Sənaye istehsalı 20,9 faiz azalıb

Oktyabrda sənaye müəssisələrində istehsalçı qiymətləri 1,2 faiz artıb

Azərbaycanda sənaye istehsalı azalır. 10 ayda o, 5,8 mlrd manat və ya 20,9 faiz azalıb.

Dövlət Statistika Komitəsinin məlumatına görə, ölkədə sənaye istehsalının həcmi 22 mlrd mant olub. Rəsmi məlumata görə, sənaye məhsulu buraxılışı və xidmət əmtəə ifadəsində 2,2 faiz artıb.

Sənaye istehsalında hasilatın payı 62,9 faiz, emal sənayesinin payı 29,2 faiz təşkil edib. Hasilat sənayesi müəssisələri istehsalı 1,7 faiz azaldıb.

Qeyri-neft sektorunda sənaye istehsalı 9,6 faiz artıb, neft sektorunda 0,6 faiz azalıb.

Oktyabrda sənaye müəssisələrində istehsalçı qiymətləri 1,2 faiz artıb.