Azadlıq prospektində yanğın baş verən binanın son görüntüləri – FOTO
Binəqədi rayonu, Azadlıq prospekti 200/36 ünvanında qeydə alınan yanğın Fövqəladə Hallar Nazirliyinin (FHN) Dövlət Yanğından Mühafizə Xidmətinin yanğınsöndürənləri tərəfindən söndürülüb. Bina tam yararsız halda görünür.
Xatırladaq ki, binanın üzlüyündə baş verən yanğını külək daha da alovlandırıb. Ətrafa qorxunc alov yayılıb. Azadlıq prospekti bağlanıb. Sakinlərin evakuasiyası ilə bağlı heç bir məlumat verilmir. Qeyd edək ki, bundan əvvəl yanğından xilas olmağa çalışan bir kişinin 8-ci mərtəbədən özünü ataraq, ölməsi ilə bağlı xəbər yayılıb.
