Qaraqan vergidən yayınır
Birinci Milli Kitab Mükafatının (MKM) qalibi Elxan Qaraqan müsahibələrində ayda 3 min manat qazandığını bildirmişdi.
Xatırladaq ki, bu günə kimi Qaraqanın üç kitabı – “A”, “Bir milyon dollarım olsaydı” və “Исповедь Одного Извращенца” romanları çapdan çıxıb. Bundan başqa, Qaraqan “HOST” qrupunda çıxış edir və mütəmadi olaraq solo konsertlər verir. Nəzərə alsaq ki, reper gənclərin sevimlisidir, onda onun solo konsertlərindən də kifayət qədər gəlir əldə etdiyini düşünmək olar.
Qaraqan özü də çıxışları zamanı pərəstişkarlarından razılıq edir və konsertlərindən həmişə yaxşı qazandığını bildirir. Bəs, görəsən, Elxan Qaraqan yazıçılıq və reperlik fəaliyyətindən əldə etdiyi gəlirdən vergi ödəyirmi?
Məsələni araşdırmaq üçün Vergilər Nazirliyinin rəsmi internet səhifəsindən vergi ödəyicilərinin siyahısından “Zeynallı Elxan Aqşin oğlu” adına sorğu verdik. Ancaq sorğuya cavab olaraq bu adda vergi ödəyicisinin mövcud olmadığı bildirildi.
Rövşən
“Xural” qəzeti,
il 9, sayı: 059 (468), 13 oktyabr 2011
Qaraqan vergi odeyir sadece oz adindan yox, Prodakshn adindan. Konsertleri ve satishlari prodaksh teshkil edir. Prodakshn her defe gelir vergisi verir.
Bizim dövlet “Ay aman respublikamizda bir nefer de inkishaf edib ireli gedir,göresen nece lengide bilerik addimlarini” Az qalsin deyecekler ki, Qaraqani hami sevir sevgi istismari vergisi vermelidi