Lüksemburqun sabiq dövlət rəhbəri Böyük Hersoq Janın vəfat etməsi ilə əlaqədar ölkədə 12 günlük matəm elan edilib. Bu barədə Lüksemburqun Baş naziri Ksavye Bettel fərman imzalayıb.
Bildirilib ki, bu müddət dünyanın müxtəlif ölkələrindən insanlara dəfn mərasimində iştirak etməyə imkan verəcək.
Dəfn mərasimi mayın 4-də keçiriləcək.
Aprelin 23-də rəsmi AZƏRTAC saytında Azərbaycan Prezidentinin ictimai-siyasi məsələlər üzrə köməkçisi Əli Həsənovun “Azərbaycanın Formula 1 yüksəkliyi, milli qürur hissi və Əli Kərimli kimilərin mədə təfəkkürü” adlı məqaləsi yer alıb.
“Bütün mümkün yüksəklikləri fəth edən Azərbaycanımızı…”
Əli Həsənov əvvəlcə yazıb ki, Azərbaycan iqtidarı xalqa söykənərək özünü tam təmin edən, milli iradəsinə söykənən, dayanıqlı və gündən-günə inkişaf edən bir dövlət qurub: “ Bu mənada, biz ümummilli lider Heydər Əliyevin təməlini qoyduğu və Prezident İlham Əliyevin idarəçiliyi dövründə bütün mümkün yüksəklikləri fəth edən Azərbaycanımızı təkcə vətənimiz olduğuna görə deyil, həm də, sözün əsl mənasında, qüdrətli olduğuna görə sevirik”
Yazıda daha sonra prezidentin köməkçisi müxalifətdə olan Azərbaycan Xalq Cəbhəsi Partiyasının (AXCP) sədri Əli Kərimlini tənqid edib.
“Axı onlar iqtidarı nəyə görə tənqid edirlər? Məsələn, AXCP sədri Əli Kərimli öz Facebook səhifəsində iddia edir ki, bu günlərdə Bakıda növbəti dəfə start götürəcək Formula 1 yarışları “zülmdür”, kimlərinsə pul qazanması, hakimiyyətin təbliği üçün vasitədir. Sən demə, dünyada idman yarışları sırasında populyarlığına görə, üçüncü sırada yerləşən Formula 1 səbəbindən avtomobillərin şəhərin mərkəzində hərəkətinin məhdudlaşdırılması insanların “əsəbini tarıma çəkir””, deyə prezidentin köməkçisi yazıb.
“Olduqca qərəzli yanaşmadır”
Əli Həsənovun vurğulamasına görə, bu, özünü siyasətçi adlandıran, partiya rəhbəri hesab edən birisinə yaraşmayan, olduqca qərəzli yanaşmadır.
Onun fikrincə, çox təəssüf ki, bəziləri müxalifətçilik missiyasının əsl mahiyyətini başa düşmür:
“Anlamırlar ki, cəmiyyətdəki prosesləri, hadisələri yaxından izləmək imkanına malik və siyasi cəhətdən kifayət qədər yetkin olan vətəndaşlarımız davamlı şəkildə bədbinlik aşılayan, hər şeyi qara rəngdə, öz siyasi maraqlarına uyğun təsvir edən insanların səmimiyyətinə inanmır”.
“Bu otellər də oliqarxlara aiddir”
AXCP sədri Əli Kərimli isə Azadlıq Radiosuna deyib ki, “Formula1” yarışlarının Azərbaycanda keçirilməsinə münasibəti mənfidir:
“Hər il bu yarışlar üzündən 100 minlərlə şəhər sakini həyat ritmini dəyişməli olur, Bakının mərkəzi isə belə yarışlar üçün ümumiyyətlə uyğun deyil”.
Əli Kərimli hesab edir ki, bu yarışlar bəzi hakimiyyət mənsublarına pul qazanmaqdan ötrü lazımdır:
“Burada təkcə kimlərsə pul qazanmır. Bu yarışa gələn xaricilər otellərə pul xərcləyirlər ki, bu otellər də oliqarxlara aiddir. Digər tərəfdən isə bu hesaba büdcədən pullar silinir”, AXCP sədri hesab edir.
“Bu hansı yüksəkliklərdir?”
Əli Kərimli Əli Həsənovun “Prezident İlham Əliyevin idarəçiliyi dövründə bütün mümkün yüksəklikləri fəth edən Azərbaycanımızı” ifadəsinə də diqqət çəkib: “ Bu hansı yüksəkliklərdir? Siyasi məhbus sayına görə Avropa məkanında birinci olmaq, adambaşına düşən səhiyyə xərcinə görə sonuncu yerlərdə qalmaq, media azadlığına görə 166-cı, korrupsiyaya görə 152-ci yerdə olmaq? Azərbaycan 2018-ci il üçün yeganə ölkədir ki, Avropa Şurası barəsində korrupsiya ilə bağlı ayrıca qətnamə qəbul etdi”.
Əli Kərimli iddia edib ki, ölkədə işgəncə siyasətə dönüb, son 20 ildə 3-4 milyon insan ölkəni tərk edib.
Azadlıq radiosu
Həbsdə olan jurnalist Əfqan Muxtarlının səhhəti pisləşib. Əsasən onun gözlərində güclü ağrılar başlayıb. Bu barədə o, bu gün (dünən-red) həyat yoldaşı Leyla Mustafayevaya telefon edərək bildirib.
L.Mustafayeva Facebook səhifəsində yazıb ki, Əfqanın uroloji müalicəyə də ehtiyacı var. Onun sözlərinə görə, Penitensiar Xidmət bir dəfə olsun onu tibbi müayinədən keçirməyib, baxmayaraq, Əfqan da şəkər və hipertoniya da var.
“Əfqan şəkərlə əlaqədar hələ də dərman qəbul edir. Həmin dərmanı biz Gürcüstanda olanda oradakı həkimlər yazmışdılar”, – həyat yoldaşı qeyd edib.
Əgər Əfqana bir şey olarsa, məsuliyyət ölkə rəhbərliyinin üzərinə düşəcək. O xatırladıb ki, hakimiyyət Ə.Muxtarlının Gürcüstanda oğurlanıb qaçırıldığını etiraf etməyib. “Əgər burada ona bir şey olarsa, siz məsuliyyəti öz üzərinizdən götürə bilməyəcəksiniz”, L.Mustafayeva bildirib.
Araşdırmaçı jurnalist Əfqan Muxtarlı 2017-ci ilin mayında Tbilisidə oğurlanaraq gizlicə Azərbaycana gətirilib. Onu qaçaqmalçılıq, sərhəddi qanunsuz keçmək, sərhədçiyə qarşı zorakılıq tətbiq etməkdə ittiham edərək 6 il azadlıqdan məhrum ediblər.
Avropa Parlamenti, beynəlxalq hüquq-müdafiə təşkilatları, Amnesty International Əfqan Muxtarlını “vicdan məhbusu” kimi tanıyıblar.
Siyavuş Novruzov: ”Yenilik diktorun verilişi ayaqüstə aparması deyil”
“İctimai Televiziya dövlət büdcəsindən maliyyələşən televiziyadır. Bu telekanalda yenilikər olmalıdır. Milli-mənəvi dəyərlərin təbliği, mədəniyyət və s. sahələrin təbliği, Dağlıq Qarabağla bağlı verilişlər diqqət mərkəzində olmalıdır”.
Bunu deputat Siyavuş Novruzov Milli Məclisdə İctimai Televiziyanın Yayım Şurasına yeni üzvlərin seçilməsi ilə bağlı layihənin müzakirəsi zamanı deyib. Layihəni təqdim edən komitə sədri Rafael Hüseynov və çıxış edən deputat Fərəc Quliyev deyib ki, İTV-də son vaxtlar yeniliklər hiss olunmağa başlayıb.
Siyavuş Novruzov isə deyib ki, yenilik verilişi bir diktorun ayaqüstə, digərinin oturub aparması, studiyanın rənginin dəyişməsi deyil:
“Özəl telekanallar biznes qurumudur, reklam hesabına maliyyələşirlər. Bu telekanallarda əxlaqa zidd verilişlər nümayiş olunanda isə Milli Televiziya və Radio Şurası mövqeyini ortaya qoyur, qərarlar qəbul edir. İTV-nin isə konkret xalqın televiziyası funksiyasını yerinə yetirməlidir”.
Deputat Aqil Abbas bildirib ki, İctimai Televiziyanın yaradılmasında rolu olan köhnələrin haqqı tapdalanmamalıdır:
“İTV-ni televiziyanın incəliklərini bilən İsmayıl Ömərov kimi peşəkar yaradıb. Bəzən nazir dəyişir, ondan 15 il əvvəl işləyənin əməyi yada salınmır. İctimai Televiziyada da əməyi olan insanlar olub. İctimai Televiziya da hər zaman milli-mənəvi dəyələrə üstünlük verib. Arada bir az qırılma oldu, indi düzəlir. Odur ki, İTV-də inqilabi işlər görənlərın də əməyi yaddan çıxarılmamalıdır”.
İctimai Televiziya və Radio Yayımları Şirkətinin (İTV) Yayım Şurasının üzvlərinin namizədliyi təsdiqlənib. Yayım Şurasına Azərbaycan Dövlət Bədən Tərbiyəsi və İdman Akademiyasının prorektoru Yusif Babanlının, Qafqaz Müsəlmanları İdarəsi sədrinin birinci müavini Salman Musayevin, Azərbaycan Bəstəkarlar İttifaqının katibi Zemfira Qafarovanın namizədliyi təsdiqlənib. İdman federasiyaları, dini konfessiyalar və yaradıcı təşkilatlar tərəfindən irəli sürülmüş namizədlər arasından hər təşkilatdan 1 nəfər olmaqla, Milli Məclis tərəfindən 6 il müddətinə təsdiq edilib.
Bu gün (dünən-red) Milli Məclisin spikeri Oqtay Əsədov Azərbaycanla Avropa İttifaqı arasında strateji tərəfdaşlıq sazişinin imzalanacağı tarixi açıqlayıb. Əsədov həmin sazişə “ermənilərin əngəl olmağa çalışdığını” deyib və bildirib ki, sənədin layihəsində Dağlıq Qarabağ Azərbaycanın ərazisi kimi göstərilib.
“Saziş layihəsində Dağlıq Qarabağ ərazisi Azərbaycanın ərazisi kimi qeyd olunub, biz buna nail olmuşuq. Texniki məsələlər qalıb ki, onlar da həll edilir. Ermənilər bu sazişə əngəl olmağa çalışırlar”- o deyib. Və O.Əsədov bildirib ki, saziş mayın 13-də imzalanacaq.
Lakin spikerin bu bəyanatının üstündən bir neçə saat keçmiş XİN bildirib ki, sazişin həmin tarixdə imzalanması nəzərdə tutulmayıb.
“Çünki, ölkəmizlə Avropa İttifaqı arasında tərəfdaşlıq münasibətlərinin hüquqi əsasını təşkil edəcək saziş üzrə danışıqlar hələ ki, davam etdirilir”- XİN-in mətbuat xidmətinin rəhbəri Leyla Abdullayeva bildirib.
Qeyd edək ki, bu günlərdə xarici işlər naziri Elmar Məmmədyarov Brüsseldə Avropa İttifaqının xarici siyasət komissarı Federiko Mogerini ilə danışıqlardan sonra saziş layihəsi üzərində danışıqlar hələ davam edir. Onun sözlərinə görə, sənəd böyük ölçüdə razılaşdırılıb, bəzi razılaşdırılmamış məqamlar qalır və sənədin imzalanması noyabr ayına planlaşdırılır.
Bu baxımdan, spiker Oqtay Əsədovun sazişin mayın 13-də imzalanacağını nəyə əsaslanıb bəyan etdiyi məlum deyildi.
Şəmkirdə olarkən apardığımız araşdırmalar zamanı artıq o yerə gəlib çıxdıq ki, şəhərdə “zibilin içində” olan təkcə prokurorluq əməkdaşlarının həbs etdiyi keçmiş “JEK” rəisi Teymur Hacıyev deyilmiş.
Sən demə, icra başçısı Alimpaşa Məmmədovun əməllərinin yanında T.Hacıyev “toya getməli” imiş.
Həmsöhbət olduğumuz sakinlər bizə elə faktlar açıqladılar ki, Şəmkirin bu günə düşməsinin səbəbi, “cümlə xəyanətlərə bais” şəxsin kimliyi aydın oldu – icra başçısı…
“Yeni Müsavat”a danışan sakinlərin sözlərinə görə, icra başçısını kabinetində tapmaq olmur. Onlar iddia edirlər ki, Alimpaşa Məmmədovun günü özünə aid qızıl balıq fermasında keçir.
Şəmkirlilər deyirlər ki, icra başçısının forel balığı təsərrüfatı ətraf kəndlərə ciddi ziyan vurur.
Çünki balıq təsərrüfatının ucbatından Seyfəli, Abbaslı kəndlərinin camaatı Dəryaçayın natəmiz, çirkli, balıqların ifrazatının qarışdığı sudan içməli olur. Elə biz də bu məqsədlə Seyfəliyə yollanıb A.Məmmədovun balıq biznesini araşdırmağa qərar verdik.
Kənddə olarkən öyrəndik ki, Dəryaçay ətrafındakı yaşayış massivlərində uşaqdan böyüyə hər kəs icra başçısının “Azərforel” ferması haqda məlumatlıdır. Kimdən soruşursan, deyir ki, “hə, müəllimin ferması o tərəfdədir”. Amma başçı özünün fermasına asfalt yol çəkdirib, yola şlaqbaum qoydurub.
Alimpaşa Məmmədov Şəmkiri Dəryaçaydan idarə edir. Oradakı əhalinin içməli su anbarını özünün balıqçılıq fermasına çevirib. Su anbarında qızıl balıq cinsindən olan forel balığı bəslənir.
“Azforel” balıqçılıq şirkətinin yetişdirdiyi balıqlara verilən kimyəvi tərkibli yem suya qarışır, balıqların təbii ehtiyacları da axarla Aşağı Seyfəli və digər kəndlərə çatır.
Sakinlər balıq tullantıları və kimyəvi qarışıqlı su içmək məcburiyyətində qalırlar. Həmin kəndlərin sakinlərinin etirazlarını da Alimpaşa Məmmədov eşitmir. Seyfəli kənd sakinləri deyirlər ki, icra başçısı rəsmən onları zəhərləməklə məşğuldur: “Bir neçə dəfə icra nümayəndəsinə demişik, başçıya məktub yazmışıq, bizi sayan olmayıb. Kimin nəyinə lazımdır? Fikirləşirlər ki, cəhənnəmə camaat zəhərli su içsin, əsas Alimpaşa müəllimin balıqdan qazancıdır. Gözləyirlər ki, uşaqlarımız bu sudan bir gün xəstəlik tapsın, kimsə zəhərlənsin, ya dəri-zöhrəvi xəstəliyi yayılsın, onda əncam çəksinlər. Axı bizim başqa içməli su mənbəyimiz yoxdur. Niyə bunu nəzərə almırlar?”
Kənd camaatı danışır ki, yolu bağlayıb etiraz etmək, problemi prezidentə çatdırmaq istəyirlər. Onlar sabiq başçı Nazim Veyisova şükür edirlər. Onun dövründə belə özbaşınalıqlar olmayıb, əhalinin dərd-səri dinlənilib. A.Məmmədov isə sakinləri yaxına buraxmır.
“Alimpaşa müəllimi kabinetində, icra hakimiyyətində tapmaq qəliz məsələdir. Onu ya Seyfəli kəndinin kənarındakı Dəryaçayda özünün ”Azərforel” adlandırdığı balıqçılıq təsərrüfatında görərsən, orada da olmursa, Şəmkirdən Gədəbəyə gedən yolun üstündə, Qaraboyludakı maralçılıq fermasında taparsan. Bilmirik ki, onu Şəmkirə icra başçısı təyin ediblər, yoxsa baş fermer…”, – deyə sakinlərdən biri şikayətlənir.
Onun sözlərinə görə, ferma formal olaraq başçının oğlu Adil Məmmədovun adınadır: “Bunu Şəmkirdə bilməyən yoxdur. Alimpaşa Məmmədov Şəmkirə başçı gələndən sonra burada özünə nəhəng biznes qurdu, mal-mülk yaratdı. Onun oğlu həmin günlərdə MTN-də işləyirdi, indi işdən çıxıb, gəlib oturub Şəmkirdə, fermaya nəzarət edir. Danışanda da deyir ki, oğlum biznesmendir. Özününsə günü elə Dəryaçayda keçir”.
Sakinlər onu da bildirirlər ki, Şəmkir şefi təkcə qızıl balıq biznesi ilə qane olmur. Deyildiyi kimi, Qaraboyluda maral ferması da var. Bu təsərrüfat, deyilənə görə, 5 ilə əvvəl yaradılıb, artıq 70 maral saxlayır.
İddialara görə, maral fermasının saxlanılmasına idarə və təşkilatlardan, bələdiyyələrdən xərac toplanıb. Bu vəsaitlər hesabına Şəmkir paşasının maralları yemdən yeyib kökəlir, balalayır, artır. Beləcə maral sürüsü əmələ gəlir.
Sakinlər deyirlər ki, dərd bir deyil, beş deyil, hansını söyləyəsən… Belə ki, Şəmkir kimi heyvandarlıq imkanları olan bir bölgədə örüş sahələri yoxa çıxıb. Camaat danışır ki, sovet dövründə Şəmkirin Ceyrançöl ərazisində geniş örüş sahələri olub. İndi örüş sahələri qalmayıb. Çünki icra başçısı bu torpaqlara da əl qoyub.
Sakinlər iddia edirlər ki, A.Məmmədov forel və maral fermaları ilə məhdudlaşmayıb, Ceyrançöldəki örüş sahələrini özəlləşdirib, dövlətdən kənd təsərrüfatının inkişafı üçün subsidiyalar alıb, taxıl əkdirir. Hərçənd ki, yararsız torpaq olan bu ərazilər örüş üçün nəzərdə tutulub, ona görə taxıl heç düz-əməlli yetişmir.
İntəhası, A.Məmmədov dövlətin pulunu subsidiya şəklində alaraq taxıl biznesində batırır. Əvəzində isə əsl əkin-biçin sahələri su üzünə həsrət qalıb. Sakinlər şikayətlənirlər ki, örüş sahələri fermerlərə qaytarılmalıdır.
“Ceyrançöldə mal-heyvan otarmağa yer tapmırıq. Paşamız imkan vermir ki, heyvanları gətirək. Axı bu torpaqlar taxıl əkmək üçün deyil. Bunu izah edən yoxdur, bizim sözümüzü də eşitmirlər”, – deyə fermerlər gileylənirlər.
Fermerlərin örüş sahəsi, Seyfəli kəndinin içməli su problemi kimi Şəmkirin mərkəzinin də təmizlik dərdi bitmək bilmir. Ötən reportajda şəhərin başdan-başa zibillik içində “üzdüyünü” yazmışdıq. Həmçinin mərkəzi küçələrin bu günə düşməsinin əsl səbəbinə toxunmuşduq.
Məlum olmuşdu ki, Mənzil Kommunal Təsərrüfat Birliyinin sabiq rəisi Teymur Hacıyevin fəhlələrin maaş kartını mənimsəməsi, “ölü can”lar saxlaması ucbatından küçələrdə antisanitariyadır.
Prokurorluğun, keçirdiyi əməliyyat zamanı saxlanıb, sonra azad edilən T.Hacıyev işdən çıxarılıb.
