdarlığa gəlincə, iyunun 13 və 14-də Abşeron yarımadasında gündüz saatlarında havanın temperaturunun 40 dərəcəyədək yüksəlməsi gözlənilir ki, bu da əksər əhali üçün əlverişsiz, meteohəssas insanlar üçün risklidir. Günorta saatlarında uzun müddət açıq havada olmaq məsləhət görülmür.
İyunun 11-i axşamdan 14-ü gündüzədək Azərbaycanın bəzi şimal və qərb rayonlarında şimşək çaxacağı, lokal leysan xarakterli yağış yağacağı, dolu düşəcəyi gözlənilir. Böyük və Kiçik Qafqazın bəzi dağ çaylarından qısamüddətli sel keçəcəyi ehtimal olunur.
“Müqəddəs Ramazan ayının son günündə Gəncə şəhərində yerləşən tarixi “İmamzada” kompleksi tərəfindən şəhərin yardıma ehtiyac hiss olunan 200 ailəsinə Ramazan yardımı göstərilib”, – bu haqda xural.com əməkdaşına Gəncədə yaşayan sakinlərdən məlumat daxil olub. Məlumatda bildirilir ki, Ramazan bayramı münasibətilə şəhərin yardıma ehtiyac duyan müsəlmanlarına yardım göndərilib. O da bildirilib ki, “İmamzada” kompleksi belə yardımları koronavirus dönəmində də göstərib. Adının çəkilməsini istəməyən “İmamzada” kompleksi təmsilçisi “biz Allah üçün yardım edirik və bu haqda xüsusi təbliğata ehtiyac duymuruq. Kimə əlimiz çata bildisə, təbii ki, imkanlarımız daxilində yardım gösərə bildik. Kaş ki, daha çox ailəyə yardım edə bilsəydik və bütün imkanlarımızı səfərbər edirik ki, bu yardımların miqyasını artıraq. “İmamzada” kompleksinin rəhbəri Hacı Tahir Abbaszadənin, eyni zamanda şəhər rəhbərliyinin tapşırıqları ilə müsəlmanların bayram süfrələrinin ürəklərincə olmasını istəyirik. Biz şəhərimizi və mömin insanlara xidmət etməyi sevirik!” dedi.
Qeyd edək ki, yardım alan insanlardan bəziləri də əməkdaşlarımızla əlaqə saxlayaraq yardım aldıqlarını və razı qaldıqlarını bildiriblər.
Xural.com
Bu gün mübarək Ramazan ayının 24-cü günüdür. Qafqaz Müsəlmanları İdarəsinin təqviminə görə, mayın 18-də imsak vaxtı saat 03:34-dək, iftar vaxtı isə 20:08-dədir.
Günün duası: “İlahi, bu ayda Səndən Səni razı salacaq şeyləri diləyirəm. Səni incidəcək şeylərdən Sənə pənah gətirirəm. Bu ayda məni Sənə itaət etməyə, Sənə asilik etməməyə müvəffəq etməyini diləyirəm, ey diləyənlərə səxavət göstərən Allah!”
İftar duası: “Allahım, Sənin rizan üçün oruc tutdum, Sənə inandım, Sənə güvəndim. Sənin ruzinlə iftar açır və Sənə təvəkkül edirəm. Ey bağışlayan Allah, orucumu qəbul et, günahlarımı bağışla”.
Allah orucunuzu qəbul etsin.
Bu gün mübarək Ramazan ayının 21-ci günüdür. Qafqaz Müsəlmanları İdarəsinin təqviminə görə, mayın 15-də imsak vaxtı saat 03:38-dək, iftar vaxtı isə 20:05-dədir.
Günün duası: “İlahi, bu ayda Sənin rizanı qazanmaq üçün mənə yol göstər! Şeytanın məni azdırması üçün yol qoyma. Cənnəti mənim üçün mənzil və dinclik yeri qərar ver. Ey möhtac olanların ehtiyacını ödəyən Allah!”
İftar duası: “Allahım, Sənin rizan üçün oruc tutdum, Sənə inandım, Sənə güvəndim. Sənin ruzinlə iftar açır və Sənə təvəkkül edirəm. Ey bağışlayan Allah, orucumu qəbul et, günahlarımı bağışla”.
Allah orucunuzu qəbul etsin!
Bu gün Ramazan ayının 20-ci günüdür.
Xural.com xatırladır ki, Qafqaz Müsəlmanları İdarəsinin açıqladığı Ramazan təqviminə əsasən, mayın 14-də Bakıda imsak saat 03:40-da, iftar isə saat 20:04-dədir.
Ramazan ayının 20-ci gününün duası: “Allahummə vəffir fihi həzzi min bərəkatih. Və səhhil səbili ila xeyratih. Və la təhrimni qəbulə həsənatih. Ya hadiyən iləl-həqqil-mubin”.
Tərcüməsi: “İlahi, bu ayda mənim üçün cənnət qapılarını aç, cəhənnəm qapılarını bağla. Məni bu ayda Quran oxumağa müvəffəq et, ey möminlərin qəlblərinə rahatlıq salan Allah!”
Allah orucunuzu qəbul etsin!
Bu gün mübarək Ramazan ayının 19-cu günüdür. Qafqaz Müsəlmanları İdarəsinin təqviminə görə, mayın 13-də imsak vaxtı saat 03:41-dək, iftar vaxtı isə 20:03-dədir.
Günün duası: “İlahi, Ramazan ayında olan bərəkətlərdən mənim qismətimi artıq et! Bu ayda xeyir əməllərin yolunu mənim üçün asanlaşdır! Və bu ayda olan yaxşı əməllərin qəbul olmasından məni məhrum etmə! Ey açıq-aşkar haqqın tərəfinə Yol Göstərən!”
İftar duası: “Allahım, Sənin rizan üçün oruc tutdum, Sənə inandım, Sənə güvəndim. Sənin ruzinlə iftar açır və Sənə təvəkkül edirəm. Ey bağışlayan Allah, orucumu qəbul et, günahlarımı bağışla”.
Allah orucunuzu qəbul etsin.
Bu gün mübarək Ramazan ayının 17-ci günüdür. Qafqaz Müsəlmanları İdarəsinin təqviminə görə, mayın 11-də imsak vaxtı saat 03:44-dək, iftar vaxtı isə 20:01-dədir.
Günün duası: “İlahi, bu gün məni yaxşı əməllərə yönəlt. Belə bir gündə mənim bütün arzu və ehtiyaclarımı ödə. Ey izahlara ehtiyacı olmayan Allah! Ey hamının qəlbində olanları bilən, salamın olsun Məhəmməd və onun pak Əhli-beytinə!”
İftar duası: “Allahım, Sənin rizan üçün oruc tutdum, Sənə inandım, Sənə güvəndim. Sənin ruzinlə iftar açır və Sənə təvəkkül edirəm. Ey bağışlayan Allah, orucumu qəbul et, günahlarımı bağışla”.
Allah orucunuzu qəbul etsin.
Bu gün mübarək Ramazan ayının 15-ci günüdür. Qafqaz Müsəlmanları İdarəsinin təqviminə görə, mayın 9-da imsak vaxtı saat 03:47-dək, iftar vaxtı isə 19:59-dadır.
Günün duası: “İlahi, bu gün məni Sənə həqiqi təzim edib, ulu sayılanlar kimi itaət etməyə müvəffəq et! Sənə yaxşı bəndələr kimi tövbə etməklə qəlbimi işıqlandır! Ey, qorxanlara Aman Verən!”
İftar duası: “Allahım, Sənin rizan üçün oruc tutdum, Sənə inandım, Sənə güvəndim. Sənin ruzinlə iftar açır və Sənə təvəkkül edirəm. Ey bağışlayan Allah, orucumu qəbul et, günahlarımı bağışla”.
Allah orucunuzu qəbul etsin.
Bazar günü Azərbaycanda gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, mayın 3-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə və səhər bəzi yerlərdə yağış yağacağı gözlənilir.
Səhər duman olacaq, şimal-şərq küləyi əsəcək. Havanın temperaturu Abşeron yarımadasında gecə 12-15, gündüz 19-24, Bakıda gecə 12-14, gündüz 21-23 dərəcə isti olacaq.
Atmosfer təzyiqi normadan aşağı 756 mm civə sütunu, nisbi rütubət gecə 70-80, gündüz 40-45 faiz təşkil edəcək.
