Qüdrət Həsənquliyev Kəmaləddin Heydərovu müdafiə etdi
“Azərbaycan Boks Federasiyasının adının korrupsiya ilə bağlı qalmaqalda hallandırılması düşmənlərimizin və təxribatçı qüvvələrin əməlidir, beynəlxalq miqyasda Azərbaycanın nüfuzunun artmasına xidmət edəcək bu böyük idman hadisəsinin üzərinə öncədən kölgə salmaq cəhdidir”. Bu barədə Bütöv Azərbaycan Xalq Cəbhəsi Partiyasının (BAXCP) yaydığı bəyanatda bildirilir.
Bəyanatda deyilir: “Ölkəmizə qarşı həyata keçirilən bu məqsədyönlü təxribat kampaniyasından təəssüfləndiyimizi bildirməklə yanaşı, ölkəmizin əleyhinə yönəlmiş təxribat xarakterli məlumatlara istinad edərək, “Azərbaycan boksu nokauta salındı” deyən qüsurlu insanların da bu kampaniyaya qoşulmalarını qətiyyətlə pisləyirik.”
“Xural” qəzeti,
il 9, sayı: 044 (452), 27 sentyabr 2011