Əldə etdiyimiz xəbərə görə, keçmiş “JEK” müdiri ötən reportajımızı oxuyub və çevrəsində qeyri-rəsmi şəkildə bildirib ki, onu heç kəs həbs edə bilməz: “Bunun üçün gərək icra başçısını da tutsunlar. Mən bilirəm kimin yanında nə demək lazımdır…”
A.Məmmədovun isə onun yerinə təzə təyin etdiyi rəis Pərviz İbrahimovdur. Sakinlər deyirlər ki, P.İbrahimovun bu sahədən anlayışı yoxdur və hələ də küçələr zibillik içindədir…
Türkiyənin Milli müdafiə naziri Hulusi Akar Rusiyadan alınacaq S-400-lərə görə ABŞ-ın F-35 qırıcılarının satışını dayandıracağı ilə bağlı qeyri-müəyyənliyə aydınlıq gətirb.
Strateq.az “TRT haber”ə istinadən xəbər verir ki. o, gündəmdə belə bir məsələnin varlığını etiraf etsə də, ortada hansısa qərarın olmadığını bildirib: “Hələki ABŞ-da 4 pilotumuz təlim keçir, yaxın günlərdə 2 pilot da göndəriləcək. Bizə F-35-lərlə bağlı əmin heç nə deyiməyib. Proses gedir”.
Akar deyib ki, F-35-lərlə bağlı problem yaranarsa, digər variantları nəzərdən keçiriləcək: “Bizim qısa, orta və uzun müddətli B planlarımız da var”.
Türkiyə mətbuatı isə yazır ki, Rusiyadan alınacaq S-400-lər ölkənin cənub və qərbində quraşdırılacaq.
Məlumata əsasən, bu komplekslər Türkiyənin qərbində, Egey dənizi sahilləri boyunca yerləşən vilayətlərdə, həmçinin Suriya ilə sərhəddə, Hatay vilayətində quraşdırılacaq.
Azərbaycan Dövlət Mədəniyyət və İncəsənət Universitetinin təşkilatçılığı, rektor Ceyran Mahmudovanın rəhbərliyi ilə ali məktəb tələbələri arasında 2 aydır keçirilən “İmadəddin Nəsimi poeziyasının bədii qiraəti” müsabiqəsi artıq başa çatıb.
Strateq.az xəbər verir ki, bu münasibətlə aprelin 20-də Beynəlxalq Müğam Mərkəzində müsabiqə qaliblərinin mükafatlandırma mərasimi və geniş konsert proqramı təşkil edilib.
Təşkil edilən təntənəli mərasimdə açıqlanıb ki, müsabiqədə birinci yeri tanınmış bədii qiraət ustası, Respublikanın Əməkdar artisti, “Səhnə danışığı” kafedrasının dosenti Ağalar Bayramovun “Dram rejissoru” ixtisası üzrə 4-cü kurs tələbəsi olan Ümüd Abbaszadə tutub.
İkinci yerə Respublikanın Əməkdar artisti, “Səhnə danışığı” kafedrasının dosenti Mahirə Yaqubovanın “Teatr və kino aktyoru” ixtisası üzrə 4-cü kurs tələbəsi Novruz Şahverdiyev çıxıb.
Üçüncü yerin qalibi isə yenə də Ağalar Bayramovun tələbəsi olub – “Teatr və kino aktyoru” ixtisası üzrə I kurs tələbəsi Sabirə Abdullayeva.
Qalibləri təbrik edirik.
Təəssüf ki, Milli Məclisə necə “seçildiyi” bilinən, lakin niyə “seçildiyi” bilinməyən bəzi deputatların onsuz da sosial problemlərdən əziyyət çəkən əhalidə qıcıq yaradan açıqlamaları bitib-tükənmək bilmir. Belə açıqlamalardan birini də YAP-ın Qaradağ rayon təşkilatının sədri, parlamentdə elə həmin rayonu təmsil edən Aydın Hüseynov verib.
Deputat əhalinin böyük hissəsi üçün böyük önəm daşıyan təbii qaza və işığa qoyulan limitin aradan qaldırılmasına dair təkliflərə münasibət bildirib. Bir sıra deputatlar bu limitin ləğv olunmasını təklif edərək, bunun kasıb əhalinin sosial durumuna müsbət təsir edəcəyini bildirsələr də, Aydın Hüseynov cənabları təklifin əleyhinə çıxıb. Deputat mətbuata açıqlamasında iddia edib ki, limitlərin tətbiqi hər kəsin qaz və elektrik enerjisini qənaətlə işlətməsinə (!) şərait yaradıb: “Məlumdur ki, elektrik enerjisinə və qaza tətbiq olunan limitin məqsədi artıq məsrəfə yol verilməməsi, qənaət rejimindən istifadə olunmasıdır. Əhalinin gəliri artıqca bu problemlər öz-özlüyündə həll olunacaq. Doğrudan da limitlərin tətbiqi hər kəsin qazı və elektrik enerjisini qənaətlə işlətməsinə şərait yaratdı…”
Demir ki, bu qərar əhalinin onsuz da çətin olan sosial vəziyyətini daha da ağırlaşdırdı, demir ki, insanlar evlərini qızdırmaqda çətinlik çəkirlər, demir ki, rayonlarda camaat meşələrə üz tutmalı olur, qaz ola-ola odundan istifadə edir və sair. Görəsən, ümumiyyətlə bu deputat həmin “qənaət söhbətini” elə öz rayonunun qəpiyi-qəpiyə calayıb, uşağını çətinliklə məktəbə göndərən, qazandığı qəpik-quruşun da böyük hissəsini uşağının “boğazından kəsib” işıq, qaz çeklərinə ödəyən kasıb seçicisinin gözünə baxa-baxa deyə bilərmi? Bəlkə də deyər… Necə deyərlər, “utanmasan oynamağa nə var ki…”
Əlbəttə ki, qənaət vacib məsələdir. Ancaq nədənsə həmin bu qənaət hər zaman kasıb-kusuba aid olanda yada düşür. Görəsən, Aydın Hüseynov özü bu limitlər tətbiq olunandan sonra nə qədər vəsaitə və enerjiyə qənaət edə bilib?
Ümumiyyətlə, bu adamın “qara camaatın” vəziyyətini anlaması və seçicilərinin (əgər seçiblərsə-C.M.) rifahını düşünməsi nə dərəcədə inandırıcıdır? Bu suala cavab tapmaq üçün A.Hüseynovun bioqrafiyasına “gözucu” nəzər yetirmək kifayətdir.
Adamın karyerasının böyük hissəsi maliyyə idarələrinin rəisi postlarından ibarətdir. O, 1991-1994-cü illərdə Səhmdar Kommersiya Əmanət Bankı Qaradağ rayon şöbəsinin müdir müavini, 1994-1996-cı illərdə Səhmdar Kommersiya Əmanət Bankı Bakı şəhər idarəsinin kreditləşmə şöbəsinin rəis müavini, 1997-1999-cu illərdə Qaradağ rayon Maliyyə İdarəsinin rəisi, 1999-2000-ci illərdə Sumqayıt şəhər Maliyyə İdarəsinin rəisi, 2000-2009-cu illərdə Səbail rayon Maliyyə İdarəsinin rəisi, 2009-2013-cü illərdə Maliyyə Nazirliyi 7 saylı Xəzinədarlıq İdarəsinin rəisi, 2013-cü ildən Səbail rayon Maliyyə idarəsinin rəisi vəzifələrində “külüng vurub”. Göründüyü kimi, bu vəzifələrin hamısı “çim yağdır”.
Azərbaycanda rayon Maliyyə İdarəsinin rəisi vəzifəsinin nə demək olduğunu bilməyən yoxdur. Təəssüf ki, Azərbaycanda araşdırma jurnalistikası inkişaf etməyib. Yoxsa arşdırma aparıb, belə şəxslərin hazırkı maddi imkanları, mülkləri, avtomobillərilə indiyə qədərki rəsmi vəzifə maaşlarını tutuşdurmaq olardı və o zaman ortaya maraqlı mənzərə çıxardı. Və məlum olardı ki, belələrinin kasıb əhalinin nəyəsə qənaət etməli olduğu barədə danışmağa ən azından mənəvi haqları yoxdur.
Həmin bu Aydın Hüseynov bir müddət əvvəl Milli Məclisin Aqrar siyasət Komitəsinin iclasında səsləndirdiyi “əhalinin bulaq suyundan pərakəndə şəkildə istifadəsinə yol vermək olmaz” fikrilə gündəmə gəlmişdi.
Göründüyü kimi, bu deputat mandatının daşıyıcısının imkanı olsa, nəinki işığa, qaza, hətta təbiətin verdiyi və kənd əhalisinin əsrlərlə istifadə etdiyi bulaq suyuna da limit qoyar!
Onu da qeyd edək ki, A.Hüseynovun indiki məqama çatmaq üçün keçdiyi “yol” barədə mətbuatda müxtəlif səpkili məlumatlara rast gəlinir. Məsələn, onun icra başçılarına avtomobil hədiyyə etmək kimi “xobbisinin” olduğuna dair iddialar var. Əlbəttə ki, bu iddiaların nə dərəcədə həqiqətə uyğun olması barədə heç nə deyə bilmərik. Ancaq onu deyə bilərik ki, həmkarı Hadı Rəcəbli kimi, A.Hüseynovun da sosial məsələlər barədə fikirləri əhalidə qıcıq və ikrah hissindən başqa heç nə yaratmır.
A.Hüseynov son açıqlamasında enerji daşıyıcılarına tətbiq olunan limitlə bağlı fikrini belə tamamlayıb: “Qaz və elektrik enerjisi ilə bağlı limitlərin ləğvi real deyil”.
Xatırladaq ki, hakimiyyətə “ayı xidməti göstərən” bir çox “deputat-ekspertlər” problemli kreditlərlə bağlı güzəştləri də real hesab etmirdilər və az qalırdı camaata desinlər ki,“gedin canınız çıxsın, ödəyin”. Ancaq ölkə başçısının məlum qərarından sonra həmin bu manqurtlar əvvəlcə dillərini müvafiq istiqamətdə gizlətdilər, sonradan isə oradan çıxarıb, həmin güzəşt qərarını alqışlamağa, təriflər yağdırmağa başladılar – yəni adət etdiyimiz mənzərə.
Bəs, görəsən nə vaxta qədər belə olacaq? Olmazmı ki, bunlar əhalinin sosial durumuna təsir edən məsələlərlə bağlı ümumiyyətlə sussunlar və sadəcə öz işlərilə – tərifləmək, məddahlıq etmək, yaltaqlanmaqla məşğul olsunlar?…
Cəlal MƏMMƏDOV
AzPolitika.info
Ankaranın Çubuk rayonunda şəhidin dəfn mərasimində CHP sədri Kamal Kılıçdaroğluna hücum ediblər.
Virtualaz.org Türkiyə mətbuatına istinadən xəbər verir ki, Hakkaridə terrorçular tərəfindən qətlə yetirilmiş əsgər Yener Kırıkçının dəfnində xoşagəlməz anlar yaşanıb.
Çubuk rayonunun Akkuzu məhəlləsindəki dəfn mərasimində Ankara böyükşəhər bələdiyyəsinin sədri, CHP üzvü Mansur Yavaşla birlikdə partiyanın sədri Kamal Kılıçdaroğlu da iştirak edib. Bir qrup şəxs Kılıçdaroğluna hücum edərək, ona zərbələr endirib.
Hazırda CHP sədrinin vəziyyətinin kafi olduğu bildirilir.
Ukraynada prezident seçkilərinin ikinci turunda səsvermə başa çatdı.
Virtualaz.org xəbər verir ki, ölkə qanunvericiliyinə uyğun olaraq, saat 21:00-dan (Bakı vaxtı ilə) sonra ekzit-polların nəticələri açıqlana bilər.
Beləliklə, Ukrayna Milli ekzit-polunun nəticələrinə görə, Vladimir Zelenski 73,2%, Pyotr Poroşenko isə 25,3% səs toplayıb.
Yerli “1+1” telekanalının ekzit-polunun nəticələrinə görə, Vladimir Zelenski 72,7%, Pyotr Poroşenko isə 27,3% səs toplayıb.
Yerli “112.Ukrayna” telekanalının ekzit-polunun nəticələrinə görə, Vladimir Zelenski 73,7%, Pyotr Poroşenko isə 26,3% səs toplayıb.
Beləliklə, Vladimir Zlenski Ukraynanın yeni prezidenti seçilib.
Bu gün Ankaranın Çubuk rayonundakı şəhid dəfnində hücuma məruz qalan CHP lideri Kamal Kılçdaroğlunun sonradan sığındığı evin sahibi danışıb.
Strateq.az Türkiyə mətbuatına istinadən xəbər verir ki, ev sahibi Rahim Doruk CHP liderinin evində yaşadığı məşəqqətli anları anladıb.
O deyib ki, hadisə zamanı böyük bir qrup onun evinə doğru axın edib: “Bu zaman biri mənə dedi ki, Kamal Kılıçdaroğlu evimə girmək istəyir. Bu əsnada, daha dəqiqi, evimin önündə itələşmə yaşandı. Kılıçdaroğlunun orada olduğunu görmədim. O an mən evimin qapısı önünə qədər sıxışdırıldım. Həyat yoldaşım qorxudan qapını kilidləmişdi. Ona qapını açması üçün yalvardım. Çünki arxadan yüklənən qrup vardı, onlar məni də sıxırdı. Mən o ana qədər Kamal Kılıçdaroğlunu görmürdüm. Daha sonra həyat yoldaşım qapını açdı, biz içəri girdik”.
Ev sahibi deyib ki, həmin an evə daxil olan Kamal Kılıçdaroğlu “qonağınız olmaq məcburiyyətində qaldıq, üzrlü sayın” deyib: “Onun evimə sığınacağını yuxumda belə görməzdim. Kamal bəy sonra həyat yoldaşımdan su istədi, xanımım da verdi. Təxminən 2 saat içəridə oturduq. Daha sonra jandarma gəldi. Onlardan sonra polis müdiri gəldi. Kamal bəy onları görəndən sonra rahatladı. Kamal bəydə hər hansı bir xəsarət görmədim”.
Ev sahibi daha sonra bildirib ki, bu hadisədən çox təsirlənib: “Daha sonra nazirlərimiz gəldi. Onlar da Kılıçdaroğlu ilə görüşdü. Kılıçdaroğlunun həyat yoldaşı da zəng etdi. Ondan sonra Kamal bəyi evdən çıxardılar”.
Doruk deyib ki, onlar doğru olanı ediblər: “Adətimizdə qonağı qapıdan geri qaytarmazlar. Biz doğru olanı etdik. İnsanlar bilməsə də, Rəbbim bilir. Şəhid bizim şəhiddir. Bir az sakitlik, anlayış və mehriban olmanı rica edirəm”.
Mübariz Mənsimov,
“Palmali” şirkətlər qrupunun prezidenti, media düşməni
“Palmali” şirkətlər qrupunun prezidenti, məşhur media düşməni Mübariz Mənsimov son zamanlar statuslarında hakimiyyətin və onun bir zamanlar əməkdaşlıq etdiyi məmurların əleyhinə sərt statuslar yazır. Hələlik “mən Heydər Əliyevin əsgəriyəm!” müsajları versə də, aydın olur ki, döyüşdüyü adamlar da elə Heydər Əliyevin əsgərləridir. Xural.com Mübariz Mənsimovu çox yaxşı tanıyır, amma onun səmimiyyətinə zərrə qədər də inanmır. Ancaq ictimai rəydə böyük ajiotajla qarşılandığına görə bu media düşməninin statusunu təqdim edirik:
“Bakıdan bir məmur zəng etdi ki, “qardaş, əla yazırsan, amma “like” qoya bilmirik, “like” edəni aparırlar, amma bil ki, çox bəyənirik”. Dedim, qardaş, mən özümü bəyəndirmək üçün bunları yazmıram. Kim istəyir, bəyənsin, kim istəmirsə, yox. Anlamıram: mən dövlətdən, prezidentdən yazıram? Həmişə qeyd edirəm ki, dövlətimin yanındayam, ulu öndər Heydər Əliyevin sadiq əsgəriyəm! Dövlətə qarşı yazanlara səs çıxarmayıb, hətta əl altından dəstəkləyənlər öz adları çəkiləndə narahat olurlar. Məni siyasi oyunlara qatmayın! Əl çəkin millətdən! Göstərişlər verdirirsiniz ki, məni insanlar pisləsin? Yazıqlar…
SOCAR-dan yazanda niyə çaxnaşma düşür? Saytlar dağıdılır, adamlar “Bandotdel”ə aparılır. Kimsiniz siz?! Rövnəq, ya da qulbeçələri dövlətdən üstündür? Nə özbaşınalıq edirsiz? Türkiyədə mənasız, qazancı yalnız trollarınızın cibinə gedən TV açana qədər Azərbaycanda bir TV açıb, kasıb jurnalistləri işə alsaydınız, dünya dağılardı? Qoy, həmin jurnalistlər tapşırığınızla əleyhimə yazaydılar, ancaq iş sahibi olaydılar. Onsuz da sizdən xeyir gəlməz. Həqiqətən, dərin quyu qazansınız. Çox dərin quyular qazırsınız. Amma bir gün özünüz ora düşəcəksiz, darıxmayın. Abdullayevlər, qohumları, Anar Əliyev, Adnan Əhmədzadə! İllik qazanc, sərvət və var-dövlətiniz satılsa, hər ay xalqın 1 illik qaz və elektrik pulunu ödəmək olar. Bəsdir dövlətdən oğurlayıb, xalqın cibinə girdiniz! Bir vaxtlar ortaq olduğum, oğru olduğunuzu gördükdən sonra ortaqlıqdan çıxdığım “SOCAR Trading”dəki oyunlarınızdan yazsam, bu dünyada özünüzə yer tapa bilməzsiz. Vaxtilə qapımda gözləyən Anar Əliyev indi lovğalanaraq deyir ki, “SOCAR Trading”i elə qurdum, belə qurdum. Mənim əlaqələrim olmasaydı, yerinizdən tərpənə bilməzdiniz. Dövlətin etimadından sui-istifadə edib, xalqımın sərvəti ilə özünüzə səltənət qurmusunuz. Elə həmin Adnan Əhmədzadə, bütün dünya sizin sərvətlərinizdən danışır. Maşın, şirkət, mülklərinizdən. Son 4 ildən bəri “Palmali”ni məhv etməyə çalışırsız. Alınmayacaq! Amma sizə bir təşəkkür borcum var. Sayənizdə satın aldığınız içimizdəki xainlər, çaqqallar ifşa olundu. Yaxşı ki, onlarla yollarımızı ayırdıq. İndi biz sarsılmaz qalayıq. Siz çox sərt qayaya rast gəlmisiniz. Bir daha deyirəm: qorxmayın!”
Xural.com
P.S. Yazıda adı çəkilənlərin də cavab haqlarını dərc etməyə hazırıq.
Zəlimxan Məmmədli
“Borçalı Cəmiyyəti”nin sədri
Yaddaş üçün işğal xronikası…
Son 200 ildə Azərbaycanı iki hissəyə böldülər. Güney Azərbaycan fars şovinizminin əsarəti altındadır. 1920-ci il 10 avqustda Naxçıvanın Şərur-Dərələyəz bölgəsi Ermənistana verildi. 1920-ci il noyabrın 30-da Zəngəzur Ermənistana verildi. 1988-ci ildə isə Göycədə, Dərələyəzdə, İrəvanda, Vedidə – indiki Ermənistan adlanan torpaqlarda yaşayan azərbaycan türkləri dədə-baba yurdlarından qovuldular. Dərbənd 1921-ci ildə Rusiyanın tərkibinə qatıldı, işğal edildi. Ermənistan ordusu tərəfindən Rusiyanın birbaşa dəstəyi ilə Dağlıq Qarabağ və ona qonşu olan 7 rayonu (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) işğal olundu. Tarix üçün çox da böyük olmayan zaman kəsiyində tarixi Azərbaycan ərazilərinin böyük hissəsi işğal edilmiş, bölük-bölük olmuşdur… Borçalı üzərində oyunlar oynanılması da zaman-zaman bu və ya digər formada təzahür etməkdədir.
