Hikmət Hacıyev: Ermənistanın mina istehsalçıları siyahısına daxil edilməsi Azərbaycanın əsaslı iddialarını sübut edir
Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev “Landmine Monitor Report 2023”ün Ermənistanı piyadalar əleyhinə mina istehsal edən ölkələr siyahısına daxil edilməsi ilə bağlı paylaşım edib.
APA xəbər verir ki, Prezidentin köməkçisinin “X” hesabındakı paylaşımında deyilir ki, Ermənistanın təkzib etməsinə baxmayaraq, məhz bu fakt 2020-ci ildə 44 günlük müharibə başa çatdıqdan sonra Azərbaycan ərazilərinə minaların daşınması və yerləşdirilməsi ilə bağlı əsaslı iddiaları bir daha sübut edir.