Azərbaycanın rayonlarında bəzi yerlərdə şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Gecə və səhər duman olacaq, şərq küləyi əsəcək.
Havanın temperaturu gecə 9-14, gündüz 20-25, dağlarda gecə 2-7, gündüz 8-13 dərəcə isti olacaq.
Aprelin 22-də Azərbaycanda 38 yeni koronavirus infeksiyasına yoluxma faktı qeydə alınıb, 42 nəfər müalicə olunaraq sağalmış və evə buraxılıb
Bu barədə Nazirlər Kabineti yanında Operativ Qərargah məlumat yayıb.
Məlumatdan görünən odur ki, koronavirus infeksiyasından ölüm faktı bu gün qeydə alınmayıb.
Operativ qərargahın məlumatında qeyd olunub ki, Azərbaycanda indiyədək1 518 nəfərin koronavirus infeksiyasına yoluxması faktı müəyyən edilib.
“Onlardan 907 nəfər müalicə olunaraq sağalmış, 20 nəfər vəfat etmiş, 591 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 14 nəfərin vəziyyəti ağır, 21 nəfərin vəziyyəti orta ağır qiymətləndirilir, digərlərinin səhhəti stabildir.”məlumatda deyilir.
Ötən müddət ərzində yeni yoluxma hallarının müəyyənləşdirilməsi ilə əlaqədar 108.221 test aparılıb.
Dövlət İmtahan Mərkəzinin Direktorlar Şurasının sədri Məleykə Abbaszadə abituriyent, məzun, müəllim və valideynlərə müraciət edib.
DİM-dən Xural.com-a verilən xəbərə görə, müraciətdə deyilir:
“Əziz məzunlar və abituriyentlər, hörmətli müəllimlər və valideynlər!
Bugünlərdə bizə imtahanların keçirilmə tarixləri barədə xeyli müraciətlər daxil olur. Biz sizin həyəcanı çox yaxşı anlayır və onu əsaslı hesab edirik. Hər bir şagird məktəbi bitirdikdən sonra attestasiyadan keçmək və müvafiq bilikləri varsa, təhsilini növbəti pillədə davam etdirmək imkanını əldə etməlidir. Lakin bu il virus həyatımıza müdaxilə etdi, onu dəyişdi, amma virus həyatımızı məhv edə bilməz. Həyat davam etməlidir! İndi biz onu virusdan müdafiə etməyi öyrənməliyik. Biz sağlam qalmalıyıq!
Bu tip daxili gərginliyi azaltmaq və stressi idarə etmək üçün ilk növbədə məsələyə şüurlu yanaşmaq, rasional baxış bucağı formalaşdırmaq zəruridir. Nəticə etibarilə vəziyyət ciddi olsa da, çıxış yolları var və dövlət-vətəndaş birliyi ilə onun öhdəsindən gəlmək mümkündür.
Gəlin birgə sadə bir riyazi məsələyə nəzər yetirək, bu, virusun nə qədər təhlükəli olduğunu dərk etməyə kömək edəcək. Hansı səbəblərə görə karantin qaydalarına əməl etmək lazımdır? Bu dərəcədə sərt tədbirlər nəyə lazımdır?
Əgər başlanğıc mərhələdə infeksiyanın qarşısı sərt tədbirlərlə alınmasa, o həndəsi silsilə ilə artar və onun yayılmasının qarşısını almaq qeyri-mümkün olar. Həndəsi silsilənin nə demək olduğunu məşhur bir riyazi məsələ ilə izah etməyə çalışaq.
Təsəvvür edin ki, hər hansı bir gölün səthində su zanbağı bitib və onun yarpaqları həndəsi silsilə ilə artır. Başqa sözlə hər bir yarpaqdan gün ərzində daha bir yarpaq yaranır. Bu, hər gün zanbaq yarpaqlarının iki dəfə artmasına səbəb olur. Tutaq ki, 60 gün ərzində zanbaq yarpaqları gölün səthini tamamilə örtür. Sizcə zanbaq yarpaqlarının gölün səthinin yarısını örtməsi üçün neçə gün keçməlidir? İlk ağıla gələn cavab adətən 30 gün olur. Lakin doğru cavab 59 gündür. Yəni zanbaq yarpaqlarının gölün səthinin birinci yarısını örtməsi üçün 59 gün lazım olsa da, ikinci yarısını örtməsi üçün cəmi bir gün lazımdır.
Bəs sizcə, bu hesabla gölün səthinin 1%-i neçənci gündə örtülür? Cavab 53-cü gündür. Yəni yayılmanın 0-dan 1 faizə çatması üçün 53, 1 faizdən yüz faizə çatması üçün cəmi 7 gün lazımdır.
İndi gəlin bu məsələni pandemiyaya tətbiq edək.
Tutaq ki, hər hansı ölkənin vətəndaşları düşünür ki, virusun ölkədəki yayılma faizi çox aşağıdır və ümumilikdə ölkə üçün heç bir təhlükə törətmir. Buna görə də öz normal həyatlarına davam edirlər və heç bir qabaqlayıcı tədbir görmürlər. Hesab edək ki, virusa yoluxan hər bir insan orta hesabla cəmi bir başqa insanı yoluxdurur. Bu şəkildə pandemiyanın yayılması 1%-ə çatdıqdan sonra cəmi 1 həftə ərzində bütün ölkə əhalisi yoluxmuş olacaq. (1% → 2% → 4% → 8% →16% → 32% →64% → 100%.)
Məhz buna görə də pandemiyaya mümkün qədər tez müdaxilə edilir və sərt tədbirlər görülür.
İndi isə gəlin başqa bir suala birgə cavab tapaq:
İnkişaf etmiş bir sıra ölkələrdə ortaya çıxan kütləvi ölümlərin səbəbi nədir?
Bu suala cavab vermək üçün başqa bir məşhur riyazi məsələyə nəzər salmaq lazımdır. Hər birimiz məktəbdə hovuz problemi adlanan riyazi məsələləri həll etmişik.
Bu məsələyə görə bir hovuza krandan su doldurulur, başqa bir boru vasitəsilə isə su hovuzdan kənara axır. Əgər hovuza dolan suyun həcmi boşalandan böyükdürsə, onda bir müddət sonra hovuz dolub daşmağa başlayacaq. Əgər əksinədirsə, onda hovuz tezliklə boşalacaq. Əgər dolan su ilə boşalan suyun həcmi bərabərdirsə, bu halda hovuzda daim müəyyən sabit miqdarda su qalacaq.
İndi gəlin bu məsələni də pandemiyanın izahına tətbiq edək. Burada hovuz ölkənin səhiyyə sistemini, hovuzdakı su artıq virusa yoluxmuş və müalicə alan insanları, krandan gələn su yeni xəstələnənləri, boşalan su isə sağalan xəstələri ifadə edir. Hovuz kimi səhiyyə sisteminin də xidmət həcmi məhduddur. Yəni orada yataq yerləri, lazımi avadanlıq və həkim, digər tibbi personal bəlli bir sayda xəstəyə xidmət göstərilməsinə imkan verir. Əgər virusa yoluxma sürəti yoluxanların sağalma sürətindən aşağı və ya bərabər olsa, onda səhiyyə sistemi istisna halları çıxmaq şərtilə insanların əksəriyyətini müalicə edib sağalda bilər. Əgər xəstələnmə sürəti sağalma sürətini üstələsə, onda bu sistemin xidmət həcmini aşacaq, bütün yerlər dolu və həkimlər məşğul olduğu üçün yeni gələnləri müalicə etmək mümkün olmayacaq. Bu isə insan itkisinin kütləvi şəkildə artmasına səbəb ola bilər.
Gördüyünüz kimi, bu iki situasiya məsələsi orta məktəbin riyaziyyat kursuna aiddir. Bu məsələlər hazırki vəziyyətin strukturunu çox aydın şəkildə təsvir edir və izah edir ki, niyə biz sizə indi kütləvi imtahanların keçirilmə vaxtını dəqiq deyə bilmirik.