Bölücü mərkəzlər və milli dirəniş
Müşahidələrimə görə əsas səbəb XIX əsrin əvəllərindən Azərbaycan türk milli kimliyinin bu coğrafiyada aparıcı olmasının istəməyən bir sistemin mövcudluğudur. Bu gün də həmin xətt aparıcıdır. Bu xəttin başında Rusiya (velikorus şovinizmi) – İran(fars şovinizmi), Erməni faktoru, onlarla iş birliyində olan qüvvələr durur. İki əsrdən çoxdur ki, Azərbaycan türklüyünün etnogenosidə məruz qalmasına baxmayaraq millətimizin genetik yaddaşı zaman-zaman dirəniş göstərməkdədir. Güneydə Səttarxan, Xiyabani, Pişəvəri hərakatları, Şimalda M.Ə.Rəsulzadə və Ə.Elçibəy hərakatı məhz türk ruhunun dirçəlişi, işğaldan qurtulmaq prosesi hesab oluna bilər. Son 200 ildə Azərbaycanda cəmi 4 il – 1918-20-ci illər, 1945-46 və 1992-93-cü illərdə türk milli iradəsi hakim olmuşdur ki, məhz həmin dövrlər Azərbaycan xalqı milli-demokratik islahatlar müəllifi, müsəlman Şərqi və Türk dünyasında demokratik reformalar müəllifi kimi tarixdə möhürünü vurmuşdur.
Türk zehniyyətini çökdürmək üçün düşmənlər səfərbərdir
Çağdaş zamanımızda milli ruhun öndə olduğu və zəfərləri yaşadığımız bir neçə nümunə göstərəcəm. 1992-ci ildə Azərbaycan Sambo Federasiyasının prezidenti seçildim. Sovetlər dönəmində SSRİ komandaları arasında 8-ci yerdən yuxarı qalxa bilməyən milli yığma komandanı dünyada ilk beşliyə çıxara, hətta Avropa çempionu edə bildik. Avropa Sambo Federasiyasının ofisini Bakıya gətirmək və komanda olaraq Dünya birincisi olmaq şansımızı isə naqisliklər və antitürk mərkəzlərinin ayıq düşməsi əngəllədi. Həmin dönəmdə əleyhimə səslənən qara piar tezislərinin “Borçalı Cəmiyyəti”nin zəfərləri dönəmindəki qarayaxmalarla eynilik təşkil etməsini də təsadüfi hesab etmirəm.
Borçalı türklərinin yolundakı əngəllər…
Uzun müddət durğunluqdan sonra “Borçalı Cəmiyyəti” 2009-cu ildən başlanan yeni dönəmə əvvəlki yanaşmadan tam fərqli proqram təqdim etdi. “Borçalı Cəmiyyəti”nin yeni dönəm uğurları əksəriyyətin diqqətini Borçalı türklərinə yönəldə bildi. Elat bayramı milli dastan kimi möhürünü vurdu. Hazırladığımız layihələr, təkliflər, qanun və dövlət proqramı layihələri, Borçalı türklüyünün Türk dünyasına tanıdılması istiqamətində “Borçalı Cəmiyyəti”nin uğurları mütləq anlamda milli maraqların qorunmasına və uğuruna hesablanmışdı. “Borçalı Cəmiyyəti”nin bu yüksəlişi də qeyd olunan mərkəzlərin maraqlarına cavab vermirdi.
Milli kimlik, inanc hər kəsin doğal haqqıdır. Bizi türklükdə, elçibəyçi, cəbhəçi, müxalifətçi, siyasətçi olmaqda ittiham edənlər də Türk millətinin düşmənlərinin hazırladığı tezislər idi. Dirənişimizin israrlı olduğunu dərk edənlər daha radikal, qeyri – hüquqi və qeyri – insani metodlara yer verdilər. Gürcüstana girişimizə yasaqladılar, Elat bayramının adının dəyişməsinə əl qoydular. “Borçalı” adlı müxtəlif təyinatlı qurumların və fəaliyyətin də təsadüfi olmadığı düşüncəsindəyəm. Əgər bu qurumlarda Borçalı elinin və mövcud təşkilatın güclənməsi hədəf deyilsə, əksinə onun yolunda, təşəkkülündə bir əngəldir.
Çağdaş siyasi tariximizə nəzər salaq…
Azərbaycan Xalq Hərəkatı on illərdir yığılmış enerjinin sıçrayışı, tarixi yaddaşın ədalətsizliklərə qarşı etirazının təzahürü idi. Azərbaycan xalqı təşkilat forması olaraq Azərbaycan Xalq Cəbhəsini qurdu, liderini, təbii seçimlə onun komandasını formalaşdırdı, öz milli hakimiyyətini qurdu, süquta uğradılmış M.Ə.Rəsulzadə ideyalarını yenidən aparıcı etdi. Bu dövr millətin ruhunun hakimiyyətdə olduğu qızıl dönəm idi…
Düşmən aydın görürdü ki, bu gedişlə Azərbaycan demokratikləşəcək, dünyada söz sahibinə çevriləcək, bütövləşəcək, Qarabağ düyünü açılacaq, Türk dünyasının mənəvi birliyi baş verəcək, Avroasiya zolağında yeni mənzərə yaranacaqdır. Məhz buna görə milləti lidersizləşdirmək, komandasızlaşdırmaq və təşkilatsızlaşdırmaq antimilli mərkəzlərin əsas hədəfi oldu. Bunun üçün 1992-93-cü illər ərzində Bakı şəhəri və onun ərtafında minlərlə muzdlu insan Elçibəy, milli hakimiyyət, AXC əleyhinə əks təbliğata səfərbər olundu. Bu prosesə muzdlu jurnalist ordusunun, eyni zamanda təşkilatdaxili siyasi qrupların stimullaşdırılmasını da əlavə etsək, mənzərə daha da aydınlaşar.
Azərbaycan insanını ictimai-siyasi proseslərdən uzaqlaşdırmaq, millin ruhu və mübarizə əzmini öldürmək, təşkilatın dayaqlarını sarsıtmaq, kənar güclər olmadan Qarabağ problemində pozitiv nəyəsə nail olmağın mümkünsüzlüyünü aşılamaq işğalçı mərkəzlərin əsas istəkləridir. “Millətimiz demokratiyaya hazır deyil” kimi tezislər də ideoloji –siyasi təxribat olmaqla inkişaf yolundan sapdırmağa hesablanan diversiyalardır. Son 26 ildə mövcud hakimiyyət və onlar yaxın mərkəzlər AXC, M.Ə.Rəsulzadə-Elçibəy yolunu yorulmaq bilmədən daşlamaları da bu sistemin tərkib hissəsinə bənzəyir.
Yekun çağrı
Uduzmağımızın kökünü genetik quruluşumuzda deyil, zehniyyətimizi və inkişaf yolumuzu işğal etmiş mərkəzlərdə aramaq lazımdır.
İlk növbədə təşkilatlanma və mövcud insanın azad düşüncəsi və gücünə arxalanan milli ruhlu təşkilatların qorunması milli vəzifəyə çevrilməlidir. İnsanları siyasətə, ictimai fəallığa təşviq edən maarifləndirici fəaliyyətə, alternativ, yeni təfəkkür daşıyıcısı olan ideoloji mətbu orqanlara, siyasi maarifləndirməyə ciddi ehtiyac var.
28 ildir ki, ərazi baxımından müstəqil dövlətik. Amma Xalqın ruhu hakim deyil. Bu vəziyyət belə davam edərsə, millət olaraq uduzacağıq və hətta müstəqilliyimiz təhdidlə daim üz-üzə olacaq.
Qonşu Gürcüstan nümunəsi var
Gürcü milləti öz inkişaf yolunu – Avrointeqrasiya, demokratik islahatlar yolunu müəyyən etdi. Gürcüstanın daxilində bütün millətlər, dinlər, qruplar bu nailiyyətdən payçıdırlar. Borçalı türkləri də ümumgürcüstan ailəsinin ayrılmaz parası olaraq sürətlə inkişaf etməkdə, özlərini daha aydın formada ifadə etməkdədirlər. Bu, həm də, Borçalı türklərinin gələcəyinin daha parlaq olması haqda optimist olmağımıza inam aşılamaqdadır. Bizlər də bir həqiqəti aydın dərk etməliyik: -Bütün problemlərimizin açarı öz əlimizdədir! Millətimizin iradəsinin məğlubedilməzliyinə inanmalıyıq. Həm də, inandırmalıyıq. Milli zehniyyətimizin işğaldan azad olunması hər kəsin namus məsələsinə çevrilməlidir.
“Borçalı Cəmiyyəti”…. Mütləq anlamda yaşamalı, qüdrətlənməli, hamı, yenə də hamı əl qoymalıdır…
Bu gündən etibarən Asiya.az saytı və onun rəhbəri Cəfər Cəfərov yeni bir kampaniyaya start verib.
Asiya.az xəbər verir ki, başlanan kampaniyanın adı “Məhkuma kitab payı” adlanır.
Belə ki, bir müddət əvvəl həbsdən çıxan baş redaktor Cəfər Cəfərov həbsxanada cəza çəkən məhkumların maariflənməsi məqsədi ilə onlara kitab göndərmək qərarına gəlib. Bu məqsədlə başlatdığı kampaniya çərçivəsində kitab həvəskarı olan hər kəsə müraciət edərək, ona yardım etməsini xahiş edib. Bununla bağlı sosial şəbəkələrdə müraciət yayımlayan baş redaktor yazıb: “Heç kəsin olmaq istəmədiyi və heç kəsində nə vaxtsa orada olacağından sğortalanmadığı bir məkan var – Cəzaçəkmə müəssisəsi. Orada bir çox əşya var ki, azad həyatda onları əldə etmək elə də çətin deyil. Bu əşyalardan biri, deyərdim ki, birincisi kitabdır.
Cəzaçəkmə Müəssisəsinin kitabxanaları çox kasıbdır. Kənardan kitab, qəzet, jurnal gətizdirmək isə müşkül məsələdir. “Asiya.az” xəbər portalı 6 saylı cəzaçəkmə müəssisəsində cəza çəkən məhkumların istəyi ilə “Məhkuma kitab payı” adlı sosial aksiya keçirir. Məhkumlar bir neçə yazıçı və şairdən imzalı kitablarını arzu edirlər. Onların istəyini nəzərə alaraq ədiblərin bəziləri ilə əlaqə saxladıq. Əlaqə saxladığımız ədiblərin çoxu təklifimizə müsbət reyaksiya verib, “Məhkuma kitab payı”nda iştirak edəcəklərini bildirdilər”.
Həmin müraciətdə deyilir ki, aksiyaya ilk qoşulan “Cənub xəbərləri” qəzetinin baş redaktoru Zahir Əmənov 70 və “Asiya.az” xəbər portalının baş redaktoru Cəfər Cəfərov isə 40 kitab hədiyyə edib. “Arzusunda olan hər kəs bu aksiyada iştirak edə bilər. Əlaqə üçün 0773002266 nömrəli telefonla əlaqə saxlaya bilər”.
Baş redaktor müraciətinin sonunda Z.Əmənovla özünün kompaniyaya hədiyyə etdikləri kitabların fotoşəklini paylaşıb.
Qulu Məhərrəmli
Sovet ideologiyasının alovlu çarçısı, kommunist xalq şairini bolşevizmin qatı düşməni olan M.Ə.Rəsulzadənin məzarı üstünə nə gətirmişdi?
Yazının sərlövhəsi sizi çaşdırmasın. Bəli, şeirlərindən sosializmin acı şirəsi daman, bütün yaradıcılığı boyu marksizm-leninizm ideologiyasını sevə-sevə nəzmə çəkmiş Süleyman Rüstəm bu ideologiyanın düşməni, sovet sistemini tarixin ən qanlı, ən istibdad rejimi adlandırmış Məhəmməd Əmin Rəsulzadənin Ankaradakı məzarını ziyarət edib. Özü də nə vaxt? Sovet dövlətinin qılıncının dalı-qabağı kəsdiyi, hələ dünyaya meydan oxuduğu 1968-ci ildə. Bu, həmin dövr idi ki, S.Rüstəm sovet Azərbaycanında mötəbər söz sahibi, respublika Ali Sovetinin deputatı, xalq şairi, rejimin inandığı kommunist əqidəli şair idi. Məktəblərdə onun Lenin və sosializm haqqında poetik ricətləri əzbərlənirdi, 7 noyabr və 28 aprel kimi bayram günlərində S.Rüstəmin aşağıdakı ruhda olan pafoslu şeirləri rəsmi qəzetlərin birinci səhifələrini bəzəyirdi:
Ömrüm, günüm, səadətim Oktyabr yaşındadır,
Partbiletim sol cibimdə, ürəyimin başındadır…
* * *
Sovet dövrünün çox populyar nəşrlərindən olan “Vokruq sveta” jurnalında baş redaktor müavini vəzifəsində çalışan tanınmış jurnalist Azad Şərifov o vaxtkı Azərbaycan rəhbəri Vəli Axundovun köməkliyi ilə “İzvestiya” qəzetinin Türkiyə, İran və Əfqanıstan üzrə xüsusi müxbiri təyin olunur. Sovet dövründə xaricdə çalışan ilk azərbaycanlı müxbir Ankarada fəaliyyətə başlayandan qısa müddət sonra Azərbaycan siyasi mühacirləri, onların övladları, o cümlədən Atatürkün dostu olmuş Əhməd bəy Ağayevin oğlu, yazılarında sovetlərə nifrətini gizlətməyən “Cümhuriyyət” qəzetinin nüfuzlu icmalçısı Səməd Ağaoğlu ilə münasibət qurur. Şərqdə ilk parlamentli respublika barəsində, bolşevik Rusiyasının işğal etdiyi müstəqil Azərbaycan dövləti, onun qurucuları, o cümlədən həmin Cümhuriyyətin banisi Məhəmməd Əmin Rəsulzadə haqqında qiymətli məlumatlar toplaya bilir. O illərdə xeyli riskli olsa da Rəsulzadənin Əsri məzarlığındakı qəbrini ziyarət edir…
Azərbaycanlı jurnalistin mühacirlərlə əlaqəsi, o cümlədən Rəsulzadənin qəbrini ziyarət etməsi barədə tezliklə Ankaradakı sovet səfirliyinə məlumatlar daxil olur, çünki bu qurumun işçiləri hər kəsi rahatca güdə bilirdilər. Ona görə də səfirlik başqa bir azərbaycanlı, həmyerlimiz baş konsul Arif Heydərov (sonralar Azərbaycanın daxili işlər naziri olmuş və vəzifə başında qətlə yetirilmişdi — red.) vasitəsilə A.Şərifovu xəbərdar edir ki, mühacirlərlə əlaqələrini davam etdirə bilər, amma Əsri məzarlığına ayağı dəyməməlidir.
Çox sonralar A.Şəriifov özü bu barədə yazırdı ki, Arif Nəzər oğlu qısa müddətdə səfirliyin ən nüfuzlu, ən hörmətli əməkdaşına çevrilmişdi. Türklər ona “Siz” deyə müraciət edirdilər. Mənim də xatirimi istədiyindən bir gün evlərinə söhbətə çağırdı və bildirdi ki, əslində sənin gördüyün işlərdə bir qəbahət də yoxdur, çünki nə diplomatsan, nə də siyasətçi. Sonra da Rəsulzadənin İkinci Dünya müharibəsi illərində həyatını riskə ataraq azərbaycanlı əsirlərin çoxunu ölüm düşərgəsindən xilas etməsi barədə xeyli danışdı. Axırda sözünün canı bu oldu ki, heç bir halda Bakı turistlərini Rəsulzadənin məzarının üstünə aparma, yoxsa bütün Ankaraya xəbər yayılacaq və sən xoşagəlməzliklərdən yaxa qurtara bilməyəcəksən. Beləliklə, A.Şərifov baş konsula səmimi-qəlbdən söz verir ki, “partiya” tapşırığına əməl edəcək.
“İzvestiya”nın xüsusi müxbiri bir müddət baş konsula verdiyi sözü tutur, amma 1968-ci ilin payız günlərində vədini pozmalı olur. Onu bu davranışı pozmağa bir qrup sovet mədəniyyət və incəsənət xadimi ilə Ankaraya səfərə gəlmiş xalq şairi Süleyman Rüstəm təhrik edir. Elə səfərin birinci günü axşam şair uşaqlıqdan tanıdığı Azad Şərifova yaxınlaşaraq ərklə onu “novxanılının” məzarı üstünə aparmağı xahiş edir. Təbii ki, o, xahişdən imtina etməyə çalışır və hətta deyir ki, məzarın yerini bilmirəm. Şair bir az da ərklə uşaqlıq dostuna “fikrin nədir, istəyirsən, Bakıya qayıdanda məni Novxanıya buraxmasınlar?” deyə xahişində təkid edir. Belə razılaşırlar ki, qrup sabah günorta istirahət üçün otelə qayıdanda A.Şərifov şairi qarşıdakı bağın yanında taksidə gözləyəcək.
Ertəsi gün vədələşildiyi kimi qrup otelə qayıdanda S.Rüstəm “bir az hava almaq” bəhanəsi ilə oteli tərk edib qarşı tərəfdəki bağa üz tutur. Onu gözləyən taksiyə əyləşir və iki azərbaycanlı “Əsri” məzarlığına yola düşür. Azad Şərifov məzara gedən ensiz yolu yaxşı tanıyırdı, həmin yolu ot basmamışdı, odur ki, azacıq irəliləyib mərmər plitənin üstündə “Bir kərə yüksələn bayraq bir daha enməz”, bir qədər aşağıda isə “İnsanlara hürriyyət, millətlərə istiqlal” sözləri yazılmış sehirli cazibəsi olan qəbirə çatırlar.
Ətrafda qəribə bir sükut və hüzn vardı. Heç birisi danışmırdı. Xalq şairi hədsiz həyəcanlı idi, üzünə dərin bir kədər çökmüşdü, gözləri nəmlənmişdi, əlləri əsə-əsə bir siqaret çıxarıb yandırır… Həmin anlarda Süleyman Rüstəmin nələr düşündüyünü, ürəyindən nələrin keçdiyini, içində hansı hisslərin kükrədiyini, hansı mənəvi burulğanlara düşdüyünü söyləmək çətin idi…
Azad Şərifov uşaqlıq dostunun taqətdən düşmüş adamlar kimi dizlərini yerə qoyub çökdüyünü görüb məzardan bir qədər uzaqlaşdı, uzaqlaşsa da xalq şairinin ətrafa yayılan hönkürtüsünü aydın eşidirdi…
* * *
Azad Şərifov bu epizod barədə “Əsri” məzarlığına gedən yolu ot basmamışdı” adlı yazısında ( “Zerkalo”, 24 may 2003) epizodik söhbət açıb, amma təfsilatı ilə də danışıb. Bütün hallarda kommunist xalq şairinin M.Ə.Rəsulzadənin məzarını ziyarət etməsi maraqlı faktdır və hərə bunu bir cür yoza bilər. Məncə, burada təkcə “Novxanı” amili rol oynamır. Süleyman Rüstəm deyirmiş ki, Rəsulzadəni uşaqlıqda görüb və şəxsən uşaqlıqdan tanıyırmış. Tanıyırmışsa, deməli, onun siyasi kimliyini də bilirmiş… Bəlkə partiya şairi gəncliyində yazdığı alovlu inqilabi şeirlərinə görə peşman imiş. Bəlkə “Təbrizim”, “Ana və poçtalyon” kimi incilər yaratmış bir qələm sahibi, sözün həqiqi mənasında Rəsulzadənin böyüklüyünü və özünün qəbahətlərini duyurmuş. Kim bilir…
Dostlardan biri deyir ki, S.Rüstəm o qədər çox yaşadı ki, yaddaşlarda yaxşı adam kimi qaldı. Uzun illər radioda çalışmış başqa bir dostumuz xatırlayır ki, şairin evinə müsahibə almağa gedəndə soruşdum ki, 28 Aprel, 9 May, 7 Noyabr kimi bayramlar gələndə hansı hissləri keçirirsiniz? Şair deyib ki, bunu yazma, amma deyim ki, qorxu hissi keçirirəm. Ona görə qorxuram ki, bu bayramlar yaxınlaşan kimi qəzetlər yeni şeir yazmağı sifariş edirlər. Eyni mövzuda nə qədər şeir yazmaq olar, axı?!
