Rus əl qatdı: Ermənistanda da rus məktəbləri açılacaq?!
Səfir Kopırkin Ermənistandan olan rus müəllimlərin hazırlanması məsələsində kömək etməyə hazır olduğunu bildirib
Ermənilərin Parlament komissiyasının rəhbəri rusiyalı diplomatla görüşdə iki ölkə arasında əlaqələrin inkişafının vacibliyini vurğulayıb.
Parlamentin Elm, təhsil, mədəniyyət, diaspor, gənclər və idman daimi komissiyasının sədri Sisak Qabrielyan cümə axşamı Rusiyanın respublikadakı səfiri Sergey Kopırkin ilə görüşüb, onunla respublikada rus məktəblərinin açılması, eləcə də Rusiyada müəllimlərə rus dilinin tədrisi ilə bağlı bir sıra məsələləri müzakirə edib.
Parlamentin mətbuat xidmətinin məlumatına görə, Qabrielyan Ermənistan və Rusiya arasında əlaqələrin inkişafının vacibliyini qeyd edib, müxtəlif sahələrdə əməkdaşlığın dərinləşdirilməsinin vacibliyini vurğulayıb.
Parlament komissiyasının rəhbəri Ermənistanda məktəblərdə rus dilinin öyrənilməsi məsələsinə toxunub, müəllimlərin yenidən hazırlanması problemini qaldırıb. Öz növbəsində səfir bu məsələdə köməklik göstərməyə hazır olduğunu bildirib. O, həmçinin iki ölkə arasında, xüsusilə Avrasiya İqtisadi İttifaqı (Aİİ) çərçivəsində əməkdaşlığın vacibliyini qeyd edib.
Bildirilir ki, görüş zamanı tərəflər mədəniyyət sahəsinə dair məsələləri müzakirə ediblər. Qabrielyan xüsusilə K. Stanislavski adına Rus Dövlət Dram Teatrının problemlərini təqdim edib. Kopırkin bildirib ki, ötən il səfirliyin köməyi ilə teatrın bəzi texniki problemləri həll olunub, xüsusən də akustik sistem dəyişdirilib.
Görüş iştirakçıları qarşılıqlı maraq doğuran bir sıra digər məsələləri də müzakirə ediblər.