Amma yuxarıda qeyd etdiyim kimi, həyat davam edir və biz sizi yarı yolda qoymayacağıq. Bütün kollektivimiz hazırda onlayn şəkildə çalışır. Mərkəzin “Youtube” kanalına “vizuallaşdırılmış dərs”lərin yerləşdirilməsi davam edir. Yeni dərslər hazır olduqca müvafiq bölmələrə əlavə edilir. Son 20 gün ərzində kanala yerləşdirilmiş dərslərə baxış sayı 100 mindən artıq olub. Otk.az portalı vasitəsilə abituriyentlər ödənişsiz onlayn sınaq imtahanları imkanından istifadə edirlər. Martın 29-dan etibarən portalda aktiv edilmiş 40-dan artıq ödənişsiz imtahan növü üzrə 12239 istifadəçi tərəfindən 23820 yazılış qeydə alınıb (bəzi istifadəçilər bir neçə imtahana yazılıb). DİM nəşrlərinin onlayn sifariş əsasında poçt xidməti vasitəsilə sifarişçilərin ünvanına çatdırılması işi davam etdirilir. “Pozitiv zəka” bloqunda insanlara psixoloji dəstək göstərilir. İnzibati binamızda vətəndaşların qəbulu müvəqqəti dayandırılsa da, onların müraciətləri 1653 Çağrı Mərkəzi, elektron poçt, sosial şəbəkə hesabları, həmçinin DİM-in regional bölmələri üzrə telefon vasitəsilə cavablandırılır. Vətəndaşlar məlumat əldə etmək üçün Mərkəzin saytı (dim.gov.az) və sosial şəbəkələrdəki (“Facebook”, “Instagram”, “Twitter” “Telegram”) hesablarını izləyə, həmçinin info@dim.gov.az elektron poçt ünvanına da yaza bilərlər.
Biz şagirdlər üçün yeni onlayn imtahanları layihələndiririk. Azərbaycan dili istisna olmaqla, tədris digər dillərdə aparılan təhsil müəssisələrində təhsil alan şagirdlər üçün “Azərbaycan dili (dövlət dili kimi)” fənni üzrə onlayn imtahan işlənib hazırlanır. Elektron imtahanlar zamanı hər hansı qayda pozuntusu və ya sui-istifadə hallarını istisna etmək üçün imtahanların proktorinq (nəzarət) sistemi üzərində işlər aparılır. Əlbəttə ki, epidemioloji vəziyyət imkan versə, sıx qrafik üzrə ənənəvi imtahanları keçirməyə hazırıq. Lakin biz sadəcə gözləyərək vaxt itkisinə yol verə bilmərik. Siz də bunu etməyin. Vaxtınızı boşuna sərf etməyin, təqdim etdiyimiz bütün resurslardan istifadə edərək dərslərinizlə məşğul olmağa davam edin.
Təbii ki, gigiyena və özünütəcrid qaydalarına da mütləq əməl edin. İndi siz virusun ölkəmizdə yayılmasının qarşısını almaq üçün hökümətimiz tərəfindən ilk günlərdən həyata keçirilən bütün lazımi qabaqlayıcı tədbirlərin əhəmiyyətini daha yaxşı anlayırsınız. Mən də sizi Nazirlər Kabineti yanında Operativ Qərargah tərəfindən müəyyən edilən qaydalara uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum ünsiyyətdə olmağa, insanların sıx toplaşdığı yerlərə getməməyə, mövcud qabaqlayıcı tədbirlərin şərtlərinə ciddi əməl etməyə çağırıram.
Pis günün ömrü az olar. Evdə qalın, pozitiv qalın və savadlı olun!”
Xural.com
Martın 24-də “Dərs vaxtı” proqramı çərçivəsində həm Azərbaycan, həm də rus bölməsi üzrə teledərslərin yayımına yenidən start veriləcək.
Bu barədə APA-ya Təhsil Nazirliyindən məlumat verilib.
“Mədəniyyət” və “ARB Günəş” kanallarında yayımlanan “Dərs vaxtı” verilişinin martın 24-ü üçün nəzərdə tutulan cədvəlini təqdim edirik.
Azərbaycan bölməsi üçün saat 10:00 – Fiziki tərbiyə, 10:20 XI sinif – Kimya, Azərbaycan tarixi, Fizika, Coğrafiya; 11:05 IX sinif – Coğrafiya, Fizika, İngilis dili, Azərbaycan tarixi; 11:50 VIII sinif – Azərbaycan dili, Riyaziyyat, Kimya, Biologiya; 12:30 VII sinif – Azərbaycan tarixi, Riyaziyyat, Coğrafiya, Xarici dil; 13:05 II sinif – Azərbaycan dili, Riyaziyyat, Təsviri İncəsənət, 13:40 I sinif – Azərbaycan dili, Riyaziyyat, Xarici dil dərsləri olacaq.
Rus bölməsi üçün 14:30 X sinif – Riyaziyyat, Kimya, Coğrafiya; 15:10 XI sinif – Rus dili, Fizika, Biologiya dərsləri olacaq.
Təhsil Nazirliyi dərs cədvəlinə diqqət etməyi, dərsi “Dərs vaxtı”nda öyrənməyi tövsiyə edir.
Qeyd edək ki, martın 11-dən başlayaraq Təhsil Nazirliyinin təşkilatçılığı ilə “Mədəniyyət” və “ARB Günəş” kanallarında “Dərs vaxtı” proqramının yayımına start verilib. Proqram çərçivəsində həftənin 5 günü teledərslər keçirilir. Teledərslər bütün sinifləri əhatə edir, dərs mövzularına dair qısa izah və təlimatlar təqdim olunur.
“Dərs vaxtı”na ekran qarşısında baxa bilməyənlər keçirilmiş dərsləri Təhsil Nazirliyinin rəsmi “Youtube” (https://www.youtube.com/playlist…) kanalı ilə yanaşı “Facebook” səhifəsindən, eyni zamanda da Təhsil Nazirliyinin videodərslər portalından (https://video.edu.az/) izləmək imkanı əldə edə bilərlər.
Koronavirus infeksiyasının yayılması hallarının qarşısını almaq məqsədilə Nazirlər Kabineti yanında Operativ Qərargah tərəfindən qəbul edilmiş qərara əsasən martın 24-də saat 00:00-dan etibarən aprel ayının 20-dək xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla respublikanın şəhər və rayonlarında qeydiyyatda olan nəqliyyat vasitələrinin və onların sərnişinlərinin Bakı, Sumqayıt şəhərlərinə və Abşeron rayonuna girişi, eləcə də Bakı, Sumqayıt şəhərlərində və Abşeron rayonunda qeydiyyatda olan nəqliyyat vasitələri, habelə onların sürücü və sərnişinlərinin respublikanın digər şəhər və rayonlarına çıxışı qadağan edilir.
DİN Baş DYP İdarəsindən report-a verilən məlumata görə, məhdudiyyət müddətinin artırılması, həmçinin qadağanın hər iki istiqamətə tətbiq edilməsi nəzərə alınaraq, DİN Baş DYP İdarəsi hərəkət iştirakşılarının diqqətinə çatdırır ki, hazırda qeydiyyat ünvanından kənar şəhər və rayonlara getmiş hər bir şəxs təşkil edilmiş keçid postlarından yalnız bir dəfə qeydiyyatda olduğu ərazi istiqamətinə buraxılacaq.
DİN Baş DYP İdarəsi bir daha hərəkət iştirakçılarından, xüsusilə sürücülərdən xahiş edir ki, qadağanın martın 23-dən 24-nə keçən gecə qüvvəyə minməsi nəzərə alınsın və hər bir ölkə vətəndaşının sağlamlığının qorunması məqsədilə tətbiq edilmiş xüsusi karantin rejiminə ciddi riayət edilsin.
Xalq artisti Rafael Dadaşov dünyasını dəyişib.
Xural.com xəbər verir ki, bu barədə Lent.az -a tanınmış aktyorun qızı, müğənni Səidə Dadaşova bildirib.
“Çox ağırdır. Atam indi dünyasını dəyişdi. Çox danışa bilmirəm. Dünyasını dəyişən zaman hamımızdan halallıq istədi”, – o deyib.
Qeyd edək ki, aktyor dekabrın 2-də axşam saatlarında Mərkəzi Neftçilər Xəstəxanasına ürəyin işemik xəstəliyi, infarktdan sonrakı kardioskleroz və ağciyərlərin xroniki abstruktiv xəstəliyi diaqnozu ilə yerləşdirilmişdi. Azərbaycanın Birinci vitse-prezidenti Mehriban Əliyeva sənətçinin müalicə xərclərini öz üzərinə götürmüşdü.