Əlbəttə, qorxular müxtəlif rənglərdə olur. Ən qatı rəngdə olan qorxu isə yaradıcı adamın yaşadığı mühitdən asılı olmayaraq içindən ikiləşməsidir. Çox fəlakətlər, dəyərlərin və şəxsiyyətin itməsi də bu ikiləşmədən başlayır. İkiləşmə adamı çox yerlərə aparıb çıxara bilir. Süleyman Rüstəmin bəxti onda gətirmişdi ki, ikiləşmə onu layiqli bir məkana — bir dahinin məzarı üstünə aparıb çıxarmışdı…
Oktay Gülalıyev,
Hüquq müdafiəçisi
Dünən və bu gün Sabunçu rayon məhkəməsində Gəncə hadisələri ilə bağlı 2 qrupun- 18 nəfər təqsirləndirilən şəxsin məhkəmə prosesi baş tutdu. Əvvəl olduğu kimi bu dəfə ki məhkəmə prosesləri də gərgin və çoxsaylı qanun pozuntuları ilə keçirildi…
Məhkəmədə sərbəst ifadə verən Kəpəz rayon polis şöbəsinin Cinayət Axtarış bölməsinin əməkdaşları və digər polislər öz ifadələrindən açıqca qeyd etdilər ki, 10 iyul 2018-ci ildə Gəncədə İcra hakimiyyətinin inzibati binasının qarşısında qanunsuz mitinq və işğişaşların ola biləcəyinə dair rəhbərlik tərəfindən onlara öncədən məlumat verilib, lazımi təlimatlandırma işləri aparılıb. Polis şöbələrində gücləndirilmiş iş rejimi elan olunub, polis heyəti hazır vəziyyətə gətirilib. Amma həmin gün bütün silahlar, hətta xidməti tabel silahlar da polislərdən alınıb (!?). Polis polkovniki İlqar Balakişiyev və Səməd Abbasov qətlə yetirilərkən polislər bildirdi ki, onlardan 70-100 metr kənarda olublar və fakti olaraq onları meydana tək, silahsız buraxıb köməksiz qoyublar. Çox maraqlıdır ki, 2 polis əməkdaşının öldürüldüyü, birinin yaralandığı hadisə zamanı qatil Rəşad Böyükişiyev əlində xəncər 100-lərlə polisin yanından sərbəst şəkildə hadisə yerindən çıxıb gedib. Polislər onu və digər hadisə iştirakçılarını – hansı ki, onlar indi həbsdədir- niyə onları hadisə yerində həbs etməyiblər və ya buna cəhd göstərməyiblər?
Digər tərəfdən necə ola bilir ki, həmin gün meydanda 50-dən çox şəxs iğtişaş törətməkdə, polisə daş-kəsək, dəyənək atmaqda ittiham olunur, amma heç bir polis əməkdaşı həmin gün xəsarət almayıb? Niyə polis polkovniki İlqar Balakişiyev və Səməd Abbasov meydana tək və köməksiz vəziyyətdə buraxılır? Niyə mitinq və iğtişaşların olacağını öncədən bilən Gəncə Polis İdarəsinin 100-lərlə əməkdaşı polis polkovniki İlqar Balakşiyevi və Səməd Abbasovu əlində bıçaq olan bir nəfərdən qoruya bilmir və ya qorumağa lazımi səviyyədə cəhd etmir? Verilən ifadələr və hadisənin hazırlanan ssenarisi daha çox o təəssüratı yaradır ki, ölən polis əməkdaşları bu hadisələr zamanı sanki bilərəkdən və ya bilməyərəkdən qurban verilib…
Verilən ifadələrə görə hadisənin qızışma səhnələrindən biri qaşıdurmadan öncə bəzi çarşablı qadınların polislərə qab- qacaq və çaynik atması olub. Maraqlıdır, hadisə yerində olmayanlar həbs olunub Cinayət Məcəlləsinin 23 maddəsi ilə ittiham olunduğu halda hadisə yerində təxribat yaradan, xuliqanlıq edən həmin qadınlar və ya qadın paltarı geyinmiş şəxslər niyə məsuliyyitə cəlb olunmayıb? Onları ora kim göndərib?
Maraqlıdır, məhkəmədə ifadə verən polislərin əksəriyyəti İlqar Balakişiyevin və Səməd Abbasovun bıçaqlandığı səhnəsini görmədiklərini bildirir, zalda əyləşən təqsirləndirilən şəxsləri hadisə yerində görmədiklərini və tanımadıqlarını bildirirdilər. Belə olan halda sual yaranır; hadisə yerində görmədiyin və tanımadığın adamlara qarşı necə ifadə verib şikayətçi ola bilərsən? Bu sualı vəkillər məhkəmədə versə də hakim sualı protokoldan çıxardı (!?).
Məhkəmədə verilən sərbəst ifadələr, çəkişmələr və müzakirələr onu göstərir ki, həqiqətən 10 iyul Gəncə hadisəsinin özü və onunla bağlı tərtib olunan İttiham Aktı saxta və quramadır…
Elmir Hüseynzadənin və digər təqsirləndirilən şəxslərin məhkəmə prosesində ictimai təpki və vəkillərin israrından sonra hakim həbs olunan şəxslərə verilən işgəncələrin araşdırılması ilə bağlı vəsatəti qəbul etdi. Araşdırılıb hüquqi qiymət verilməsi üçün prokurorluğa göndərdiyini bildirdi.
Məsələnin görünən tərəfi odur ki, “Gəncə işi” ilə bağlı məhkəmə prosesi getdikcə, ictimai təpki artıqca həm hadisələrin baş vermə səbəbləri tam aydınlaşacaq, həm də İttiham Aktının saxta və qurama olduğu büs- bütün sübuta yetiriləcək.
Biz xeyli fərqli adamlar idik. Xasiyyətimizin ən oxşar cəhəti, bəlkə, sentimentallığımızdı, onu da xarakter cizgisindən çox yaş əlaməti hesab edirəm, çünki əvvəllər şəxsən mənim gözlərim belə yaşarmazdı. Neynim, ömür yolu qısaldıqca əvəzsiz itkilər artır.
Son iki ildə daha çox görüşdüyüm, vaxt keçirdiyim, səfərə çıxdığım adamlardan idi Rövşən Almuradlı.
Yoldaşlığımız onun gözlənilməz zəngindən başladı. “Yalama”nı oxudum, filmini çəkməsəm, ölərəm”. Beləcə də dedi. Vaqif Gərayzadə ilə povest əsasında film yox, tamaşa üçün hazırlıq gördüyümüzü söylədim. Teatrın adını eşidəndə lap gerçəklədi. Üçlükdə işi davam etdirdik. Hazırlıq bitdi, büdcə razılaşdırıldı, aktyor heyəti, səhnə seçildi. Tamaşa Cümhuriyyətin 100 illiyinə həsr olunmuş yubiley tədbirinə çatdırılmalıydı, amma məşqlər gecikirdi: sifarişçi müqaviləni uzadırdı. Arada Rövşən bəy telefonda haray çəkirdi: “Öldüm axı-ı…” Tədbirə bir ay qalanda bu xülyadan əlimizi üzməli olduq.
Bax onda Sumqayıt Dramasının yanındakı parkın çayxanasında bizim uzun söhbətimiz oldu. Rövşən bəy illərdir ona tamaşa, film verilmədiyindən, yaradıcı işdən kənarda qoyulduğundan yanıqlı-yanıqlı danışdı. Mən Pluçekin, Ədil İskəndərovun tələbəsi olmuş, 23 yaşında Kral Liri oynamış, “Yük”, “Cavad xan” kimi filmlər çəkmiş, “Dəyirman”, “Qətl günü”, “Ölüləri qəbristanlıqda basdırın”, “Yaşlı xanımın gəlişi” kimi tamaşalar ərsəyə gətirmiş bu gözəl rejissorun haqqını danmasam da, bütövlükdə mövqeyini qəbul etmədim. “Sənətkar kiminsə nəsə verəcəyini, istedad nə zaman ona meydan açılacağını gözləməməlidir, qabağı kəsiləndə özünə yol tapıb pırtlamalıdır”,- dedim. Misallar gətirdim, amma düşdüyümüz vəziyyətdə fikrimin inamlı səslənmədiyini görüb bir az barıtını artıq elədim: “İstəyirsən, özümüz “Yalama”nın filmini çəkək?”
Geri durmağın yeri yox idi: söz ağızdan çıxmışdı. Ssenari yazdım, prodüser də tapıldı, texnika da, vəsait də. Cəmi iki-üç aydan sonra biz Xaçmaza, Tiflisə, Ankaraya, Moskvaya ardıcıl çəkilişlərə çıxırdıq: heç kimin nə sifarişinə, nə təsdiqinə ehtiyac hiss etmirdik. Rejissor Rövşən Almuradlı getdikcə məndən çox fəallıq göstərirdi, hətta təşkilati işlərdə də qabağa düşürdü: Türkiyə hökuməti ilə danışıqları o aparırdı, Rusiya səfərini özü düzüb-qoşurdu…
Paralel olaraq, əlimizdəki iş bitməmiş, gələcəyə plan qururdu, görürdüm ki, beynində nəsə bişirir.
— Ədil İskəndərovun tələbəsi olduğum vaxtlarda ondan mümkün qədər çox öyrənməyə çalışırdım, — biz Yalamadan qayıdan günü Rövşən bəy maşında ürəyini açdı. – Dördüncü kursda oxuyurdum, 75-ci il idi. Bir dəfə yaxınlaşdım, dedim, olarmı evə gedəndə sizi ötürüm? “Qadam, — dodağını büzdü, — mən qızam ötürəsən?” Pərt halda geri döndüm. Sonra özü çağırtdırdı. “Evə gedirəm, — dedi, — bəs ötürmürsən?” Düz iki il axşamlar Ədil müəllimə yol yoldaşı oldum, söhbətlərinə qulaq asdım. Danışdığı bir əhvalat heç yadımdan çıxmır. “Vaqif” tamaşasının premyerasından əvvəl şəhərdə səs yayılır ki, Səməd Vurğun şah Qacar obrazında Mircəfər Bağırovu nəzərdə tutub, Ədil İskəndərov da indi bunu səhnəyə çıxarır. Söhbət 1938-ci ildən, repressiyaların qızğın vaxtından gedir ha!!! Məsələni ayırd etmək üçün Bağırov Siyasi Büronun tamaşaya qapalı baxışını keçirir. Sən təsəvvür elə: zalda MİRQƏZƏB, səhnədə Qacar rolunda “qan-qan” deyən Sidqi Ruhulla, səhnənin arxasında hökm gözləyən Səməd Vurğunla Ədil İskəndərov, teatrın qarşısında isə NKVD-nin adamları gedər-gəlməzə daşıyan qara “voronok”u!!! Nələr gəlir başlarına!!! “Sənətkar və zaman” mövzusunda nə qədər sualın cavabı var bu əhvalatda!
— Təsəvvür eləyirəm…
— Ədil müəllimə əhd borcum qalıb. Dünya ölüm-itim dünyasıdır, gəl həmin söhbəti danışım, sən yaz, mən film çəkim. Bilirsən, nə olacaq!!!
— Tutaq ki, mən yazdım. Bəs filmi necə çəkəcəksən? Burda daha, “Yalama”dakı kimi, məni rəssam yerinə də, aktyor əvəzinə də işlədə bilməyəcəksən. Bunun bir yığın kollektivi, dekorasiyaları, geyimləri, bir aləm xərci var.
— Sən yaz, qalanını özüm həll edəcəm.
Bu, atrıq Sumqayıt Dramının yanındakı çayxanada taledən şikayətlənən Rövşən Almuradlı deyildi. O, yeni bir enerji, inadla sənətə qayıtmışdı! Qarşısında heç bir maneə duruş gətirə bilməzdi!
Mən “Sənət əbədidir, ömür amanat” adlandırdığım ikinci sənədli povestimi yazıb çapa verənə qədər Rövşən bəy “Əsgərlər unudulanda ölürlər” filmini yekunlaşdırdı, onu Bakıda premyeraya hazırladı, eyni zamanda beynəlxalq festivallara göndərdi, mayda Ankarada təqdimat üçün dəvətnamə aldı. Arada Qarabağ köçkünlərindən kiçik bir ssenari də yazdı, onun əsasında “Səs” adlı kinonovellanın çəkilişi üçün “Azərbaycanfilm”lə müqavilə imzaladı və bir gün qabağımı kəsdi.
— Ədil müəllim haqda filmin ssenarisi lazımdır. Təcili. Üç nüsxədə.
— Nə vaxta? Hələ heç kitab çıxmayıb.
— Sabah səhərə.
— Mümkün deyil.
— Mümkünsüz heç nə yoxdur. Getdik sizin bağa. Orda işləyərik.
Gecə Rövşən bəy qoltuğunda üç nüsxə ssenari sağollaşıb çıxdı və ertəsi gün zəng vurub “Yaxın vaxtlarda müjdə alacaqsan”, — dedi…
İndi mən “Sənətkar kiminsə nəsə verəcəyini, istedad nə zaman ona meydan açılacağını gözləməməlidir, qabağı kəsiləndə özünə yol tapıb pırtlamalıdır” söyləyəndə bəzən hətta dostların etirazı ilə üzləşirəm. Tanışlardan isə qaşlarını yuxarı dartıb şübhə ilə baxanlar olur: “Deyəsən, bu da…”. Mədəniyyətə, sənətə dövlət qayğısı, əlbəttə, bütün dövrlərdə lazımdır. Ancaq sənətkar özünü həmin qayğıdan asılı hiss etdikcə, “qayğıyla” fərdi yaradıcılıq imkanları arasında mütənasibliyə alışdıqca, azadlığı daralır. Son nəticədə isə SƏNƏTƏ ən böyük zərbəni, bilirsinizmi, nə vurur? Sənətkara qayğısızlıq yox, onun azadlığının məhdudlaşdırılması. Mən belə düşünürəm və təhlükədən uzaqlaşmağın yeganə yolunu daxili azadlığa dayanmaqda, tək ona arxalanmaqda qörürəm.
Ağır xəstəlikdən, illərin durğunluğundan sonra Rövşən bəy azad sənətkar həyatının ritmini tutmuşdu. Bir tərəfdən, Elçin Şıxlını rahat qoymurdu ki, “Ölən dünyam”ın çoxdan hazır olan ssenarisini gətir, filmi danışmışam. O biri tərəfdən məni tələsdirirdi. Üçüncü yandan “Azərbaycanfilm”də işə başlamışdı. Eyni zamanda “Yalama” bədii filmi haqqında düşünürdü və kifayət qədər iri həcmdə ilkin kapital tapılmışdı (Gəray Əlibəyli şahiddir). Hələ iki başqa mövzunu da gözaltı eləmişdi: biri Qarabağ müharıbəsindən qayıtmış gəncin əvvəlki həyata uyğunlaşa bilməməsi haqda təsirli əhvalat idi, digərini – 1920-ci il Gəncə üsyanını — mən yazmağa başlamışdım.
Bircə vaxtsız ölümə çarə bula bilməzdi Rövşən bəy. Ancaq onu da nəzərə almışdı. Facebook səhifəsində yanvarın 30-da yazdığı bir statusu qalıb:
Mən bu dünyaya bir də gələcəm!
Fələklə döyüşüm bitməyib hələ!..
Axırıncı görüşlərimizdə həmin misraları tez-tez təkrar edirdi. Hər dəfə də xoş söz eşitmək istəyi ilə soruşurdu:
— Nətəri demişəm!!!
Yaxşı demisən, Rövşən bəy, gözəl demisən. Və söz vermisənsə, gələcəksən. Amma bir məsələ var ki, sən hərlənib-fırlanıb bu dünyaya bir də qayıdanda, yəqin, biz buralarda olmayacağıq. Tapşırdığın ssenarilərdən çatdırmadıqlarımı yazıb hazır qoyacam. Çəkərsən. Fələklə döyüşünü bitirərsən.
Sərhədsiz Reportyorlar (RSF) Təşkilatı 2019-cu il Dünya Mətbuat Azadlığı İndeksini açıqlayıb.
Bu indeks hər il 180 ölkə və ərazidə jurnalistikanın durumunu dəyərləndirir. Qurum bir çox ölkələrdə siyasi liderlərin jurnalistlərə ifadə etdiyi düşmənçiliyin tez-tez ciddi zorakılıq forması aldığını, jurnalistlər üçün qorxu və təhlükəni görünməmiş həddə qaldırdığını bildirir.
Azərbaycan 180 ölkə içində 166-cı yeri tutub.
“Prezident İlham Əliyev plüralizmin bütün formalarını əzməklə kifayətlənməyib, 2014-cü ildən bəri olub-qalan media tənqidçilərinə qarşı amansız müharibə aparır. Müstəqil jurnalistlər və bloqerlər qısnama, döyülmə, şantaj və rüşvətə boyun əyməyincə absurd ittihamlarla həbs olunurlar. Zerkalo və Azadlıq qəzetləri kimi müstəqil media iqtisadi baxımdan boğulub. AzadlıqRadiosu zorla bağlanıb. Əsas müstəqil xəbər vebsaytları bloklanıb. Mühacirətdə müqaviməti davam etdirənləri susdurmaq üçün hakimiyyət onların Azərbaycandakı ailə üzvlərinə təzyiq göstərir. Rejim Gürcüstan və Ukraynada jurnalistləri həbs etdirməklə, Fransada məhkəməyə müraciət etməklə repressiyasını ixrac edib. Rejim yalnız təzyiq altında geri çəkilə bilər – belə bir təzyiqə həmişəkindən daha çox ehtiyac var”, RSF qeyd edir.
Rəsmilər hələlik, bu indeksə münasibət açıqlamayıblar. Hakimiyyət təmsilçiləri həmişə ölkədə mətbuat azadlığının tam təmin olunduğunu, heç bir jurnalistin peşəsinə görə təqibə məruz qalmadığını deyirlər.
Şərqi Avropa və Orta Asiya regionu indeksdə axırdan ikinci yeri tutur, yəni illərdir olduğu mövqeyini qoruyub saxlayır. Bu region ölkələrindən yarıdan çoxu indeksdə 150-ci yerə yaxın, yaxud ondan aşağıda qərarlaşıblar.
Təşkilat qeyd edir ki, Rusiya və Türkiyədə müstəqil media orqanlarının təqibi davam edir.
