Cavid Qurbanov xəstəxananı bağladı – İşsizlər ordusu böyüdü

Lənkəranda dəmiryol xəstəxanası fəaliyyətini dayandırıb.
Xural.com BakuPost.az-a istinadən xəbər verir ki, xeyli sayda tibb işçisi işsiz qalıb.
Maliyyə Nazirliyinin 17 noyabr 2016-cı il tarixli məktubuna əsasən yanvarın 1-dən “Azərbaycan Dəmir Yolları” Qapalı Səhmdar Cəmiyyətinin tibbi xidmət göstərən müəssisələri təsərrüfat hesabına keçib.
Bu səbəbdən özünü təmin edə bilməyən xəstəxanaların fəaliyyəti dayandırılıb. Bu günə kimi xəstəxanada çalışanlar işlə təmin olunmayıblar.
Eyni aqibəti hərbi hospitalda işləyənlər də yaşayıb. Lənkəranda hərbi hospitalın bağlanması işsiz tibb ordusu yaradıb.
“Azərbaycan Dəmir Yolları” QSC-nin rayonlarda 10 xəstəxana və tibbi məntəqəsi bağlanıb. Bunlar Kürdəmir, Ucar, Lənkəran, Yevlax Dəmiryol Ambulatoriyası, Salyan Dəmiryol Xəstəxanası, Hacıqabul Dəmiryol Xəstəxanası, Mincivan Dəmiryol Xəstəxanası, Gəncə Dəmiryol Gigiyena və Epidemiologiya Mərkəzi, İmişli Gigiyena və Epidemiologiya Mərkəzi, Taun Əleyhinə Stansiyadır. Rayonlarda fəaliyyət göstərən xəstəxana və məntəqələrin hər birində ən azı 60 ştat olub.

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button