Rafael Dadaşov 4 yanvar 1946-cı ildə Naxçıvanda doğulub. O, 1972-ci ildə M.Əliyev adına Azərbaycan Dövlət İncəsənət İnstitutunu bitirib.
1976-cı ildən Akademik Milli Dram Teatrının aktyor truppasında çalışırdı.
Allah rəhmət eləsin!
| “Siyasi partiyaların maliyyə hesabatlarının forması, məzmunu vətəqdimedilmə Qaydası”na 1 nömrəli əlavə 1 nömrəli Forma
Maliyyə vəziyyəti haqqında hesabat 31 dekabr 2019____ il tarixə
1002722941 Siyasi partiyanın adı: _Azərbaycan Xalq Partiyası Mülkiyyət növü – xüsusi Hüquqi ünvanı:Bakı ş. Ə. Naxçıvani küç. Ev27. Mən.47.
(manatla)
Rəhbər
Baş mühasib “18 ” yanvar 2020 il
“Siyasi partiyaların maliyyə hesabatlarının forması, məzmunu və təqdimedilmə Qaydası”na 2 nömrəli əlavə Maliyyə fəaliyyətinin nəticələri haqqında hesabat 31 dekabr 2019 il tarixə 2 nömrəli Forma VÖEN 100222941 Siyasi partiyanın adı : AzərbaycanXalqPartiyası Mülkiyyət növü: xüsusi ________ Hüquqi ünvanı: Bakı ş. Ə. Naxçıvani küç. Ev 27 mən 47
(manatla)
Rəhbər Baş mühasib “18″yanvar2020 il
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Bu gün Azərbaycanda Novruz bayramından əvvəlki üçüncü çərşənbə – Yel çərşənbəsi qeyd olunur.
Azərbaycan Milli Elmlər Akademiyasının Folklor İnstitutunun Mifologiya şöbəsinin əməkdaşı, filologiya üzrə fəlsəfə doktoru Sevinc Qasımova “Report”a bildirib ki, buna el arasında “Külək oyadan çərşənbə” də deyirlər.
O xatırladıb ki, yazın gəlişi havaların isinməsi ilə bağlıdır: “Yel çərşənbəsi də havaların isinməsindən ilkin xəbər verdiyinə görə belə adlanır. İnanca görə bu çərşənbədə qış əldən düşmüş vəziyyətdə köçünü sürür. Qar əriyir, suyun buzu sınır, torpaq canlanmağa başlayır. Gün ərzində əsən isti və soyuq küləklər yazın gəlişindən xəbər verir”.
Mütəxəssis vurğulayıb ki, Yel çərşənbəsinin də özünəməxsus adət-ənənəsi var: “Bunlardan biri də cıdır falıdır və bunu da kəndin oğlanları icra edir. Cavanlar cıdıra gedərək hansısa atı ürəklərində nişanlayıb niyyət tutarlar. Kimin işarələdiyi at birinci olarsa, onun niyyətinin yerinə yetəcəyinə inanılır. Yel kimi qaçan atan sahibini il ərzində bol ruzi gözləyər”.
S.Qasımova həmçinin əlavə edib ki, bəzi bölgələrdə həmin gün yaxınların məzarları ziyarət olunur, ruhlarına dualar oxunur, ərazidə təmizlik işləri aparılır.
Qeyd edək ki, Novruzun ilaxır – Torpaq çərşənbəsi isə martın 17-də qeyd ediləcək.
Xatırladaq ki, 2020-ci il martın 20-si, 21-i, 22-si, 23-ü, 24-ü Novruz bayramıdır. Bu il 21, 22 mart tarixləri şənbə və bazar günlərinə təsadüf etdiyi üçün Əmək Məcəlləsinə əsasən, 25, 26 mart tarixləri qeyri-iş günüdür. Beləliklə, bu il martın 20-si, 21-i, 22-si, 23-ü, 24-ü, 25-i və 26-da iş olmayacaq.
Bakıda və Abşeron yarımadasında sabah havanın arabir yağıntılı olacağı, bəzi yerlərdə sulu qar, qar yağacağı gözlənilir. Güclü şimal-qərb küləyi əsəcək.
Xural.com ETSN-ə istinadla xəbər verir ki, sabah havanın temperaturu gecə və gündüz 0-3° isti, axşam 1° şaxta, Bakıda gecə və gündüz 0-2° isti, axşam 1° şaxta olacaq. Atmosfer təzyiqi normadan aşağı 758 mm civə sütunundan 769 mm civə sütununa yüksələcək. Nisbi rütubət gecə və gündüz 75-85% olacaq.
Azərbaycanın rayonlarında sabah havanın arabir yağıntılı olacağı, qar yağacağı gözlənilir. Bəzi yerlərdə intensiv olacağı ehtimalı var. Ayrı-ayrı yerlərdə duman. Qərb küləyi ayrı-ayrı yerlərdə arabir güclü olacaq. Havanın temperaturu gecə 0-5° şaxta, gündüz 1-5° isti, dağlarda gecə 5-10° şaxta, gündüz 0-5° şaxta olacaq. Yolların buz bağlama ehtimalı var.
Bu gün Azərbaycan Respublikasının Əməkdar artisti, yaşayan ən böyük qiraət ustalarımızdan biri Ağalar Bayramovun doğum günüdür. Azərbaycan mətbuatının dostu, cəmiyyətin və xalqın sevimlisi Ağalar müəllim ölkəmizi layiqincə təmsil edən sənət adamlarından biridir. Təsadüfi deyil ki, bədii qiraət sənətinin bu gün yaşayan ən böyük ismi olmaqla birlikdə, Ağalar müəllim həm də xalqın içində olan, onun dərdlərini bölüşən, onunla birlikdə nəfəs alan sadə xalq adamıdır. Gerçəkləri deyən, özünün ictimai mövqeyi olan və bu mövqeyini görkəmli söz adamlarının bədii sənət vasitələrini səsləndirməklə biruzə verən sənətkara, bəlkə elə bu məziyyətlərinə görə də Xalq artisti fəxri adını verməyə tələsmirlər. Az qala Mədəniyyət nazirlərinin uşaqlıq və qoppadaşlıq dostlarının da Xalq artisti olduqları zəmanəmizdə bu söz və qiraət sərrafının adı Prezidentə gedən xalq artisti siyahılarında özünə yer tuta bilmir və bu, çox maraqlı və müəmmalıdır.
Olsun! O – Ağalar Bayramov bizim, azərbaycanlıların Xalq artistidir! Biz onu belə bilirik, belə də olacaq!
“Xural” qəzetinin kollektivi olaraq Səni təbrik edirik, böyük ustad Ağalar Bayramov!
Xural.com
Gəncə Texnologiya Universitetinin tələbəsi Bağırov Rizvan Cavad oğlu Prezident İlham Əliyevə video-müraciət ünvanlayıb.
Müraciətinin surətini Xural.com-a göndərən tələbə bildirir ki, Texnologiya Universitetində korrupsiya faktları mövcuddur. O, buna miasl olaraq dərsə gəlməyən tələbələrin imtahana buraxılmasını göstərir:
“Qiyabi şöbənin dekanı Babək Həsənovun akademik məzuniyyət yazdırdığı tələbələr hal-hazırda dərsə gəlmirlər, bir çox tələbələr dərsə gəlmədikləri halda kursdan-kursa keçir”.
Tələbə Rizvan Bağırov dekan Babək Həsənova öz etirazını bildirdikdə ki, “niyə davamiyyəti olmayan tələbələrə akademik məzuniyyət yazıdırırsınız”, bundan sonra dekanla aralarında ziddiyyət düşüb:
“ATU-nun dekanı Babək Həsənov “get, hara şikayət edirsən, et”, – dedi.
Şikayətçi tələbə bununla bağlı Təhsil Nazirliyinin heç bir mövqe ortaya qoymadığını bildirir.
Prezidentə müraciətində Rizvan Bağırov qeyd edir ki, dekan ATU-nun rektoru Akif Süleymanova arxalanır. Bu baxımdan, o, Prezident İlham Əliyevə müraciət edir ki, “Texnologiya Universitetinin rektoru Akif Süleymanovun və dekan Babək Həsənovun özbaşınalıqların qarşısı alınsın”.
Daxili işlər orqanlarında kadr dəyişikliyi həyata keçirilib.