“Türkiyə dünyada peşəkar jurnalistlərin ən çox həbsdə olduğu ölkədir. Həm də yeganə ölkədir ki, Cənnət Sənədləri (Paradise Papers) ilə bağlı reportajlarına görə jurnalist mühakimə olunub”, təşkilat bildirir.
Ermənistan 9 pillə irəliləyərək 61-ci yeri tutub. Bu ölkədə “məxməri inqilab”dan sonra hökumətin dövlətə məxsus media üzərində nəzarətinin yumşaldığı bildirilir.
Gürcüstan isə 60-cı yerini qoruyub saxlayıb. Bu ölkədə medianın müstəqil, ancaq xeyli qütbləşmiş olduğu vurğulanır.
“2017-ci ildə Tbilisidə azərbaycanlı dissident jurnalist Əfqan Muxtarlının oğurlanması ilə bağlı aparılan təhqiqat hələ ki, ortaya inandırıcı nəticələr qoymayıb. Muxtarlının sirli şəkildə oğurlanması və daha sonra Azərbaycanda həbsi gürcüstanlıları sarsıdıb. Axı, bu ölkə adətən qonşuları üçün adətən bir sığınacağa çevrilmişdi”, RSF bildirir.
İran dünyada jurnalistləri ən çox həbs edən ölkələrdən biridir, 170-ci yerdə qərarlaşıb.
Bir çox avtoritar rejimlər indeks üzrə geriləyiblər. Venesuela beş pillə geriləyərək 148-ci, Rusiya isə bir pillə düşərək 149-cu olub. Kremlin müstəqil media və internetə təzyiqi gücləndirmək üçün həbslərdən, qanunsuz axtarışlardan, məhdudlaşdırıcı qanunlardan istifadə etdiyi bildirilir.
“Jurnalistlərin təqibi zamanı zorakılıqdan istifadənin artıq hüdudu yoxdur. Ötən oktyabrda səudiyyəli yazar Camal Xaşokçinin İstanbuldakı Səudiyyə konsulluğunda qətli Səudiyyə Ərəbistanının (172-ci yer) sərhədlərindən çox-çox uzaqlarda jurnalistlərə üşüdücü mesaj göndərdi. Sağ qalmaq qorxusu regionda bir çox jurnalistlərin özünə senzura qoyması, yaxud yazmağı tamam atmasıyla sonuclanıb”, Sərhədsiz Reportyor Təşkilatı bildirir.
Vyetnam (176), Çin (177), Eritrea (178), Şimali Koreya (179) və Türkmənistan (180) qərarlaşıb.
Norveç artıq üçüncü ildir birinci yeri tutur. İkinci yerdə Finlandiya gəlir. Bu ölkədə mütəşəkkil cinayətkarlığı araşdıran iki jurnalist daimi polis qoruması altında yaşayır. Kiber qısnamanın artması nəticəsində İsveç üçüncü yerə düşüb. Dördüncü yerdə Niderlanddır.
amerikaninsesi.org
Perunun keçmiş prezidenti Alan Qarsianın intihardan əvvəl məktub yazdığı xəbər verilib.
“Reuters” agentliyi bildirir ki, ailəsinin iddiasına görə Qarsia bu məktubda özünü siyasi düşmənlərinin qarşısında alçalmamaqdan ötrü öıdürdüyünü yazıb.
Qarsia aprelin 17-də polis onu həbs etmək üçün evinə gələndə güllə ilə özünü vurub. O Braziliyanın “Odebrecht” tikinti şirkətindən rüşvət almaqda ittiham edilirdi və polis onu bu ittihamla bağlı həbs etməliydi.
“Odebrecht” şirkəti bütün Cənubi Amerika boyunca böyük korrupsiya qalmaqalına səbəb olub. Qarsiyadan başqa bu şirkətdən rüşvət almaqda daha üç keçmiş Peru prezidenti ittiham olunur.
Qarcia intihardan əvvəl ona qarşı ittihamların siyasi qisas olduğunu bəyan etmişdi.
“Reuters” bildirir ki, intihar məktubunun Qarsia tərəfindən yazılması müstəqil mənbə tərəfindən hələlik təsdiq edilməsə də, onun qızı Lusiana Qarsia bu məktubu atasının APRA partiyasının keçirdiyi xatirə mərasimində oxuyub: “Mən alçaldılmağıma yol verməyəcəyəm. Mən başqalarının qandallı şəkildə ortalıqda gəzdirilməsinin, miskin bir həyata düçar edildiyinin şahidi olmuşam. Lakin Alan Qarsianın bu ədalətsizliklərin iztirabını çəkməsinə ehtiyac yoxdur”.
Məktubda daha sonra deyilir:“Bu səbəbdən də övladlarıma qərarlarımın ləyaqətliyini qoyub gedirəm. Dostlarıma qürurumu, düşmənlərimə isə nifrətimin ifadəsi kimi cəsədimi qoyub gedirəm”.
“Reuters” yazır ki, bu məktub “Odebrecht” təhqiqatının Perunun və bütün Latın Amerikasının siyasi həyatında necə dərin bir parçalanma yarandığını nümayiş etdirir.
“Odebrecht” işini aparan Peru prokurorları bildiriblər ki, onlar Qarsianın həbsi üçün əsas verən kifayət qədər dəlil toplaya biliblər. Lakin Qarsia sağlığında ona qarşı ittihamların heç birini qəbul etməyib və istintaqın siyasi motivli olduğunu söyləyib.
Keçmiş prezidentin məktubunda daha sonra deyilir:“Əksəriyyətin inandığı bu şayiələr və niftrət zəmanəsində…mən bu istintaqlardan həqiqətin üzə çıxarılması üçün yox, adamların alçaldılması üçün istifadə edildiyini çox görmüşəm”.
Bu təhqiqatın aparılmasına sərəncam vermiş Peru prezidenti Martin Vizcarra mərhumun ailəsinə onun üçün keçmiş prezident kimi dövlət dəfninin keçirilməsini təklif edib.
Lakin Qarsia ailəsi Vizcarranın təklifini rədd edib və bildirib ki, keçmiş prezidentin dəfn mərasimində yalnız onun ailə üzvləri və ən yaxın dostları iştirak edəcəklər. Siyasi şərhçilər bildirirlər ki, Qarsianın intiharı Vizcarra hökuməti ilə əksəriyyətini sağ təmayüllü siyasilər təşkil edən parlament arasında qarşıdurmanı daha da gücləndirəcək.
İranın qərbində yerləşən Şərqi Azərbaycan vilayətinin Vərzəqan rayonunda güclü qar nəticəsində 60-dan çox kəndlə əlaqə yolu bağlanıb.
Bunu İSNA-ya açıqlamasında İranın Şərqi Azərbaycan vilayəti Vərzəqan rayonu yol idarəsinin rəisi Cabir Həbibi deyib.
C.Həbibinin sözlərinə görə, rayonun Xarvana bölgəsində qarın hündürlüyü 40 santimetrdən çoxdur.
Həbibi əlavə edib ki, qar yağışı qışda yağan qara bənzəyir: “Rayonun əsas yolları açıqdır. Kənd yollarının açılması üçün qarın təmizlənməsi əməliyyatı sürətlə davam edir”.(Trend)
Səbail rayon İcra Hakimiyyəti başçısının müavini Xalidə Bayramova 162 saylı məktəbin şagirdi Elina Hacıyevanın ölümündə onu ittiham edənlərlə bağlı açıqlama yayıb.
Xural.com xəbər verir ki, o, Meydan TV-yə yazılı açıqlama göndərib.
Həmin açıqlamanı təqdim edirik:
“Bir sıra səbəblərdən, cəmiyyətimizi silkələmiş və ciddi narahat edən Elina Hacıyeva ilə bağlı faciəvi hadisəyə cəlb olunmuş durumdayam. Çox acı həqiqətdir ki, uşağı qaytarmaq mümkün deyil və buna görə onun bütün yaxınlarına və dostlarına səmimi qəlbdən başsağlığı verirəm. Bugünə kimi dövlət məmuru və məsul şəxs olaraq hər hansı bir açıqlamadan və şərhdən yayınmışam. Və hesab edirəm ki, açıqlama verərkən diqqətli olmalıyam. Bütün hallarda, istintaq gedir və hüquq-mühafizə orqanları baş vermiş faciəyə obyektiv hüquqi qiymət verəcəklər. Lakin bəzi məsələlər vardır ki, mətbuatda və sosial mediada spekulyasiya və manupulyasiya predmetinə çevrilmişdir və hansındakı mənim adım hallandırılır. Aprelin 4-də səhər saat 09:57-də 162 nömrəli məktəbin direktoru Sevinc Abbasovadan mənə zəng oldu ki, şagirdlərdən biri pəncərədən yıxılıb. Mən, Səbail rayon İcra hakimiyyətinin başçısının birinci müavini olmaqla yanaşı, yetkinlikyaşına çatmayan şəxslərlə iş üzrə rayon komissiyasının sədri və Uşaq Fondunun rayon şöbəsinin direktoruyam. Uşaqlarla iş mənim vəzifələrimə daxildir. Buna görə də belə bir zəng başadüşülən idi. Zəngdən dərhal sonra birbaşa rəhbərim olan rayon içra hakimiyyəti başçısına hadısə barədə məlumat verdim və onun tapşırığı ilə qeyd olunan məktəbə getdim. Yolüstü baş vermiş hadisə haqqında polisə məlumat verdim. Məktəbə 11:01-də çatdım (bu barədə məktəbin kamerasında qeyd var). 6 dəqiqə sonra, 11:07-də mən təcili yardıma zəng etdim. Elinaya çatmaq, şəraiti öyrənmək və anlamaq ki, təcili yardım hələ də çağırılmayıb, 6 dəqiqə buna sərf olundu. Sosial şəbəkələrdə yayılan uşaqla birinci danışığın videoyazılışı mənim tərəfimdən təcili yardım gəldikdən sonra, həkim uşağı müayinə edərkən 11:16-da aparılıb və 14 saniyə çəkib.
Qalan videolar xəstəxanada həkimlər Elinanı müayinə edən zaman tərəfimdən çəkilib. Belə çətin vəziyyətlərdə video çəklişin aparılması praktikasına uzun illərdir malikəm. Belə etməklə məqsədim baş verən prosesin maksimum şəffaflığını təmin etmək, hadisənin sonrakı araşdırılması üçün faktları qeyd etmək olub. Xəstəxanada sadəcə müşahidə etmirdim, Elinan həyata qaytarılması üçün lazım olan bütün tədbirlərin görülməsinin təmin olunmasına çalışırdım. Bu zaman keçirdiyim hiss və həyacanları, ağrını və yanğını sözlə izah etmək mümkün deyil.
Sözügeden video mənim tərəfimdən Elinanın faciəvi ölümündən sonra anasının xahişi ilə ona verildi. Belə ki, bu çəkiliş ondan, hələ canlı, gözəl, ağıllı və xeyirxah qızdan qalan son xatirə idi.
Sosial mediada və mətbuatda hadisə ilə bağlı adımın hallandırılması və yazılanlar həqiqətəuyğun deyildir. Mənim hərəkətlərimdə kömək etmək istəyi və ürəkyanğısından başqa digər motivlərin axtarılması qoy axtaranların vicdanında qalsın”.
Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənqiliyev partiyasının Mətbuat Xidmətinə müsahibə verib.
Strateq.az həmin müsahibəni oxucularına təqdim edir:
– Qüdrət bəy, xarici işlər nazirlərinin Moskva görüşündən sonra Qarabağ problemini həlli istiqamətində hansısa irəliləyişlər ola bilər?
– Əgər Rusiya ilə bağlı qapılar arxasında hansısa razılığa gəlmişiksə, ola bilər. Əks halda, biz əldə olunmuş razılaşmalarla Ermənistan üçün daha təhlükəsiz şərait yaradırıq ki, işğal olunmuş ərazilərdə məskunlaşma siyasətini daha uğurla və sürətlə həyata keçirsin.
Elmar Məmmədyarovun 25 illik danışıqlardan sonra verdiyi bəyanata görə, o, nəhayət, “dərindən başa düşüb ki, hansı problemlər var və hansı problemlər aradan qaldırılmalıdır”. Onun nəyi başa düşdüyünü bilmirəm, sözün doğrusu, mən onun dediklərindən heç nə başa düşə bilmədim…
– İslahatların gedişi barədə nə düşünürsünüz?
– İnkişaf etmiş qərb-xristian dünyasının yaradacağı təhlükələrə əhəmiyyət vermədən, Prezident islahatları dərinləşdirir. İri istehsal müəssiələri investisiya müsabiqəsinə çıxarılır, qanunun aliliyinin təmin olunması üçün məhkəmə-hüquq islahatlarına başlanılıb. Aqrar sektorun inkişafı üçün ciddi işlər görülür, ordunun döyüş qabiliyyəti artırılır…
– Nədir Qərbin Azərbaycandan istəyi?
– Türkmənistan kimi bir dövlət qurmaq, torpaqlarımızı işğaldan azad etmək üçün müharibə etmək barədə düşünməmək.
– Nəyin əsasında belə düşünürsünüz?
– Vaxtilə ABŞ səfiri Ramiz Mehdiyevə deyirdi ki, “insanları küçələrdən yığışdırın”. Müxalifətə isə həmin vaxt başqa sözlər deyirdi, başqa bəyanatlar verirdi. Bu, yetərli deyilmi?! Qərbin ölkəmizdə demokratik dövlət quruculuğu prosesinə kömək etmək üçün çox böyük imkanları olduğu halda, heç vaxt bunu etməyib. Etdikləri isə qarşılığında nələrisə öyrənmək və bu yolla proseslərə mane olmaq məqsədi daşıyıb.
İlham Əliyev fərqindədir ki, islahatlar sürətləndirilsə, Qərb Azərbaycanda sabitliyi pozaraq inqilab etməyə, ölkəni daha 50 il geri atmağa cəhd edəcək. Onlar bacardıqları qədər xristian ölkəsi ilə müharibə vəziyyətində olan müsəlman Azərbaycanın siyasi və iqtisadi baxımdan inkişaf etmiş, müasir, böyük beynəlxalq nüfuza malik güclü bir dövlətə çevrilməsinə imkan verməməyə çalışacaqlar. Bu məqsədlərinə çatmaq üçün çalışacaqlar ki, daxildə hakimiyyət uğrunda 1993-cü ildəkindən də qanlı savaşlar törətsinlər. Radikal müxalifət düşərgəsində, ortada heç nə olmaya-olmaya öncüllük üçün bir-birinə “qardaş” deyib, amma bir-birinə qarşı hər cür mənəviyyatsızlığa əl atanlar, görün, xaricdən real hakimiyyət vədi alarlarsa, nələr edərlər… Qardaş qırğınına belə, gedərlər.
Xristian dünyası bilir ki, güclü, demokratik, inkişaf etmiş Azərbaycan, – hansı ki, bu, yalnız islahatlar yolu ilə mümkündür, – təkcə sözdə yox, əməldə də işğalla barışmayacaq. Onlara isə müharibə lazım deyil. Torpaqlarımızın xristian ermənilər tərəfindən məskunlaşdırılması, təbii sərvətlərərimizdən və nəqliyyat infrastrukturumuzdan istifadə lazımdır. Amma zamanında bu siyasətlərinin nə dərəcədə yanlış olduğunu anlayacaqlar.
Qərbin istəklərinin nəzərə alınması və islahatların gecikdirilməsi isə sosial partlayışların baş verməsi ehtimalına görə daha təhlükəlidir.
Əgər İlham Əliyev və Mehriban Əliyeva, onların övladları müasir, modern dünyagörüşlü insanlar olmasaydılar, Azərbaycan çoxdan Türkmənistana çevrilmişdi. Baxmayaraq ki, reallıq hissini itirmiş bəzi siyasətbazlar iddia edirlər ki, guya, onların mübarizəsi Azərbaycanın Türkmənistan olmasına imkan verməyib. Amma “Türkmənistanlaşma” siyasəti aparılsaydı Qərb də, totalitar cəmiyyətdə formalaşıb demokratik vərdişləri mənimsəməmiş xalqımız da həmin siyasəti alqışlayacaqdı. Ona görə də Prezident mövcud durumu nəzərə alıb, tədrici və ardıcıl addımlarla cəmiyyəti inkişaf etdirmək, müasir təfəkkürlü Azərbaycan insanı formalaşdırıb bu reallığı xarici dairələrə qəbul elətdirmək istəyir.
Vaxtilə söyləmişdim ki, islahatlar dərinləşdikcə təxribatların miqyası genişlənəcək. Amma biz xalqımızla bizi gözləyən təhlükələr barədə açıq danışmalı, təxribatlardan qorxmamalıyıq.
– Xalqımız həmin təxribatlara uyarmı?
– Əvvəllər də demişəm ki, bütün xalqlar azadlığa və rifaha layiqdir. Amma hər xalq buna təminat verəcək dövlət qurmaq gücündə deyil. Hazırda xalqımızın sosial inkişaf səviyyəsi elədir ki, aparılan siyasətlə onu qürurlu və torpaqlarını işğaldan azad etmək üçün qəhrəmanlıq göstərməyə hazır olan millətə də çevirmək olar, yaxud hər şeylə barışan müti kütləyə də. İlham Əliyev müasir düşüncəli bir dövlət adamı kimi bunu görür və Qarabağın işğalı ilə çıxılması çox çətin olan ,”bataqlığa” düşmüş ölkəmizi təhlükəsiz yolla irəli aparmağa çalışır.
Xarici güclər Qarabağın işğalına və işğal altında saxlanılmasına kömək etməklə Azərbaycanda demokratik dövlət quruculuğu prosesinə böyük zərbə vurmaqdadırlar.
– Axı zaman bizi Qarabağdan uzaqlaşdırır. Sonra onu geri qaytarmaq mümkünsüz olmayacaq ki?!
– Ona görə də mən bəzi riskləri göz önünə alıb, daha cəsarətli və daha çevik siyasət yürüdülməsinə çağırıram. Qarabağın azadlığı üçün danışıqları hamımızın forpost adlandırdığı Ermənistanla deyil, bağlı qapılar arxasında Rusiya ilə aparmalıyıq. Müstəqil qərar qəbul etmək gücündə olmayan ölkə ilə danışıqlar aparılmasının nə mənası var?! Rusiya ilə yaxınlaşmamızın dövlət suverenliyimizi təhdid edəcəyindən, yaxud buna görə Qərbin artacaq təzyiqlərindən qorxmaq lazım deyil.
Bəziləri deyir ki, bir az da gözləyək, Rusiya dağılacaq. Bu, illüziyadır. Bütün dövlətlər kimi, Rusiyanın da öz problemləri var. Amma Putin daxili siyasəti ilə imkan yaradıb ki, ölkəni narahat edən problemlər çoxfraksiyalı Dövlət Dumasında qızğın müzakirə olunsun. Problemlər barədə sadəcə inqilab etmək istəyənlər danışıb xalqda belə təsəvvür yarada bilməsinlər ki, yalnız onlar düz söz danışır və xalqın problemləri yalnız onları narahat edir. Televiziyalarda siyasi hakimiyyət üçün ən ağrılı problemlərin belə müzakirəsini təmin etməklə, xalqı hər cür təxribat xarekterli məlumatların yayıldığı sosial şəbəkələrdən ayırıb canlı efirə baxmağa qaytarıblar. Məhz bu səbəbdən inqilabçılar milyonlarla insanı küçəyə çıxara bilmir. Narazı elektoratın 85%-i parlamentdə təmsil olunan müxalifət partiyalarının ətrafında cəmləşib. O partiyalar xarici gücələrə bağlı deyil və hər hansı böhran anında dövlətçiliyə xəyanət etməyəcəklər.
