Tofiq Yaqublu 30 günlük həbsdən sonra; Onu oğlunu öldürməklə hədələyiblər-VİDEO
19 oktyabr mitinqinə görə həbs edilənlərdən daha 3 nəfəri – Tofiq Yaqublu, Rüfət Səfərov və Baba Süleymanlı noyabrın 19-da azadlığa çıxıblar. Onlara kəsilmiş 30 sutka inzibati həbs müddəti bitib.
Tofiq Yaqublu inzibati həbsdəykən məlumat çatdırmışdı ki, onu təmsil olunduğu Çilli Şuradan və ümumiyyətlə siyasətdən getməsi üçün hədələyiblər. Azadlığa çıxandan sonra bəlli olub ki, Tofiq Yaqublunu hətta oğlunu öldürəcəkləri ilə də hədələyiblər. Həbs zamanı başına gətirilənlər barədə Tofiq bəy Azərbaycan saatı yutub kanalında canlı yayımda (Sözarası proqramı) Qənimət Zahidlə söhbətində danışıb.