BakuPost-un məlumatına görə, daxili işlər naziri, general-polkovnik Vilayət Eyvazov Baş Mütəşəkkil Cinayətkarlıqla Mübarizə İdarəsinin rəis müavini, polis polkovniki Teyyub Müseyibovu tutduğu vəzifədən azad edilməsi barədə əmr imzalayıb.
Polkovnik yaş senzi ilə əlaqədar təqaüdə göndərilib.
T.Müseyibov bu vəzifəyə 2014-cü ildə təyin olunub.
Ona qədər isə Baş Mütəşəkkil Cinayətkarlıqla Mübarizə İdarəsində məxfi şöbənin rəisi vəzifəsində çalışıb.
“Henley & Partners” şirkəti bu gün 200 dövlətin viza qaydalarının təhlili əsasında və vizasız girişin mümkün olduğu ölkələrin sayına görə sıralanan yenilənmiş Pasport İndeksini dərc edib.
“Report” xəbər verir ki, Azərbaycan vətəndaşları vizasız 67 ölkəyə baş çəkə bilərlər.
“Azərbaycan 2019-cu ildə İndeksdə 76-cı yeri tutub (2018-ci illə müqayisədə iki mövqe geriləyib). Hazırda Azərbaycan vətəndaşları 67 ölkəyə vizasız gedə bilərlər (2018-ci ildə 66 ölkə olub)”, – “Henley & Partners”dən qeyd ediblər.
İl ərzində Azərbaycan Pakistan, Seneqal və Serbiyaya vizasız giriş əldə edib, eyni zamanda Benin və Cibuti ilə vizasız rejim ləğv edilib.
İndeksdə birinci yeri Yaponiya tutur. Bu ölkənin vətəndaşları dünyanın 191 ölkəsinə vizasız (və ya gəldikdən sonra viza almaqla) gedə bilər. Bu, keçən ilin göstəricisi ilə müqayisədə bir ölkə çoxdur. Sinqapur 190 ölkə ilə ötən il olduğu kimi, 2-ci yeri tutub. 189 ölkə göstəricisi ilə Cənubi Koreya və Almaniya 3-cü yeri tuturlar.
Baş Polis İdarəsinin Dövlət Yol Polis İdarəsinin rəisi, polis polkovniki Nüşrəvan Səfərov vəzifəsindən azad olunub.
“Report”un əldə etdityi məlumata görə, bununla bağlı müvafiq əmr imzalanıb.
Əmrə əsasən, N.Səfərov təqaüdə göndərilib.
Sabahdan Azərbaycanda hava şəraiti kəskin dəyişəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən məlumata görə, bir necə gün davam edən mülayim hava şəraitindən sonra yanvarın 2-si axşamdan yanvarın 3-ü gündüzədək Bakıda və Abşeron yarımadasında şimal-qərb küləyinin 15-18 m/s, arabir 20-23 m/s-dək güclənəcəyi gözlənilir.
Havanın cişkinli olacağı, yanvarın 4-ü gündüzdən yanvarın 5-i gündüzədək isə arabir yağış yağacağı gözlənilir. Havanın temperaturu ötən günlərlə müqayisədə 3-5 dərəcə aşağı enəcək.
Azərbaycanın rayonlarında yanvarın 2- si axşamdan yanvarın 5-i gündüzədək hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı gözlənilir. Bəzi yerlərdə intensiv olacağı ehtimalı var. Qərb küləyi yanvarın 2-si gündüz, yanvarın 3-də arabir güclənəcək. Havanın temperaturu ötən günlərlə müqayisədə 3-6 dərəcə aşağı enəcək. Gecə və səhər saatlarında dağlıq rayonlarda yolların buz bağlama ehtimalı var.
Bakı Nəqliyyat Agentliyi (BNA) 2020-ci ildə Bakıda quraşdıracağı piyadalar üçün 500 yeni yol nişanını xaricdən dəfələrlə şişirdilmiş qiymətə aldığı haqda yayılmış məlumatlarla bağlı KİV-ə müraciət edib.
Müraciətdə deyilir: “Nəqliyyat elə bir xidmət sahəsidir ki, daim ictimaiyyətin diqqət mərkəzində olub və bu sahə ilə bağlı məlumatlar hər zaman geniş marağa səbəb olub. Lakin təəssüflə qeyd edilməlidir ki, əhalinin bu sahəyə olan diqqət və marağından sui istifadə edən bəzi KİV-i ictimai nəqliyyat və yol hərəkətinin təşkili ilə bağlı məlumatların yayılmasında qeyri-peşəkarlıq, bəzi hallarda isə qərəzli mövqe nümayiş etdirirlər. Bütün bunlar isə dövlət tərəfindən şəhər nəqliyyat sistemində həyata keçirilən və son illər keyfiyyətcə yeni mərhələyə qədəm qoyan islahatlara xələl gətirmək, vətəndaşlarda görülən işlərə qarşı inamsızlıq yaratmağa xidmət edən uğursuz cəhdlərdir.
Növbəti belə uğursuz cəhd Bakı Nəqliyyat Agentliyi tərəfindən piyadalar üçün istiqamət göstərici lövhələrin alınması ilə bağlı informasiyanın yayılması zamanı edilib. Belə ki, Dövlət Satınalma Reyestrinə istinadən bu barədə məlumatı əldə edən bəzi KİV nümayəndələri təxəyyüllərinə uyğun yalan məlumatlar yayımlayıblar. Ucuz reytinq qazanmaq və digər çirkin məqsədləri güdən həmin şəxslər, eyni zamanda, jurnalist kimi nə dərəcədə savadsız olduqlarını da bir daha nümayiş etdiriblər. Dövlət Satınalma Reyestrində açıq şəkildə söhbətin piyadalar üçün istiqamət göstərici lövhələrin alınmasından getdiyi qeyd olunsada özlərini jurnalist adlandıran həmin şəxslər Bakı Nəqliyyat Agentliyini adi yol nişanının dəyərini şişirtməkdə ittiham ediblər.
Məsələyə peşəkar yanaşma olsaydı həmin məlumatı və onunla bağlı sual doğuran məqamları dəqiqləşdirmək üçün Bakı Nəqliyyat Agentliyinin mətbuat xidməti ilə əlaqə saxlanılardı.
Bu cür savadsız və tam qərəzli formada yayılan hər hansı əsassız bir fikir və yalnış rəy görülən işlərə kölgə salmaqla yanaşı, insanlar arasında yersiz təşviş və çaşqınlığın yaranmasına gətirib çıxarır.
Bir daha bu cür qeyri-peşəkar və qeyri obyektiv mövqedən çıxış edən KİV-i nümayəndələrini diqqətli olmağa çağırırıq. Eyni zamanda, tövsiyə edirik ki, əldə etdiyiniz məlumatı aidiyyəti üzrə qurumun Mətbuat Xidməti ilə dəqiqləşdirmədən yayımlamaqdan çəkinin”.
***
Bakı Nəqliyyat Agentliyinin (BNA) 2020-ci ildə Bakıda piyadalar üçün 500 yeni yol nişanı quraşdıracağı haqda xəbər vermişdik. Həmin nişanların birinin büdcəyə 1840 manata (1082 ABŞ dollarına) başa gəlməsi isə şok effekti yaradıb. Belə ki, bir nişanın bu qiymətə olması heç bir halda inandırıcı deyil.
Yenisabah.az məsələ ilə bağlı internet üzərindən qısa araşdırma aparıb və nəticədə ortaya şok reallıq çıxıb. Bəlli olur ki, Bakı Nəqliyyat Agentliyi bu nişanları Almaniyadan 30 dəfə, Rusiyadan isə düz 70 dəfə baha qiymətə “alıb”.
Bəlli olur ki, həmin nişanlar Avropanın ən bahalı ölkələrindən olan Almaniyada cəmi 32 avro (60 manat), Rusiyada isə 850-950 rubl (25 manat) qiymətinə satılır.
Bildirək ki, dövlət satınalma reyestrinə əsasən, BNA dekabrın 24-də “MG Construction” MMC ilə bu nişanların alınması üçün müqavilə imzalayıb. Müqavilənin ümumi dəyəri 920 min manatdır.
***
Bakı Nəqliyyat Agentliyi (BNA) 2020-ci ildə Bakıda piyadalar üçün 500 yeni yol nişanı quraşdıracaq. Bir yol nişanı dövlətə 1840 manata (1082 ABŞ dollarına) başa gələcək.
“AzPolitika” Marja.az-a istinadla xəbər verir ki, dövlət satınalma reyestrinə əsasən, müqavilə dekabrın 24-də “MG Construction” MMC-yə verilib.