Bu mənada bizim böyük dövlətçilik təcrübəsi olan Rusiyadan öyrənəcəyimiz çox şey var. Ona görə də Rusiyanın dağılmasını və hansısa möcüzə nəticəsində Qərbin mövqeyinin dəyişəcəyini gözləmədən çalışıb münaqişədə əsas söz sahibi olan Rusiya ilə anlaşmaqla, bu, alınmasa belə, hər bir halda müharibə edib işğala son qoymalıyıq. İşğalın davam etməsi gələcəkdə vətəndaş qarşıdurmasına yol açmaqla hər birimizə və xalqımıza böyük faciələr yaşadacaq, dövlətçiliyimizi məhv olmaq təhlükəsi ilə üz-üzə qoyacaq.
“Mətbuat yazır ki, keçmiş vergilər naziri Fazil Məmmədovun yeznəsi onun bankını silib-süpürüb. Halbuki, Fazil Məmmədov özü, elə yeznəsi ilə birlikdə ölkəni silib-süpürüb”.
“AzPolitika.info“nun məlumatına görə, bunları araşdırmaçı-jurnalist Cavanşir Həsənli yeni araşdırmasında yazır.
“Yeznəsinin ölkə xaricindəki, ələlxüsus İngiltərədəki, Almaniyadakı şirkətlərinin sayı-hesabı yoxdur”, – yazan jurnalist, sabiq nazirin yalnız “Synergy Group” şirkətlər qrupuna daxil olan biznes strukturlarının siyahısın açıqlayıb. Bildirib ki, təqdim etdiyi maliyyə sənədində YARIM MİLYARD civarında açıqda olan aktivlər əks olunub.
Həmin siyahını və sənədləri təqdim edirik:
1. “Synergy Group” MMC – baş müәssisә;
2. “AAC” MMC – inşaat materiallarının istehsalı, törәmә müәssisә, iştirak payı 39%;
3. “Synergy Construction” MMC – inşaat, törәmә müәssisә, iştirak payı 100%, aşağıdakı müәssisәdә iştirak payına malikdir:
a) “Renaissance Construction Azәrbaycan” MMC – inşaat, birgә müәssisә, iştirak payı 50%;
4. “Azagro” MMC – kәnd tәsәrrüfatı, törәmә müәssisә, iştirak payı 100%;
5. “B.N.M.” MMC – turizm vә otelçilik, törәmә müәssisә, iştirak payı 100%;
6. “Cybernet” MMC – informasiya texnologiyaları, törәmә müәssisә, iştirak payı 100%, aşağıdakı müәssisәdә iştirak payına malikdir:
7. “Azorchid Hotels” MMC – turizm vә otelçilik, törәmә müәssisә, iştirak payı 70%;
8. “Caspian Coast Winery and Vineyards” MMC – şәrabçılıq, törәmә müәssisә, iştirak payı 50%, aşağıdakı müәssisәdә iştirak payına malikdir:
a) “Tradehouse Caspian Coast Winery and Vineyards” MMC – şәrab mәhsullarının satışı vә paylanması, törәmә müәssisә, iştirak payı 100%;
9. “Khazar-Turizm” MMC – turizm vә otelçilik, törәmә müәssisә, iştirak payı 100%;
10. “Bestpack” MMC – poliqrafiya vә qablaşdırma, törәmә müәssisә, iştirak payı 100%;
11. “Caspian Agro” MMC – kәnd tәsәrrüfatı, törәmә müәssisә, iştirak payı 50%, aşağıdakı müәssisәdә iştirak payına malikdir:
a) “Azagroexport” MMC – kәnd tәsәrrüfatı, törәmә müәssisә, iştirak payı 100%;
12. “Exclusive Dining” MMC – restoran, törәmә müәssisә, iştirak payı 100%;
13. “Shamkir City Hotels and SPA” MMC – turizm vә otelçilik, törәmә müәssisә, iştirak payı 100%;
14. “Azәrbaycan Universiteti” – tәhsil, törәmә müәssisә, iştirak payı 90%, aşağıdakı müәssisәdә iştirak payına malikdir:
a) “Unicamp” MMC – tәhsil, törәmә müәssisә, iştirak payı 100%;
15. “Ecolime” MMC – tikinti materiallarının istehsalı, törәmә müәssisә, iştirak payı 100%;
16. “Synergy Foundation” – qeyri-kommersiya tәşkilatı, törәmә müәssisә, iştirak payı 100%;
17. “Synergy Development” MMC – daşınmaz әmlakın idarә olunması, törәmә müәssisә, iştirak payı 100%;
18. “Synac” LLC – tәhsil, törәmә müәssisә, iştirak payı 100%;
19. “Synergy Sport” MMC – qeyri-kommersiya tәşkilatı, törәmә müәssisә, iştirak payı 100%;
20. “Synergy Technics” MMC – investisiya şirkәti, törәmә müәssisә, iştirak payı 100%, aşağıdakı müәssisәdә iştirak payına malikdir:
a) “Zәyәmkәndmaş” ASC – metal konstruksiyaların istehsalı, törәmә müәssisә, iştirak payı 51%;
21. “Azerbaijan Global Investments” ASC – investisiya şirkәti, asılı müәssisә, iştirak payı 32%;
22. “Azerbaijan Fibro Cement” MMC – tikinti materiallarının istehsalı, törәmә müәssisә, iştirak payı 100%;
23. “Synergy Jet” MMC, – jet әmәliyyat şirkәti, törәmә müәssisә, iştirak payı 100%;
24. “Synergy Trading” MMC, ticarәt şirkәti, törәmә müәssisә, iştirak payı 100%;
25. “Caspian Development Bank” ASC, törәmә müәssisә, iştirak payı 99.91%;
Rusiya Federasiyasında fәaliyyәt göstәrәn “Tradehouse Caspian Coast Winery and Vineyards” MMC-dәn başqa, Qrupa daxil olan bütün şirkәtlәr Azәrbaycan Respublikasında fәaliyyәt göstәrir.
Sayt rəhbəri məhkəmədə Gəncə Şəhər Təhsil İdarəsinin müdiri haqqında belə deyib
“Reallıq.info” saytının təsisçisi və baş redaktoru İkram Rəhimovun məhkəməsində onunla Gəncə Şəhər Təhsil İdarəsinin müdiri Zakir Hüseynov arasında mübahisə düşüb. Tərəflər bir-birini ittiham ediblər. Bu, Bakı Ağır Cinayətlər Məhkəməsində baş verib.
Z.Hüseynov həbsdə olan baş redaktorun işi üzrə zərərçəkən qismində tanınıb. Məhkəmədə ifadə verərkən deyib ki, əvvəllər məktəb direktoru işləyib, sonra isə Gəncə Şəhər Təhsil İdarəsinin müdiri olub. İndi də həmin vəzifədədir.
İ.Rəhimovu məktəb direktoru olduğu vaxtdan tanıdığını deyən zərərçəkən iddia edib ki, sayt rəhbəri jurnalist kimi gəlirdi: “2000-ci ilin əvvəllərində “Hürriyyət” haqqımda yazı yazmışdı, tanışlığımız ondan yaranmışdı. Mən Gəncədə məktəb direktoru idim. Həmin ərəfədə məktəbdə görülən abadlıq işləri ilə bağlı şantaj xarakterli yazı yazdı. O zamandan mən İkramı tanıdım. O zaman yazdığı yazıya görə 20 manat verdim ki, davam etdirməsin. 2014-cü ildə bir dəfə zəng elədi ki, maşını qırılıb, yolda qalıb. Mən də pul verdim. Sonra da mütəmadi olaraq pul istədi. Barəmdə yazı yazacağını bildirdi”.
İ.Rəhimov isə bildirib ki, Z.Hüseynov o dövrdə “Hürriyyət” qəzetinə abunə olub, pulu da buna görə verib: “Həmin ərəfədə – 2003-cü ildə prezident seçkiləri ili idi. “Hürriyyət” qəzeti də Rəsul Quliyevin idi. Bu adam da qəzetin Rəsul Quliyevin olduğunu bilirdi. Ona görə də abunə olmuşdu ki, birdən Rəsul Quliyev prezident seçilsə, ayaq yeri qoysun. Bu məqsədlə qəzetə pul verib. Mən özüm bu adama dəfələrlə kömək eləmişəm. Seçki kampaniyalarında dəstəyim olub”.
Z.Hüseynov isə deyib ki, xeyr, ömrü boyu bu hakimiyyətə sadiq olub: “Mən daim Heydər Əliyevin siyasətini dəstəkləmişəm. Gəncədə YAP-ın qurucularından biri olmuşam. Cənab prezidentə sədaqətlə xidmət eləmişəm. Bu gün də bu xidmətimi davam etdirirəm. “Hürriyyət” qəzetinə abunə olmamışam. Bunu xatırlamıram”.
İ.Rəhimov isə deyib ki, arxivdən Zakir Hüseynovun qəzetə abunə olmasını sübut edən sənədi almaq mümkündür.
Baş redaktorun vəkili zərərçəkəndən soruşub ki, onu 2000-ci illərin əvvəlindən şantaj edirdisə, niyə 17-18 ildə yox, indi şikayət elədi?
“Əvvəl nüfuzumu fikirləşirdim, axırda bezdim”, – Z.Babayev cavab verib.
Vəkil məhkəmənin nəzərinə çatdırıb ki, zərərçəkmişlərin hamısının DTX-ya şikayət ərizələrində eyni tarix göstərilib. Yəni hamısı eyni gündə şikayət edib.
Amma dindirmənin sonunda Z.Babayev şikayət və tələbinin olmadığını deyib.
Ekologiya və Təbii Sərvətlər Nairliyinin Şabran rayonu üzrə 5 saylı ərazi şöbəsinin direktoru olmuş Rafiq Əbilov da şikayətçi olmayıb: “Bir dəfə Nabranda yanğın baş vermişdi. Dəqiq tarixini xatırlamıram. O zaman bu şəxsin saytında yazı getmişdi. Təxminən başlıq belə idi ki, yanğın baş verən zaman Rafiq Əbilov harda olub? Mənə nazirlikdən dedilər ki, bu nə yazıdır? Heç bir əsası olmayan yazı idi. Sonra bir iş yoldaşıma dedim. O, İkramı tanıdığını bildirdi və məsələni həll elədi. 200 manat, ya da 300 manat verdi ki, yazı çıxarılsın”.
İ.Rəhimov ötən il oktyabrın 26-da DTX əməkdaşları tərəfindən saxlanılıb. O, Cinayət Məcəlləsinin 182-ci (hədə-qorxu ilə tələbetmə) maddəsilə ittiham olunur. Amma İ.Rəhimov ittihamları qəbul etmir və özünü təqsirli bilmir. O, prezidentin köməkçisi Əli Həsənovun sifarişilə həbs olunduğunu deyir.
AXCP sədrinin müavini Fuad Qəhrəmanlının qızına küçədə hücum edən Tural Qarayevə 15 sutka inzibati həbs cəzası verilib.
ONA-nın xəbərinə görə, bununla bağlı bu gün Yasamal Rayon Məhkəməsində qərar qəbul edilib.
***
AXCP sədrinin müavini Fuad Qəhrəmanlının qızına küçədə hücum edən şəxs saxlanılıb. Daxili İşlər Nazirliyinin mətbuat xidmətinin rəis müavini, polis polkovniki Orxan Mansurzadə ONA-ya açıqlamasında bildirib ki, polis tərəfindən həyata keçirilən təxirəsalınmaz tədbirlər nəticəsində Sənay Qəhrəmanlıya qarşı xuliqanlıq hərəkətləri edən şəxsin Bakı şəhər sakini Tural Qarayev olması müəyyən edilib və o, polis tərəfindən saxlanılıb.
T. Qarayev barəsində İnzibati Xətalar Məcəlləsinin 510-cu (xırda xuliqanlıq) maddəsi ilə inzibati protokol tərtib olunub və baxılması, hüquqi qiymət verilməsi üçün aidiyyəti üzrə məhkəməyə göndəriləcək.
Qeyd edək ki, sosial şəbəkələrdə AXCP sədrinin müavini Fuad Qəhrəmanlının qızına küçədə hücum olması ilə məlumat yayılıb.
***
Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlının 14 yaşlı qızı S.-nın üzləşdiyi hadisə ilə bağlı onun anası Zümrüd Yağmur Daxili İşlər Nazirliyinin (DİN) “102” xidmətinə müraciət edib.
DİN-in mətbuat xidmətinin rəis müavini, polis polkovniki Orxan Mansurzadə bildirib ki, müraciət edən şəxs və yeniyetmə Yasamal Rayon Polis İdarəsinin 28-ci Polis Bölməsinə yönləndirilib: “Anası ilə qızı bölməyə dəvət edilib və onlar məsələ ilə bağlı ərizə yazıblar”.
O.Mansurzadə deyib ki, məsələ ilə bağlı polis bölməsində hazırda araşdırma aparılır: “Araşdırmanın nəticəsindən asılı olaraq, məsələyə hüquqi qiymət veriləcək”.
Qeyd edək ki, hadisənin görüntüsü sosial şəbəkələrdə paylaşılsa da, qeyri-etik ifadələr yer aldığı üçün yayımlamırıq. Həmin şəxsin fotosunu təqdim edirik:
“Heç iziniz də, tozunuz da qalmayacaq bu tarixdə, bu millətin cibindən, dövlətdən oğurladıqlarınız fitil-fitil gələcək burunuzdan”.
Azərbaycanlı milyarder, “Palmali” Şirkətlər Qrupunun rəhbəri Mübariz Mənsimov yazıb SOCAR-la bağlı. Əslində bu millətin, bu dövlətin cibinə girənlərin hər birinə aiddir.
İndi sifarişə oynayanlar düşüblər Mübaruz Mənsimovun üstünə, erməni, İŞİD izi axtarırlar. Ölkəni qazsız qoyub, erməni kilsəsinə qaz verənlərə susanların, Azərbaycanın talanan milyardlarına göz yumanlar SOCAR-ın müdafiəsinə qalxıblar.
O ayrı mövzudur ki, Rövnəq Abdullayevin oğlu Türkiyədə SOCAR-ın pullarını dədəsinin pulu kimi böyük tikinti layihələrinə sovurur, SOCAR TRADİNG-in rəhbəri Adnan Əhmədzadə və qardaşı neft pullarını “günəbaxan tumu” kimi çırtlayıb bahalı Lamborgini, Rolls-Roys avtomobilləri, milyon dollarlıq Jacob & Co Astronimia saatı alır, İngiltərədə, Ispaniyada şəxsi bizneslər qurur, Boss-Şelfin rəhbəri İxtiyar Axundov Amerikada, Miamidə qiyməti milyonlarla qiymətləndirilən mənzillərə sahib olur, şirkətlər açır, insanlarımızın bir tikə çörək üçün iş yerlərinə ehtiyacı olduğu halda milyardlar Adriatik sahillərində fantastik şəkildə dəbdəbəli layihələrə sovrulur, Londonda Nobel üzərindən nə işlər çevrilir, Allahın keçmiş bir icra başçısının SOCAR-ı təmsil edən iki gədəsi Rumıniyada dələduzluqları ilə bütün Avropaya səs salır. Əlbəttə bunlar ayrılıqda diqqətinizə çatdırılacaq.
Amma hələlik, Rövnəq Abdullayevin SOCAR-ın siyasi gücə və imkanlarına söykənib zorluqla “Palmali”dən müsadirə etdiyi gəmilərin taleyi barədə faktlara diqqət yönəltmək istəyirəm. Rövnəq Abdullayev hələ ki, onların izini itirmyə çalışır. 18-25 million dollar dəyərində olan həmin gəmilərin bir neçəsi indi SOCAR-ın filoteliyasından ayrılıb və Rusiya bayrağı altında beynəlxalq sularda üzür.
Belə ki, SOCAR 7 sentyabr 2016-cı ildə Dubayda (vergidən azad zona) İsveçrə şirkəti kimi qeydiyyatdan keçirdiyi SOCAR Logistics DMCC vasitəsilə bir neçə gəmini Maltaya göndərib. Rövnəq Abdullayev həmin gəmiləri yaxın adamı, əvvəllər BBC Konstruktion şirkətinin sahibi olmuş İlham Qədimzadənin adına qeydiyyatdan keçirdiyi 5 şirkətin (“Milagress”, “Caminero” , “Prover”, “Blue Lake Star” və “Planeo”) sərəncamına verib. Gəmilər indi həmin şirkətlərin adı ilə tanınır.
Yeri gəlmişkən, İlham Qədimzadənin Polşada “NEWNET TECHNOLOGY” adı ilə qeydiyyatdan keçmiş şirkəti də var. İlham Qədimzadə 1997-ci ildə Hacı Məmmədovun cinayətkar dəstəsi tərəfindən girov götürülmüşdü və valideynlərindən külli-miqdarda pul tələb olunmuşdu. Onun atası Vaqif Qədimov Dövlət Neft Şirkətinin məsul işçisi idi, Hacı Məmmədovla dostluq münasibətləri olub, sonradan elə onun dəstəsi tərəfindən qətlə yetirilib.
SOCAR sözügedən gəmiləri Malta üzərindən Rusiyaya ötürüb. Belə ki, həmin gəmilər indi Dubayda qeydiyyatdan keçmiş SOCAR Logisticsin keçmiş əməliyyat müdiri Namiq Qədirovun və vaxtilə BP-nin Azərbaycan Xəzər regionundakı təmsilçisi olmuş Asim Mövsümzadənin şərik olduqları Fraxtmortrans OOO (Rusiya) şirkətinin icarəsindədir. Bu şirkət 2016-cı ilin avqustun 17-də qeydiyyatdan keçirilib (dövlət qeydiyyatı nömrəsi: 1167746774601), 2017- ildə illik gəliri 1 milyard rubl (15,5 milyon dollar) civarındadır. Rövnəq ha desin ki, o şirkət mənim deyil, o gəmilər orda nə gəzir?
Yeri gəlmişkən Namiq Qədirovun adlna İsveçrədə də kiçik gəmiçilik şirkəti var.
Azadliq.info
Cavanşir Həsənli, müstəqil jurnalist
Yazı müəllifin feysbuk hesabından götürülüb
Ergün Diler
“Takvim”, Türkiyə, 18 aprel 2019-cu il
Günlərdir hər kəs İstanbul seçkilərinin nəticələrini müzakirə edir. Bu, təbiidir. Etirazlara rəğmən, seçki qutularındakı bülletenlər təkrar-təkrar sayılsa da, hadisələrin öz təbii axarında getmədiyi kimi bir hiss formalaşdı.
AKP haqlı olaraq öz etirazlarını dilə gətirdi. Hüquqdan istifadə etmək üçün bütün yolları yoxladı. Ancaq İstanbul vilayətinin seçki komissiyası bu etirazları dəyərləndirmək üçün qəbul etmədən, İmamoğluna vəsiqəsini verdi.
Son söz, əlbəttə, Mərkəzi Seçki Komissiyasınındır. Kimsənin buna qarşı söyləyəcəyi tək bir sözü belə yoxdur. Ola bilməz də. Hüquq nə deyirsə, o da olmalıdır.
Ancaq Türkiyə bu yerli seçkilərlə birlikdə fərqli bir iqlimə büründü. Qlobal münaqişənin ən həyəcanlı sahəsi halına gəldi. Və bu, hələ yeni başladı. Həyəcan davam edəcək və artacaq.
Yaxşı, bəs daxildə siyasi iqlimi dəyişdirəcək addımlar necə atılacaq? Və ortaya kimlər çıxacaq? Xarici qüvvələr bu işin harasındadır? Bunlar önəmli suallardır.
Ancaq öncə Fransaya, Parisə gedək. Çünki Notr-Dam kilsəsindəki yanğının arxa planı məlum olmadan gələcəyi anlamaq elə də asan deyil. Notr-Dam kilsəsində baş verən yanğın haqqında dünən bu köşədə yazmışdım. Ümumiyyətlə, Afrikada ABŞ-la Fransa arasında gedən mübarizəni sizə çatdırmışdım. Uzun zamandır gedən bu mübarizənin tərəfləri haqqında yazıram.
Sahel haqqında da yazdım. Sahel nədir, haradır? Seneqal, Mavritaniya, Mali, Burkina Faso, Niger, Nigeriya, Çad, Sudan və Eritreyadan ibarət olan “Afrika kəməri”dir. “Bir kəmər, bir yol” layihəsinin Afrikadakı kəməridir. Doğrusu, xəritəni açıb baxsanız “Afrika kəməri”nin nə qədər anlamlı və strateji əhəmiyyətli olduğunu görərsiniz.
ABŞ, Sudanı qarışdıraraq çevriliş etməklə Fransaya və “İpək yolu”nun önəmli aktyoru olan Çinə qol vurmuşdur. Mübarizənin əsas səbəbi Afrikanın zənginliyi və ona nəzarət etməkdir. Zənginlik fışqıran bu qitə üçün müharibə edilərmi? Əlbəttə.
Doğrusu, NATO əsgərləri uzun zamandır İŞİD terroru ilə mübarizə adı altında Fransanı yuxusuz qoymuşdu. Son dəfə getdiyim zaman əsgərlər Parisin hər bir bucağında yerləşmişdi. Fövqəladə vəziyyət altında olan şəhər günə inqilabla başlayan bir metropolisi xatırladırdı.
Mən bunları yazarkən etiraz uzaqlardan – ABŞ-dan gəldi. Tez-tez bizim televiziya proqramına, yəni “Yaz-poz”a qatılan və dəstək verən MKİ agenti Devid Stil bildirdi ki, Notr-Dam kilsəsində çıxan yanğına başqa cür baxmaq lazımdır. Uzun illər ərzində MKİ üçün işləyən Robert Devid Stil, Parisin qəlbi olan Notr-Dam kilsəsinin yanması ilə bağlı inanılmaz iddialar irəli sürdü. Əslində, onun söylədikləri mənim dediklərimi təsdiqləyirdi. Sadəcə bizə medalyonun digər tərəfini göstərirdi.
Devid Stil qısa və aydın formada bunları çatdırırdı: heç kimsə məni bu yanğının adi bir hadisə olduğuna inandıra bilməz. Öncəliklə, 15 aprel tarixi nəyin ildönümüdür? 15 aprel “Titanik”in aysberqlə toqquşub batmasının ildönümüdür. Hətta eyni saatlardır. O qəzadan sonra dünya dəyişdi. Mərkəzi banklar kimin nəzarətinə keçdi? Bunu anlamadan Notr-Dam kilsəsinin yanmasını anlamaq mümkün deyildir.
Təbii, ABŞ “dərin dövlət”inin ən sehrli dəhlizləri haqqında məlumatlı olan biri sadəcə bununla kifayətlənmirdi. Daha da irəli gedib çox şeylər dilə gətirirdi. Elə şeylər deyirdi ki, elə bil, kəşfiyyat şəbəkəsinin sözçüsüdür. Ancaq çatdırdığı məlumatlar heç bir yerdə tapıla bilməyəcək məlumatlar idi.
Devid Stil paylaşdığı məlumatların arxasındakı qaynağı belə tərif edirdi: “Fransadakı xüsusi qaynaqlarım…” Yəqin ki, MKİ-ni nəzərdə tuturdu.
“Yanğından dərhal sonra bölgəyə gedən Kanada kəşfiyyat zabitinə kim mane oldu?” sualını dilə gətirən Stil, bir sıra maraqlı faktları da ard arda sıralayırdı.
1. Yanğının baş verdiyi iddia edilən yerdə elektrik xətləri yox idi.
2. Yanğında iki adam öldü, onların hər ikisi də açıqca öldürüldü (hər birinin başına bir güllə vuruldu).
3. Yanğınla mübarizə üçün heç bir vertolyot gətirilmədi.
4. Vəzifədən uzaqlaşdırılması belə gözlənilən Makron artıq çox böyük güc qazandı.
MKİ-nin mütəxəssis kadrlarından olan Devid Stil, mənim cızdığım tablonun xaricinə çıxırdı. Əsil gəldiyi yer mənim yazdıqlarımın tamamilə əksinə idi. Amma işarə etdiyi struktur həddindən artıq güclü idi. Stil, yanğının arxa planı ilə bağlı inanılmaz bir çıxış edir və gərginliyi artırırdı. İddiası ilə ABŞ-ın qarşısında yer alan böyük bloka işarə edirdi: yanğın böyük bir əməliyyat idi.
Devid Stil, Notr-Dam kilsəsini yandıranların adlarını belə açıqlayırdı: Fransa Prezidenti Makron, İngiltərə Baş naziri Mey, Almaniya Baş naziri Merkel və Papa Fransis.
O, öz qaynaqlarına əsaslanaraq, əməliyyatın bir “saxta bayraq nümayişi” olduğunu ortaya qoyur və bu hadisənin nəticəsində iki önəmli qurumun – Avropa Mərkəzi Bankı və Avropa Birliyi Ordusunun (PESCO) önə çıxacağına işarə edirdi.
Hazırda MKİ, Notr-Dam kilsəsinin ABŞ-a qarşı güclü bir Avropa İttifaqının qurulması üçün yandırıldığını düşünməkdədir. Bu səbəblə, inancla bağlı və qəlb qədər dəyərli bir yer seçilməliydi ki, hadisədən sonra bütün Avropa birləşsin.
Yanğından sonra məyus olanlara, göz yaşı tökənlərə və ən önəmlisi, ianə verənlərə baxılarsa, “birləşmə” baş tutmuş kimi görünür.
Stil yanğının arxasındakı ağılı açıqladı. O zaman bir az da dərinə gedək.
“Notre Dame de Sion” məktəbləri var. İstanbulda da var. Bu məktəblər Rotşild ailəsinin dəstəyilə quruldu. Qurucusu Alfons Ratisbonn bankirlik edən bir yəhudi idi. Ailənin 9-cu uşağı idi. Ailəsinə aid bir bankda işləyən zaman baron Rotşild onu Romaya yolladı. Burada “Məryəm ananı gördüm” deyərək, katolik oldu. Adının qarşısına “Məryəm” (Marie) əlavə etdirdi. İllərlə cizvi keşişliyi edən böyük qardaşı ilə birlikdə bu məktəbdən ayrılaraq “Sion qardaşları” icmasını qurdular. Onlar kimi hərəkət edən iki yəhudi qadın da yanlarına gəldi. Onlar da “Sion bacıları”icmasını qurdular. Yəhudilərlə katolikləri bir araya gətirdilər.
Bizim təhsil tariximiz də belə idi. Uşaqları yolladığımız məktəbləri belə tanımazdıq. Təəssüf ki, uzun müddət bilmədən gedirdik. Bu, ayrı bir məsələdir.
Nə isə, yenə yanğın məsələsinə qayıdaq. Kilsə yanğının arxasındakı bloku ciddiyə alarsaq, yəni Stilin sözlərinə inanarsaq, qarşımıza Rotşild ailəsi – Rotşildlər çıxmaqdadır. Çünki Rotşild ailəsi Makronu hakimiyyətə gətirən, Merkeli hakimiyyətdə saxlayan, Papaya güc verən böyük bir strukturdur. İngiltərə, onsuz da, ana vətənləri kimidir. Bir də bu güc balansının üzərinə Rus Pravoslav Kilsəsinin (RPK) açıqlamasını əlavə edin. RPK belə dedi: Notr-Dam kilsəsində baş verən yanğında “bir gizli işarənin olduğuna” inanırıq.
Bundan sonra dünya əvvəlki kimi bir yer olmayacaq. Əgər “Avropa ruhu” ABŞ-a qarşı Avropa daxilində əməliyyat keçirirsə, deməli, gedişat hesab edildiyindən də kritikdir.
“Avropa ruhu” ilə “ABŞ ruhu” Türkiyə daxilində də sərt rəqabət aparacaqdır. Hər bir gücün həm mühafizəkar, həm də dünyəvi kəsim daxilində çox güclü təsiri və bağları mövcuddur. Həmin mübarizə qəti şəkildə bura da daşınacaqdır. İndi ad çəkməyim doğru olmaz, lakin gərginlik gedərək artacaqdır. Bu iki gücün mübarizəsi Türkiyəsiz nəticələnə bilməz. Bu səbəblə, ölkəmizdə burulğanlı dövr yaşanacaqdır.
Tərcümə Strateq.az-ındır
ABŞ prezidenti Donald Tramp baş prokuror Uilyam Barrın “Rusiya təhqiqatının” nəticələri haqqında mətbuat konfransından sonra “Taxt oyunları” serialı stilində kollaj dərc edib.
AzərTAc xəbər verir ki, prezident rəsmi “Twitter” səhifəsində populyar serial üslubunda şəkil yerləşdirib: O, arxası tamaşaçılara tərəf duman buludları qarşısında dayanıb. Şəklin üstündə “Taxt oyunları” üçün xarakterik şriftlərlə yazılıb: “Oyun qurtardı”. Yuxarıda əlavə olunub: “Nifrətçilər və sol radikal demokratlar üçün. Heç bir sövdələşmə. Ədalət məhkəməsinə heç bir əngəlləmə”.
ABŞ-ın baş prokuroru Uilyam Barr bir qədər əvvəl mətbuat konfransında 2016-cı ildə keçirilən prezident seçkiləri zamanı Donald Tramp və ya hər hansı digər amerikalı ilə Rusiyanın hakimiyyət orqanları arasında sövdələşmə olmadığını təsdiqləyib. O, “Rusiyanın ABŞ-da seçki prosesinə müdaxilə cəhdlərinin təbiətini aşkara çıxardığı üçün” xüsusi prokuror Robert Müllerə təşəkkürünü bildirib.
“Xüsusi prokurorun təhqiqatının əsas məqsədi Tramp kampaniyasının və ya onunla əlaqəsi olan hər hansı digər şəxsin 2016-cı ildə keçirilən seçkilərə müdaxilə üçün Rusiya dövləti ilə əlbirliyini və ya öz fəaliyyətlərini koordinasiya etməsini araşdırmaq olub. Xüsusi prokuror Tramp kampaniyası üzvlərinin və Rusiyanın bu istiqamətdə cəhdlərinin aşkarlanmadığını bildirib”, – deyə ABŞ-ın baş prokuroru mətbuat konfransında vurğulayıb.
“Mətbuatda müəyyən məlumatlar yayılmışdı ki, guya Ermənistan rəsmiləri girovluqda saxlanılan Azərbaycan vətəndaşı Dilqəm Əsgərov və Şahbaz Quliyevin ailə üzvləri ilə görüşməsi təklifi ilə çıxış ediblər. Ermənistan artıq etiraf edir ki, Avropa İnsan Haqları Məhkəməsinin (AİHM) qərarlarında və bizim AİHM-ə ünvanladığımız ərizədə göstərildiyi kimi, bütün o qanunsuzluqların başında Ermənistan hakimiyyəti və dövləti dayanır”.
Bunu ONA-ya açıqlamasında Vəkillər Kollegiyasının sədri Anar Bağırov deyib.
A. Bağırov deyib ki, girovluqda olan və qanunsuz həbs olunan vətəndaşlarımızın Ermənistan tərəfindən bu cür təcavüzə, qeyri-qanuni hərəkətlərə məruz qaldığını Ermənistan rəsmilərinin etiraf etdiyinə görə çox sevinir: “Bu cür bəyanatla Ermənistan dolayısı yolla təsdiq edir ki, həqiqətən qondarma rejim üzərində effektiv nəzarəti onlar həyata keçirirlər. Mən onlara tövsiyə edərdim ki, qohumları dəvət etməzdən öncə bizim girovluqda olan şəxslər keyfiyyətli hüquqi yardımla təmin olunsunlar. Ermənistanda girovluqda saxlanılan Azərbaycan vətəndaşı Dilqəm Əsgərov və Şahbaz Quliyevə illərdir ki, müvafiq hüquqi yardım göstərilmir. İşğal olunmuş Dağlıq Qarabağda girovluqda olan vətəndaşlarımıza ancaq Azərbaycan Respublikasının Vəkillər Kollegiyasının üzvü olan vəkillər hüquqi yardım göstərə bilərlər. Bu illər ərzində Azərbaycan vəkilləri onlara hüquqi yardım göstərə bilməyib. İndi isə Ermənistan rəsmilərinin Azərbaycan vətəndaşı Dilqəm Əsgərov və Şahbaz Quliyevin ailə üzvləri ilə görüşməsi təklifi ilə guya çıxış etməsi beynəlxalq təşkilatlara hesablanmış bir addımdır, onların gözlərinə pərdə asmaqdan başqa bir şey deyil. Ermənistan həmişə olduğu kimi, toydan sonra nağara çalmaq istəyir, ancaq bu dəfə alınmayacaq”.
Vəkillər Kollegiyasının sədri bildirib ki, Avropa Insan Haqları Məhkəməsi girovluqda olan Azərbaycan vətəndaşı Dilqəm Əsgərov və Şahbaz Quliyevlə bağlı ədalətli qərarını yaxın vaxtlarda açıqlayacaq: “Ermənistan tərəfi bu ilin mart ayına qədər vaxt istəmişdi. Mart ayına qədər Ermənistan tərəfi öz mövqeyini bildirməli idi. Avropa İnsan Haqları Məhkəməsi də onlara bu vaxtı vermişdi. Artıq aprel ayıdır. Mən tam əminliklə deyə bilərəm ki, qısa zaman ərzində məsələ öz ədalətli həllini tapacaq”.
A. Bağırov deyib ki, yaxın müddətdə Avropa İnsan Haqları Məhkəməsi öz qərarını elan etməlidir: “Çünki işin gedişatı, icraat bunu deməyə əsas verir. İş artıq yekunlaşmaq üzrədir. Əminəm ki, bu iş üzrə bizim ədalətli mövqeyimiz nəzərə alınacaq, Şahbaz Quliyev və Dilqəm Əsgərovun hüquqları müdafiə olunacaq və ədalətli, doğru qərar qəbul ediləcək”.
A.Bağırov qeyd edib ki, Avropa İnsan Haqları Məhkəməsi qərar çıxarsa, Ermənistan tərəfinin bu qərarı icra etməmək imkanı yoxdur.
Azərbaycan Xalq Hərəkatı parçalanma təhlükəsi ilə üz-üzə qalıb. Qurumun 21 idarə heyəti üzvü iki hissəyə ayrılıb. Artıq qruplardan bir tərəf bu gün fövqəladə toplantı keçirərək, ciddi qərarlar qəbul edib.
Valeh İbadov və Ağasif Şakiroğlu idarə heyətindən uzaqlaşdırılıb. Sabiq daxili işlər naziri İsgəndər Həmidov Ramiz və Tağıyevə xəbərdarlıq edilib. Süleyman Kərimov, Salman İmanlı, Yavər Mikayılov və Firudin Əhmədlinin hərəkatın idarə heyətinin üzvü olmadığı elan olunub. Hərəkatın Məclisinin 27 apreldə keçiriləcək iclası təxirə salınıb.
Bu dəqiqələrdə isə digər qrup GAP qərargahında fövqəladə toplantı keçirir.
Toplantıda çıxış edən İ.Həmidov S.Kərimov, S.İmanlı, Y.Mikayılov və F.Əhmədlinin idarə heyətinin üzvü olduqlarını bəyan edib: “Bu adamların idarə heyəti üzvü olmalarına həmin şəxslər səs veriblər. Bu gün ölkəmizdə hansı fövqəladə vəziyyət var ki, sizlər belə bir toplantı keçirdiniz? AXH-də heç nə baş verməyib. Hər kəsə müraciət edirəm ki, işlərini görməyə davam etsinlər. Onların iclasları sifarişli idi. 7 nəfərlə 13 nəfərin hərəkatda taleyini həll edirlər. Tələsik iclas niyə keçirdiniz? Kimlərə hesabat verirsiniz? İclas qeyri-legitimdir. Savaş açdılar, qəbul etdik. Məclisin təxirə salınması ilə aldıqları qərarla bağlı deyirəm ki, bu Məclis baş tutacaq. Günahlarım çoxdur, onlardan biri də Nemət Pənahlının hərəkatdan çıxarılması oldu. Ondan üzr istəyirəm”.
Əks qanadın hərəkatdan uzaqlaşdırdığı A.Şakiroğlu qarşı tərəfi xəyanətdə suçlayıb: “Onların etdikləri separatçılıqdır. Onların qərarları ortadakı məlum “screen”lərin sübutudur. Özlərini ifşa etdilər. Həmin 7 nəfər mütləq cəzalandırılmalıdır. Qurban Məmmədovun hərəkat üçün xidməti o oldu ki, bizi qərargahsız qoydu. Müzakirə ediləsi şəxslər onun dirijorluğu ilə hərəkət edənlərdir”.
İdarə heyəti üzvlərindən Ramiz Tağıyev hərəkatın dağılmadığını bildirib: “Xəyanətkar insanlar hər zaman olublar. Oğru elə bağırır ki, doğrunun bağrı yarılır. Qurban Məmmədov oradan dəfələrlə təhdidli ifadələr işlədib. Ona cavab vermək haqqımdır. Xalq bilməlidir ki, kimlərin arxasınca gedir. Ruhdan düşmək lazım deyil. Onlarla bir masa ətrafında oturmaq fikrində deyiləm. Bura gələcəklər, yenə də çaxnaşma yaradacaqlar”.
S.Kərimov əks tərəfin iclasını qeyri-qanuni adlandırıb: “Üç iclasdır görün nələri müzakirə edirik. Onlar bizi təxribata çəkmək istəyirlər”.
V.İbadov hərəkatdan uzaqlaşdırılmasının səbəblərini anlamadığını qeyd edib: “Onlar özlərini buradan uzaqlaşdırdılar. Missiyalarını başa çatdıra bilmədilər”.
İ.Həmidov əks tərəfi gələn həftənin ilk günü keçiriləcək iclasa dəvət edib: “O iclasa gəlməsələr, özləri bilərlər. Qərar qəbul ediblər ki, aprelin 20-də Qarabağ Forumu keçirilməyəcək. Mən deyirəm ki keçiriləcək və hər kəsi foruma dəvət edirəm”.
Toplantının aparıcısı Həsən Həsənov kimlərisə çıxartmaq fikrindən uzaq olduqlarını söyləyib: “Haqqın yoluna qayıtmasalar, səsə qoyulub kimlərsə çıxarıla da, töhmət də ala bilər. Gələn həftə ki iclasda şəxsən mən Qurban Məmmədovun hərəkatdan uzaqlaşdırılması təklifini verəcəm. Qalan 7 nəfəri isə iclaslara dəvət edirəm. Xalq tərəfindən qazandığınız hörməti hansısa vədlərə görə itirməyin. Birinci gün qərarlar qəbul olunacaq”.
Sonda səsvermə yolu ilə hərəkatdan çıxarılanlar və töhmət alanlar barədə qərar qeyri-legitim sayılıb.
Bu gün Azərbaycan Xalq Hərəkatının idarə heyətinin fövqəladə toplantısı keçirilib.