Müqavilənin ümumi dəyəri 920 min manatdır.
Şirkətin veb saytında (mgconstruction.az/shop-2/) onun istehsalında yol nişanlarının olması barədə məlumat yoxdur.
Təhsil eksperti Etibar Əliyevə ağır itki üz verib. Ekspertin anası Zeynəb xanım bu gün səhər dünyasını dəyişib.
Musavat.com xəbər verir ki, bu barədə E.Əliyev özü sosial medada məlumat verib.
Allah rəhmət eləsin.
“Şəxsin saxlanılması ilə bağlı bankımız tərəfindən hər hansı hüquqi tədbirlər görülmədiyini bildirmək istəyirik”
“Paşa Bank” ASC “Paster” ləqəbli repçi Pərviz Quluzadənin saxlanması ilə bağlı hər hansı əlaqələrinin olmadığını deyir. Bankın yaydığı açıqlamada bildirilib ki, son günlər bəzi media yayım vasitələrində şou-biznes nümayəndəsinin saxlanılması ilə bağlı xəbərlərdə “PAŞA Bank” ASC-nin adı hallandırılır:
““PAŞA Bank” ASC adı hallanan şəxsin saxlanması ilə əlaqədar xəbərlərin, ümumiyyətlə, həqiqətə uyğun olub-olmamasına dair məlumatlara malik deyil. Şəxsin bankımızla hər hansı bir bağlılığı və ya əlaqəsinin olmadığını bildirməklə, şəxsin saxlanılması ilə bağlı bankımız tərəfindən hər hansı hüquqi tədbirlər görülmədiyini bildirmək istəyirik. Bankımızın adının bu cür qeyri-dəqiq, işgüzar nüfuzuna xələl gətirə biləcək xəbərlərdə səsləndirilməsinin izləyicilərdə çaşqınlıq yaratmaması və əlavə şayiələrin qarşısını almaq məqsədilə bu rəsmi açıqlamanı paylaşmaq qərarına gəldik”.
Bank KİV- i istənilən təşkilatın reputasiyasına və biznes nüfuzuna xələl gətirə biləcək, məlumatlarda adı çəkilən tərəflərin rəsmi mövqeyi sorğulanmadan, bu cür qeyri-dəqiq məlumatların və ya şayiələrin dərc edilərək paylaşılması məsələlərində daha diqqətli və həssas olmağa səsləyir.
“Paster” ləqəbli repçi Pərviz Quluzadə 4 gün əvvəl saxlanılsa da, Daxili İşlər Nazirliyi dekabrın 27-də onun həbs olunduğunu təsdiqləyib.
Nazirlik bildirib ki, Binəqədi Rayon Məhkəməsi P.Quluzadəni İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmamaq) maddələri ilə təqsirli bilərək barəsində 30 sutka həbs qərarı çıxarıb.
Əziz Rzazadə
Strateq.az
“Xatirat”ın davamını təqdim edirəm…
14 mart 1995
ECO Zirvəsi üçün “Marriott” otelinə getdik…
…Naharda baş nazir Bhuttonun qonağı olduq. Günorta yeməyindən əvvəl xarici işlər naziri ilə birlikdə gəlmiş azərbaycanlı din xadimi cənab [Allahşükür] Paşazadə ilə söhbətimiz oldu. Soruşdum ki, cənab Əliyev niyə gəlmədi? Dedi ki, şimal-qərbdəki bir şəhərdə müstəqillik tələb edən (itaətsizlik edən – Ə.R.) bir polis rəisinə görə (söhbət Xüsusi Təyinatlı Polis Dəstəsinin – XTPD-nin rəhbəri Rövşən Cavadovun rəhbərliyi ilə dövlət çevrilişi cəhdindən gedir – Ə.R.) ölkədə qalıb ki, fitnənin qarşısını alsın. Dedi, Azərbaycanda hökumət populyarlığını itirib, Azərbaycanda cənab Seyyid Məhəmməd Ruhaninin (Ayətullahül-Üzma Seyyid Məhəmməd Sadiq Ruhani – Ə.R.) mərcəiyyət nüfuzu Ayətullah Xamnəinin nüfuzundan daha genişdir, çünki o, pul verib təbliğat apardır, müxalifət də siyasi cəhətdən onun təbliğinə qoşulub.
15 mart 1995
Ondan əvvəl (Tacikistan prezidenti İmoməli Rahmon – Ə.R.) Azərbaycanın xarici işlər naziri (Həsən Həsənov – Ə.R.) gəldi. Dedi ki, Əliyevin [ECO sammitində] yoxluğuna səbəb şimal polisinin qiyamı və Dağlıq Qarabağ məsələsindəki narahatlıqdır.
Nə müharibə etmək gücləri var, nə də status-kvonun davam etməsinə dözümləri. Onlar Rusiyanı ermənipərəst hesab edir və Rusiya ilə ahəngdar münasibətlərin yoxluğunu Rusiyanın ekspansionist tələbləri ilə əlaqələndirirlər, o cümlədən Azərbaycan ərazisində hərbi baza qurmaq, cənub sərhədlərində mövcudluq və Xəzər dənizində Rusiyanın müstəsna hegemonluq istəyi ilə.
Və… İranın qaynaqlarını qorumaq məramı ilə bu tələbləri birtəhər rədd etdiklərini deyir, bizə minnət qoyaraq daha çox dəstək gözlədiklərini təvəqqe edirlər.
16 may 1995
Ermənistanın baş naziri [cənab Herand Baqratyan] və yoldaşları gəldi. Prezidentin məktubunu gətirmişdilər; qaz, elektrik və ticarət sektorundakı razılaşmalardan məmnun idilər. Mən də Qarabağ münaqişəsinə son qoyulmasının zəruriliyini vurğuladım.
24 noyabr 1996
Azərbaycanla Ermənistan arasında barışıq ehtimalı müzakirə edildi. Doktor Həbibinin gətirdiyi xəbərə görə, azərbaycanlılar Qarabağa muxtariyyət verməyə hazırdırlar.
***
Beləliklə, mərhum Haşimi Rəfsəncaninin gündəliyindən böyük bir bölümlə tanışlığınız oldu.
Davam, ya tamam?
Əslində, sabiq İran prezidentinin Azərbaycanla bağlı qeydləri 1980-lərdən başlayır. Onun “Quruculuq və tərəqqi” kitabındakı xatirələri də bunu deməyə əsas verir.
Haşimi Rəfsəncaninin Azərbaycana ilk səfəri bu dövrə təsadüf edir. Kitabda bununla bağlı qeyd olunub:
“İraqla müharibədə atəşkəs elan edildikdən sonra sovet rejimini dəyişdirməsi ilə dünyada şöhrət qazanmış cənab [Mixail] Qorbaçov 12 noyabr 1988-ci ildə bizə mesaj göndərdi. Məni Sovet İttifaqına səfərə dəvət edirdi.
İmamla məsləhətləşdikdən sonra səfərin prinsipi ilə razılaşdıq. Yeni vəziyyəti, İmamın Qorbaçova yazdığı məktubu və münasibətlərdəki mənfi izləri nəzərə alaraq, Əfqanıstandakı problemlər və müharibədə Sovetlərin İraqa dəstəyinə görə bu dəvət mediada və daxili və xarici dairələrdə geniş əks-səda tapdı.
22 may 1989-cu ildə səfər qətiləşdi və Sovet İttifaqından başqa paralel olaraq Bolqarıstana dəvət olunmuşdum. Səfərin vaxtı ilə bağlı çoxlu müzakirə apardıq, amma ruslar razılaşmadı və Bolqarıstana səfərin təxirə salınmasını istədilər.
Qorbaçovun yüksək səviyyəli nümayəndə heyəti ilə iki ölkənin siyasət, iqtisadiyyat, müdafiə, silah satışı, nüvə energetikası və s. sahələrdə aparılan danışıqlar, müzakirələr nəticəsində vacib və əhatəli razılaşmaların əldə olunması əhəmiyyətli idi. Təəssüf ki, onun bir hissəsi hələ də tam olaraq həyata keçirilməyib.
O dövrdə Leninqrad və Bakı səfəri Sovet İttifaqına səyahət çərçivəsində çox vacib idi”.
Bu məqamda diqqəti “Xatirat”dan ayırıb mərhum Hacı Əlikram Əliyevin qeydlərinə yönəltmək istəyirəm. Haşimi Rəfsəncaninin memurlarının tərtibçiləri Bakıya ilk səfərlə bağlı onun xatirəsinə də yer ayırmağı vacib sayıblar. Məncə, düzgün qərardır, çünki Hacı Əlikramın qeydləri o dövrü və Haşimi Rəfsəncaninin Azərbaycana ilk gəlişinin yaratdığı coşqunu rəssam fırçası kimi təsvir edir:
“Cənab Haşimi Rəfsəncaninin Sovet İttifaqına gələcəyinə əmin olduğumuz zaman biz, 8 hacı Moskvaya getdik, ancaq onunla görüşə bilmədik. Bir Moskva müsəlmanının möcüzəvi köməyi ilə bilet alıb Bakıya qayıtdıq. Telefonla xalqa məlumat verdik və Rəfsəncaninin Azərbaycana gələcəyi vəd olunan gün onu qarşılamağa çıxdıq.
Böyük izdiham toplandı və onun istiqbalı zamanı insanlarda qəribə bir sevgi vardı.
Hökumət azərbaycanlı qızlardan ibarət rəqqasələrlə Rəfsəncanini qarşılamaq istəyirdi. Azərbaycanlı dindarlardan biri olan Hacı Nadir dedi ki, cənab Haşimi İslamı təmsil edir və təhdid etdi ki, rəqqasələr yığışdırılmazsa, hamısını qanına qəltan edəcək.
Hökumətin planı ləğv edildi…”
Ağstafa rayonunun keçmiş icra hakimiyyəti başçısı, bu günlərdə DTX tərəfindən həbs edilmiş Nizaməddin Quliyevin ədliyyə və prokurorluq sistemlərində işləyən-ədalətin təmin edilməsinə və korrupsiyaya cavabdeh olan oğlanlarının sonrakı aqibəti yerli medianın gündəmindədir.
Xural.com virtualaz.org-a istinadən xəbər verir ki, bu gün bəzi KİV-lər Nizaməddin Quliyevin Nərimanov rayon Məhkəməsində hakim işləyən oğlu Ramin Quliyevin “işlərdən kənarlaşdırıldığı” haqda xəbərlər yayıblar. Xəbərlərə görə korrupsioner-rüşvətxor keçmiş başçının oğlu hələ də hakim vəzifəsində qalır, amma onun icraatında olan işlər əlindən alınıb və baxılmaq üçün başqa hakimlərə verilib.
Lakin e-mehkeme.gov.az elektron məhkəmə portalında araşdırma aparanda məlum olur ki, hakim Ramin Quliyevin icraatında ən azından gələn ilin ilk aylarında baxılması nəzərdə tutulan çoxsaylı mülki işlər var. Hərçənd dekabrın son günləri üçün baxılacaq işlər arasında onun icraatında olan işlərə rast gəlinmir. O cümlədən dekabrın üçüncü ongünlüyündə hakim Quliyevin adı işlərə baxan hakimlər arasında yer almır.
“Səmimi deyil, təkəbbürlüdü, tərsdi…”
14 saylı cəzaçəkmə müəssisəsinin rəhbərliyi orada saxlanılan AXCP fəalı Orxan Baxışlı haqqında mənfi rəy verərək, onun “islah yoluna qədəm qoymadığını” iddia edib.
“Səmimi deyil, tərs və təkəbbürlüdür. Ekspertiza xərcini ödəməyib. Mədəni, kütləvi tədbirlərdə iştirak etmir. Fərdi tərbiyəvi söhbətlərdən düzgün nəticə çıxarmır. Cinayəti etiraf etmir. Dəstə-Kollektiv Şurasının iclaslarında iştirak etmir. İslah yoluna qədəm qoymayıb…” – bu fikirlər də müəssisə rəhbərliyinin yazdığı rəydəndir.
Bakı Apelyasiya Məhkəməsində O.Baxışlının şikayətinə baxılarkən bu rəy haqqında danışılıb. O.Baxışlı Qaradağ Rayon Məhkəməsinin qərarından apelyasiya şikayəti vermişdi. Cəbhəçi gənc məntəqə tipli cəzaçəkmə müəssisəsinə köçürülməsi üçün Qaradağ Rayon Məhkəməsinə müraciət etsə də, onun şikayəti təmin edilməyib. Məhkəmə cəzaçəkmə müəssisəsinin rəhbərliyinin onun haqqındakı mənfi rəyini əsas gətirərək, ərizəni təmin etməyib.
O.Baxışlının həmin qərardan verdiyi şikayətə Bakı Apelyasiya Məhkəməsində hakim Mirzəli Abbasovun sədrliyilə baxılıb.
Məhkəmədə O.Baxışlının vəkili Zibeydə Sadıqova çıxış edib. O bildirib ki, 14 saylı cəzaçəkmə müəssisəsinin rəhbərliyinin yazdığı rəy əsassızdır. Vəkilin sözlərinə görə, müəssisə rəhbərliyinin Orxanın səmimi olmaması, təkəbbürlü, tərs olması barədə rəydə yazdıqları anlaşılmazdır: “Ümumiyyətlə, bu nə ifadələrdir rəyə yazılıb? Kim, necə müəyyənləşdirib Orxan Baxışlının səmimi olmadığını, təkəbbürlü, tərs olmasını? İnsandakı bu cür xüsusiyyətlər psixoloq rəyi, yaxud psixoloji müayinə nəticəsində məlum ola bilər. Ortada belə bir rəy yoxdur”.
Vəkilin sözlərinə görə, şəxsin ona qarşı irəli sürülmüş ittihamı qəbul etməməsi, özünü təqsirli bilməməsi onun hüququdur. Onun bu cür yanaşmasını özünə qarşı istifadə etmək isə şəxsə Avropa Konvensiyasının 6-cı maddəsilə təminat verilən ədalətli mühakimə hüququnun pozulmasıdır: “Orxan Baxışlı özünü təqsirli bilmir, narkotik ittihamını qəbul etmirsə, bunu onun əleyhinə istifadə etmək olmaz. Amma müəssisə rəhbərliyi ona qarşı istifadə edib”.
Z.Sadıqova onu da bildirib ki, Ədliyyə nazirinin əmri var, şəxsin cəza rejiminin dəyişdirilməsi, vaxtından əvvəl şərti azadlığa buraxılması kimi işlərdə ictimai komissiyanın rəyi alınır. Ona görə də vəsatət qaldırıb ki, O.Baxışlının işi ilə əlaqədar ictimai komissiyadan rəy alınsın. Lakin hakimlər vəsatəti təmin etməyib.
Məhkəmə apelyasiya şikayətini də təmin etməyib.
Bakı Apelyasiya Məhkəməsinin qərarından Ali Məhkəməyə kassasiya şikayəti veriləcək.
O.Baxışlı 2018-ci ilin mayından həbsdədir. O, Cinayət Məcəlləsinin 234-cü (narkotik əldə etmə, saxlama) maddəsilə 3 il azadlıqdan məhrum edilib.
O.Baxışlı özünü təqsirli bilmir və narkotikin onun cibinə Yasamal rayon Polis İdarəsində atıldığını bildirir. Özü də, üzvü olduğu AXCP də onun siyasi sifarişlə həbs olunduğunu bəyan edib. Səbəb kimi isə Orxanın həbsindən 3 gün öncə – Söz Azadlığının Beynəlxalq Müdafiəsi günündə (3 may) mərhum jurnalist Elmar Hüseynovun məzarı qarşısındakı çıxışı göstərilir. Həmin çıxışında O.Baxışlı E.Hüseynovun öldürülməsi, 15 ilə yaxın vaxt keçməsinə baxmayaraq, qatillərin tapılmamasına görə Azərbaycan hökumətinin məsuliyyət daşıdığını bildirmişdi.
Bu gün AMİP Siyasi Şurasının iclası keçirilib.
Partiyadan Strateq.az-a verilən məlumata görə, iclasda 9 fevral 2020-ci il tarixdə keçiriləcək Azərbaycan Respublikası Milli Məclisinə seçkilərdə iştirak edəcək namizədlərin irəli sürülməsi ilə bağlı məsələ müzakirə edilib və ilkin olaraq 11 dairədən namizədlər müəyyənləşob.
Həmin namizədlər aşağıdakılardır:
1. Orucov Əli Məhəmməd oğlu – 9 saylı Binəqədi ikinci
2. Mustafayev Elşən Mansur oğlu – 15 saylı Yasamal birinci
3. Bayramov Rəşad Aydın oğlu – 22 saylı Nəsimi ikinci
4. Səfərov Məmmədəli Talıb oğlu – 25 saylı Nizami ikinci
5. Əlizadə Arzuxan Baxşəli oğlu – 26 saylı Sabunçu birinci
6. Həsənov Tapdıq Həsən oğlu – 79 saylı İmişli
7. Bayramov Elman Əkbər oğlu – 81 saylı Beyləqan
8. Hüseynli Teyyub Həşim oğlu – 88 saylı Göyçay
9. Əliyev Loğman Allahverən oğlu – 90 saylı Ağdaş
10. Xanəlizadə Bəhmən Tofiq oğlu – 111 saylı Zaqatala-Balakən
11. Həsənbəyli Süleyman Yaşar oğlu – 119 saylı Ağdam kənd
Partiyanın Ali Məcliai seçkilərdə iştirakı məqsədəuyğun saymayıb
Dekabrın 14-də iki partiya gələn il keçiriləcək parlament seçkiləri ilə bağlı qərarlarını aşçqlayıb.
AMİP Siyasi Şurası Mərkəzi Şuranın qərarına əsasən seçkilərdə iştirak edəcək namizədlərin irəli sürülməsi ilə bağlı məsələni müzakirə edib.
Məlumatı Meydan TV-yə beynəlxalq məsələlər üzrə katibi Elşən Mustafayev verib.
Elşən Mustafayev
Mənbə: Foto: sosial şəbəkə
Elşən Mustafayev bildirib ki, Siyasi Şurada ilkin olaraq 11 dairədən namizədlərin irəli sürülməsi barədə qərar qəbul olunub.
Siyasi Şura Əli Orucovun 9 saylı Binəqədi ikinci, Elşən Mustafayevin 15 saylı Yasamal birinci, Rəşad Bayramovun 22 saylı Nəsimi ikinci, Məmmədli Səfərovun 25 saylı Nizami ikinci, Arzuxan Əlizadənin 26 saylı Sabunçu birinci, Tapdıq Həsənovun 79 saylı İmişli, Elman Bayramovun 81 saylı Beyləqan, Teyyub Hüseynlinin 88 saylı Göyçay, Loğman Əliyevin 90 saylı Ağdaş, Bəhmən Xanəlizadənin 111 saylı Zaqatala-Balakən, Süleyman Həsənbəylinin 119 saylı Ağdam kənd dairələrindən namizədliklərini irəli sürmələrini təsdiqləyib.
Azad Demokratlar Partiyasının Ali Məclisi isə parlament seçkilərində iştirakı məqsdəəuyğun saymayıb.
Məlumatı Meydan TV-yə partiyanın sədri Sülhəddin Əkbər verib.
O bildirib ki, mövcud ictimai-siyası durumun ağır, mürəkkəb və qəbuledilməz olduğunu, siyasi və iqtisadi hakimiyyətin bir əldə cəmləndiyini, sərt avtoritar rejimin diktaturaya meylləndiyini, təməlləri 2016-cı ildə atılan sülalə hakimiyyəti quruculuğunun inkişafda və möhkəmlənməkdə olduğunu, insan və vətəndaş hüquq və azadlıqlarının, xüsusilə söz, mətbuat, birləşmə və toplaşma azadlığının sərt şəkildə, kütləvi surətdə pozulduğunu, siyasi hüquq və azadlıqların, eyni zamanda siyasi fəaliyyətin sərt şəkildə məhdudlaşdırıldığını, o cümlədən, 6 iyul 2014-cü ildə təsis edilmiş Azad Demokratlar Partiyasının bugünədək, qeyri-qanuni olaraq, rəsmi dövlət qeydiyyatına alınmamasını və fəaliyyəti üçün normal, qanuni şərait yaradılmamasını nəzərə alaraq parlament seçkilərində iştirak etmək məqsədəuyğun hesab edilməyib.
Sülhəddin Əkbər
Mənbə: Foto: sosial şəbəkə
Sülhəddin Əkbər eyni zamanda, iqtidarın ölkənin ictimai-siyasi qüvvələrinin, həmçinin ATƏT-in Demokratik Təsisatlar və İnsan Hüquqları Bürosunun və Avropa Şurasının Venesiya komissiyasının təkliflərini qulaqardına vuraraq, demokratik seçki islahatı aparılmasına imkan verməməsini, azad və ədalətli seçkilərin keçirilməsi üçün qanunvericilik bazasının yaradılmamasını, sərbəst siyasi rəqabət üçün şəraitin olmamasını, ümumiyyətlə, hazırda ölkədə azad və ədalətli seçkilərin keçirilməsi üçün ictimai-siyasi, hüquqi, hüquqi-texniki və faktiki şəraitin olmadığını da əlavə edib.
Milli Məclis dekabrın 2-də buraxılması üçün Prezidentə müraciət edib. Prezident müraciəti qəbul edib və 2020-ci il fevralın 9-na növbədənkənar parlament seçkisi təyin olunub.
Milli Məclisin deputatı Yevda Abramov vəfat edib.
Xural.com xəbər verir ki, bu barədə “Report”a Milli Məclisin deputatı Vahid Əhmədov məlumat verib.
Onun sözlərinə görə, Milli Məclisin İnsan hüquqları komitəsinin sədr müavini Yevda Abramov bu gün müalicə aldığı Kliniki Tibbi Mərkəzdə 71 yaşında dünyasını dəyişib.
Qeyd edək ki, milliyyətcə yəhudi olan Yevda Sasunoviç Abramov 12 iyun 1948-ci ildə Quba rayonunun Qırmızı qəsəbəsində anadan olub.
Bakı Dövlət Universitetin 2 saylı yataqxanasında üç tələbənin zəhərlənmə səbəbi qida mənşəli deyil, toksik zəhərlənmədir.
Virtualaz.org xəbər verir ki, bunu Azərbaycan Qida Təhlükəsizliyi Agentliyinin sədri Qoşqar Təhməzli bu gün keçirilən tədbirdə jurnalistlərə açıqlamasında deyib.
Q.Təhməzli bildirib ki, BDU-nun yataqxanasında 3 tələbənin zəhərlənməsi hadisəsi ilə bağlı cinayət işi başlanılıb, istintaq aparılır: “Sonda Qida Təhlükəsizliyi Agentliyi ümumi açıqlama verəcək. KİV-də bu barədə bir sıra yanlış informasiyalar yayılıb. Bu hadisəni qida zəhərlənməsi halı olaraq qələmə verməyə çalışdılar. Ölümə səbəb qida mənşəli zəhərlənmə deyil, toksik zəhərlənmədir”.
Xatırladaq ki, hadisə noyabrın 21-də baş verib. BDU-nun yataqxanasında yaşayan 3 tələbə qız zəhərlənib. Onlardan biri – 20 yaşlı Xasmətova Şəkər Faiq qızı həyatını itirib. Təcili Tibbi Yardım avtomobili ilə 1 saylı Kliniki Tibbi Mərkəzin Toksikologiya şöbəsinə çatdırılan digər tələbələr- 21 yaşlı Dilrubə Qismət qızı Quliyeva və Həmidə Bünyamiddin qızı İbadova noyabrın 27-də evə buraxılıb.
BDU-nun 2 saylı yataqxanası bərbad vəziyyətdədir, istismara yararsız haldadır və zirzəmisi siçovullarla doludur. Siçovullar yataqxananın dəhlizlərində dolaşır və sosial şəbəkələrdə yayılan məlumatlara görə, zəhərlənmənin səbəbi də məhz onlar ola bilər. Belə ki, yataqxanaya siçovullara qarşı zəhərli pereparatlar səpilir və gəmiricilər bu zəhəri otaqlara, tələbələrin əşyalarına və ərzaqlarına yaya bilərdilər. Nəticədə isə tələbələrin siçan zəhərindən zəhərlənməsi mümkündür. Həyatını itirən tələbə qızda müşahidə olunan simptomlar da qida zəhərlənmə əlamətlərinə uyğun gəlmirdi. Səhiyyə Nazirliyinin ilkin məlumatında gənc qızın ağzından qan gəldiyi açıqlanmışdı. Hansı ki, qida zəhərlənməsində belə simptom müşahidə olunmur.