Toplantıda 21 idarə heyəti üzvündən 8 nəfər iştirak edir. İclası hərəkatın dönəm sədri, AĞ Partiya başqanı Tural Abbaslı aparır. Dönəm sədri ilk olaraq toplantı barədə məlumat verib: “Toplantı 10 nəfər idarə heyətinin üzvünün qərarı ilə keçirilir. Bütün idarə heyəti üzvlərinə məlumat verilib. Son zamanlar hərəkat daxilində ciddi problemlər yaşanır. Bu səbəbdən belə bir qərar aldıq ki, problemlər həll yolunu tapsın”.
Daha sonra Mətləb Mütəllimli çıxış edib: “Bu iclas yetərli sayılır. Yanvardan etibarən hərəkatın əsasnaməsi pozulur. 4 nəfər qanunsuz olaraq idarə heyətinə üzv qəbul olunub”.
“Azadlıq” partiyasının sədri Əhməd Oruc bu iclasda önəmli qərarların qəbuluna böyük ehtiyacın olduğunu söyləyib.
Əhməd Oruc deyib: “Bizdən rayonlarda hərəkatın yaradılan şöbələrinin üzvlərinin adları, protokollar gizlədilir. Biz sonradan rayonlarda ümumiyyətlə, şöbələrin yaradılmadığı barədə məlumat aldıq. Uşaq nağılları ilə son 3 ayda baş aldadılır. Hər kəsin üzərinə şübhə atılır. Son olaraq da saxta vatsap yazıları ortaya çıxarıldı. Guya kimsə bu yazıları Isgəndər Həmidova ötürüb. İdarə heyəti üzvlərinin bəziləri Isgəndər bəydən maddi cəhətdən asılıdırlar. Məhz bu iclasda həmin insanlar iştirak etmirlər. AXH daxilində hakimiyyətin adamları var. O şəxslər aprelin 1-dən etibarən hərəkatı dağıtmaq istəyirlər. Nemət Pənahlının hərəkatdan çıxarılması həmin şəxslərin əli ilə baş tutdu. Kimlərsə məqsədli şəkildə hərəkatı iki hissəyə parçalamaq istəyirlər. Hər kəsin maskası açılacaq. Kimsəyə güzəşt edilməyəcək”.
BAP sədri Elşad Musayev hərəkatın ilk günlərdə problemlərlə yaradıldığını söyləyib: “Təzyiq altında yaradılan hərəkatda problemlər olmalı idi. Biz məcburiyyət qarşısında belə toplantı keçirməyə məcbur olduq. İndiyə qədər bir neçə dəfə gərginlik yaşandı və bunlar hərəkata ciddi zərbə oldu. Hərəkat daxilində əks qrup ancaq görüntü naminə nəkrədə etməyə çalışırlar. AXH daxilindəki iki qrup tərəfdən keçirilən görüşlərin hamısında iştirak etmişəm. Bu görüşlər heç nəyi həll etmədi. Biz İsgəndər Həmidovla son olaraq aprelin 17 də görüşdük. Oradakı danışıqlarda gördük ki, heç nə həllini tapmır. Bu halda heç nəyi düzəltmək mümkün deyil. Bəzi hallarda kritik qərarlar vermək lazım gəlir. Hərəkatı düşünənlərin bir arada olması vacibdir. Bura toplanan şəxslər daha intellektual, prosesləri önə apara biləcək şəxslərdir. Kimsə prosesə qoşulmaq istəsə qapı açıqdır. Buradakı insanlar dünyagörmüş insanlardır. Bu təşkilat yenidən qurulmalıdır”.
T.Abbaslı bu iclasda bir sıra şəxslərin idarə heyəti üzvlüyündən uzaqlaşdırılacağının anonslarını verib.
İslam Demokrat Partiyasının sədri Tahir Abbaslı çıxışında bu məsələlərə toxunub: “AXH hərəkatı çox böyük problemləri həll etməyi qarşısına məqsəd qoyub. Hərəkat yaradılanda atılan addımlar uğurlu idi. Amma sonradan bəziləri bunun davamını istəmədi. Isgəndər bəyin ətrafında olanlar yerlipərəstliklərini ortaya qoyublar. Bu şəkildə davam etmək mümkün deyildi. Mən buradakı insanların əhatəsində olmaqdan qürur duyuram. Vaxt gələcək, o insanlar etdiklərinə görə peşman olacaqlar”.
Sabiq müdafiə naziri Rəhim Qazıyev ötən iclasda istefa verdiyini, ancaq istefasının qəbul olunmamasından danışıb: “Bu gün bu iclasda iştirak etməyi özümə borc bildim. Şəxsi maraqlar arxa planda olmalıdır. Ümummilli maraqlardan iştirak etmək çox vacibdir. Yerlibazlıqdan uzaq durmaq lazımdır. Hərəkatdakı qanunsuzluqlar aradan qaldırılmalıdır. Aprelin 15-dəki iclasda qərara alındı ki, barışıq əldə olunsun. Amma onun səhərisi gün Isgəndər Həmidovun yanındakı adam mətbuata çıxıb şər-böhtanlarını davam etdirdi”.
VİP sədri Əli Əliyev: “Dostlarım müxtəlif aspektlərdən məsələyə qiymət verirlər. Bu iclas tam legitim olduğu üçün qanunidir. Bu səbəbdən hərəkatın qəbul edəcəyi qərar hər kəs tərəfindən qəbul olunmalıdır. AXH daxilində ciddi problemlər yaşanır. Buradakı dostlar problemləri aradan qaldırmaq üçün hər şeyi etdilər. Amma kiçik bir qrup problemlər yaratmaqda davam etdilər. Bu hərəkat kimsəni şəxsi hərəkatı deyil. Mənim bir sıra müşahidələrim var. Görünən odur ki, hərəkata kənar təsirlər daha çoxdur, həm hakimiyyət, həm iqtidar tərəfindən. Kimlərinsə sərsəm qərarlarına tabe olmamalıyıq. Hərəkat iqtidar müstəvisində fəaliyyətini davam etdirməlidir. Yanvarın 26-da əsasnamə pozulanda bizlər susdu. Isgəndər Həmidov 4 nəfəri hərəkatın idarə heyətinə qanunsuz üzv edəndə səsimizi çıxarmalı idik. Həmin 4 nəfər iclaslarda iştirak edir, qanunsuz qərarların qəbulunda səs verirlər. Bu şəxslər uzaqlaşdırılmalıdır. 1 aprel iclasında dönəm sədri Tural Abbaslıya qarşı avantüra təşkil olundu. Isgəndər Həmidov o iclasda hətta sədrə qarşı belə qıcandı. Buna hüquqi qiymət verilmədi. Ramiz Tağıyev də eyni davranış nümayiş etdirdi. 15 aprel iclasından sonra Ağasif Şakiroğlu mətbuata çıxıb hər birimizə hörmətsizlini nümayiş etdirdi, ittihamlar yağdırdı. Həmin şəxs də idarə heyətindən uzaqlaşdırılmalıdır. Şəxsi maraqlarını həyata keçirmək üçün bəzi üzvlər təşəbbüslər göstərirlər. Bunların qarşısı alınmalıdır. Bəzi idarə heyəti üzvləri gözləmə mövqeyindədirlər və gələn iclaslarda onlar da bizə qoşulacaqlar. Biz rayon şöbələri yaradıb, tezliklə hərəkatın Məclisini keçirməliyik. AXH prinsipal qərarlar qəbul etməlidur. Bu parçalanma deyil. Kimsə kiminsə əlaltısıdırsa, bura gəlməyinin mənası yoxdur”.
Mətləb Mütəllimli indiyə qədər fəaliyyətlərinə düzgün qiymət vermədiklərini qeyd edib:” Bu probleminin yaranmasında bizlər də günahkarıq. Qanunsuzluqlara göz yummamalı idik. İdarə heyətinin üzvləri təhqir olunanda susqunluq nümayiş etdirməməli idik. Kimlərinsə yazışmaları bizi maraqlandırmır. Qarşımıza ciddi hədəflər qoymuşuq. Növbəti proseslərdə belə hadisələrin yaşanmasına yol verməməliyik. Digər üzvlərimizi proseslərə cəlb etməliyik. Təşkilatlanmağa davam etməliyik. İşimizə mane olanlar buradan uzaqlaşdırılmalıdır”.
İclasa idarə heyəti üzvlərindən Londonda yaşayan Qurban Məmmədov da qatılıb: “Xalqımız bilməlidir ki, qarşımızda ciddi hədəflər var. Hərəkatdakı problemlər də biz də böyük məsuliyyət daşıyırıq. Şişirtmə ilə hara qədər getmək olardı? Siyahı ilə idarə heyəti formalaşdırılmaz. Siyasət çox ciddi sahədir.Heç bir güzəşt etmədən ciddiliyi əldən vermək olmaz. Ötən iclasda Əli Əliyevə hörmətsizlik ediləndə idarə heyəti üzvlərinin susması məni dəhşətə gətirdi. Bu iclası bütün səfirliklər izləyir. Çünki bir proseslərin başlandığını bilirlər. Hərakat ətrafında tərbiyəsiz oyun oynayanlara cavab verilməlidir. Heç kəsin indiki məqamda xalqı ruhdan salmağa haqqı yoxdur. Kimsə fəaliyyətinin xalqa ləkə olduğunu anlamırsa, elələrindın uzaq durmaq lazımdır. Valeh İbadov və Ağasif Şakiroğlu bu iclasda idarə heyətindən çıxarılmalıdır. Gəlin əl-ələ verək, namusla fəaliyyət göstərək. Istənilən qərar veriləndə xalq nəzərə alınmalıdır. Kim özünü biədəb aparır, xalq görür. Sizlərə uğurlar arzulayıram”.
T.Abbaslı AXH adından sui istifadə hallarına yol verildiyini bildirib:” Kimisə hərəkatın lideri kimi qələmə verirlər. Hamı bilsin, dönəm sədrliyi var, əlifba siyahısı ilə üzvlər rəhbərlik edirlər”.
M.Mütəllimli toplantının qərarlarını açıqlayıb. Valeh İbadov və Ağasif Şakiroğlu idarə heyətindən uzaqlaşdırılıb. Ramiz Tağıyevə xəbərdrlıq edilib. Süleyman Kərimov, Salman İmanlı, Yavər Mikayılov və Firudin Əhmədlinin hərəkatın idarə heyətinin üzvü olmadığı elan olunub.
Toplantıda hərəkatın Məclisinin aprelin 27-də keçiriləcək iclası və 20 aprelə planlaşdırılan Qarabağ Forumu təxirə salınıb.
İsgəndər Həmidova xəbərdarlıq edilməsi barədə ayrıca səsə qoyulub. M.Mütəllimli buna etiraz etdi. Ə.Oruc nöqsanlarına görə İ.Həmidova xəbərdarlıq edilməsini təkidlə tələb edib. Səs çoxluğu ilə sabiq daxili işlər nazirinə xəbərdarlıq edilib.
Cavanşir Abbaslı,
Musavat.com
Xural.com Musavat.com-a istinadən xəbər verir ki, ADR Hərəkatının təşkilatçılıqı ilə keçirilən tədbirdə önəmli mesajlar verilib.
Azərbaycan Demokratiya və Rifah (ADR) Hərəkatı 18 aprel 2019-cu ildə Azərbaycan və Avropa Birliyi arasında gözlənilən sazişə dair İctimai Dinləmə keçirib. Dinləmədə AXCP, Milli Şura, ReAl, Ümid, VİP, AzDP, AXP partiyalarının sədrləri, ictimai siyasi təşkilatların rəhbərləri, ziyalılar, ekspertlər, jurnalistlər və diplomatik korpusun təmsilçiləri iştirak edib. KXCP və Müsavat partiyası İctimai Dinləməyə dəvət alsalar da iştirak etməyib. VHP-nin sədri xarici səfərdə olmasına görə tədbirə qatılmayıb.
Toplantıda beynəlxalq münasibətlər üzrə ekspert Xəqani Cəfərli məruzə ilə çıxış edib. İctimai Dinləmədə çıxış edənlərin əksəriyyəti Azərbaycanın avro-atlantika məkanına səmərəli və hər iki tərəf üçün faydalı inteqrasiyasının tərəfdarı olduqlarını, müqavilədə Azərbaycanın ərazi bütövlüyünün birmənalı şəkildə tanınmasının təsbit olunmasını və bu sazişdən əvvəl Avropa Parlamentinin Tövsiyələrində Azərbaycanla Strateji Əməkdaşlıq Sazişinin imzalanması üçün irəli sürülən şərtlərin yerinə yetirilməsini vacibliyini qeyd ediblər. Eyni zamanda İctimai Dinləmə iştirakçıları hakimiyyətdən Avropa İttıfaqı və Azərbaycan arasında saziş imzalanmamışdan əvvəl sənəd layihəsinin dərc edilməsini və ictimai müzakirəyə təqdim olunmasını tələb ediblər.
Haqqin.az və virtualaz.org saytlarının baş redaktoru Eynulla Fətullayev özünün “Facebook” səhifəsində “Təzəpir” məscidinin yaxınlığında aparılan qazıntı işlərinin fotoşəkillərini paylaşaraq, ictimaiyyətə və KİV-lərə müraciət edib.
“Təzə Pir məscidinin yanında özül qazılan zaman nadir tarixi abidə aşkar edilib. Həmin abidələri dağıtmaq istəyirlər!!! Dəstək verin, heç olmasa, bu abidələri qoruyub saxlayaq”, – Eynulla Fətullayev ictimaiyyətə çağırış edib.
Qeyd edək ki, Eynulla Fətullayevin dərc etdiyi məlumat sosial şəbəkə istifadəçiləri arasında geniş rezonans doğurub və onlar jurnalistin çağırışını dəstəkləyiblər. Abidənin xilas edilməsi üzrə aksiyaya artıq bir çox KİV-lər də qoşulub.
Xatırladaq ki, bu gün verilmiş məlumata əsasən, Bakıda “Təzəpir” məscidinin yaxınlığına aparılan qazıntı işləri zamanı qədim hamamın qalıqları aşkarlanıb. Virtualaz.org-a məlum olub ki, qədim tikilinin qalıqları ekskavatorun tırtılları altında dağıdılıb.
“İstanbul şəhər Seçki Komissiyası İstanbul bələdiyyəsinin vəsiqəsini cənab İmamoğluna vermişdir. Qərarın xeyirli olmasını arzulayıram”.
Strateq.az xəbər verir ki, bu sözləri AKP-nin İstanbul bələdiyyəsinə namizədi olmuş Binəli Yıldırım “Twitter” sosial şəbəkəsindəki hesabında yazıb.
O bildirib ki, vəsiqənin Əkrəm İmamoğluna verilməsinə baxmayaraq, təmsil etdiyi partiya (AKP) hüquqi haqlarını axtarmağa davam edir: “Demokratiya və hüquq öz işini görmüşdür. Böyüyən gərginliyin gərəksizliyi üzə çıxmışdır. Son söz YSK-nındır”.
Jurnalistlər direktorun məhkəməyə necə gətirildiyini görməyiblər
Bakı şəhəri Səbail rayonu 162 nömrəli tam orta məktəbin direktoru Sevinc Abbasova barəsində ev dustaqlığı qətimkan tədbiri seçilib.
Məlumatı Respublika Prokurorluğunun mətbuat xidməti yayıb.
Bildirilir ki, sözügedən məktəbin 8-ci (r) sinif şagirdi, 2004-cü il təvəllüdlü Elina Hacıyevanın təhsil aldığı məktəbin üçüncü mərtəbəsindən özünü ataraq intihar etməsi faktı ilə bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə başlanmış cinayət işi üzrə istintaq davam etdirilir.
Aparılmış istintaqla həmin məktəbin direktoru işləmiş Sevinc Abbasovanın xidməti vəzifələrini lazımı qaydada yerinə yetirməyib, vaxtaşırı olaraq özünə qapanan Elina Hacıyevanın ruhi-emosional vəziyyətinə xüsusi həssaslıqla yanaşmamaqla, ona psixoloji-mənəvi dəstək göstərilməsinə laqeyd münasibətinin ehtiyatsızlıqdan onun ölümünə səbəb olmasına, habelə hadisə baş verdikdən dərhal sonra təcili-tibbi yardım çağırılmasını vaxtında təmin etməyərək E.Hacıyevanı təhlükədə qoymasına dair əsaslı şübhələr müəyyən edilib.
Beləliklə, direktor aprelin 15-də Cinayət Məcəlləsinin 143-cü (təhlükədə qoyma) və 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunub.
Bakı şəhəri Səbail rayon məhkəməsinin 16 aprel 2019-cu il tarixli qərarı ilə S.Abbasova barəsində ev dustaqlığı qətimkan tədbiri seçilib.
Günorta saatlarıdan Səbail Rayon Məhkəmməsinin önündə olan jurnalistlərin Meydan TV-yə verdiyi məlumata görəsə, direktor məhkəməyə gətirilməyib. Onlar məhkəmənin heç bir qapısından Sevinc Abbasovanın içəri keçirildiyini görməyiblər.
“Yalnız polislər qapı ağzına yığışıb, sonra da dağılışdı. Sevinc Abbasova məhkəməyə gətirilmədi,” – deyə jurnalistlər bildirib.
Meydan tv
Bu gün Elmlər Akademiyası metrosunun yaxınlığında AXCP sədrinin müavini Fuad Qəhramanlının qızına hücum edilib.
Sozcu.az xəbər verir ki. bu barədə Fuad Qәhrәmanlının hәyat yoldaşı, yazar Zümrüd Yağmur məlumat verərərək, bunları deyib:
“Xatırlayırsınızsa, bir neçə gün əvvəl 14 yaşlı qızım Elina Hacıyevanın anım gününü təşkil etmişdi. Həftənin ikinci günü məktəbə gedərkən təqib edilib və məktəbdən çıxarkən də eyni adam tərəfindən arxadan təqib edilərkən, maşınla da qabağı kəsilib. Bu gün isə Elmlər metro stansiyası yaxınlığında bu şəxs tərəfindən önü kəsilib, təhqir olunub və döyülüb (başına və burnuna zərbə alıb). Buyurun baxın idarə etdiyiniz ölkəyə. Sizin trollarınız artıq insanlara küçədə saldırır. Dünənə qədər virtual olan trollarınız indi küçələrə tökülüb. Bu şəxs Elinanın adını çəkərək feministləri təhqir edib, Sənaydan Mehriban Əliyevadan üzr istəməyi tələb edib.
Qeyd edim ki, bu videonun yarısıdır. Qızım yarım saata yaxın küçədə təhqir və təyziqə məruz qalıb”.
Ləğv olunmuş Milli Təhlükəsizlik Nazirliyinin qurama ittihamları ilə ağır cəzaya məhkumolunan Səid Dadaşbəyli və onun dostları 13 ildir ki, azadlıqdan məhrum ediliblər.
Yaxınları MTN-nin ləğvindən sonra onların azadlığa buraxılacağını gösləsə də ancaq bu baş vermədi.
Prezidentin son əfv sərəncamında “Səid Dadaşbəylinin dəstəsi” adlanan qrupun üzvlərindən bir neçəsi azadlığa çıxıb.
Bu günlərdə isə Səid Dadaşbəyli, Ceyhun Əliyev və Cahangir Kərimov cəzalarının 12,3 ilini çəkdikləri üçün vaxtından əvvəl azadlığa buraxılmaları ilə bağlı məhkəməyə müraciət edilib.
Məlumatı Gununsesi.org-a vəkil Elçin Sadıqov verib.
Vəkil Cinayət Məcəlləsinin 76, Cinayət Prosesual Məcəllənin 513-cü maddələrini əsas gətirərək bildirib ki, həmin şəxslərin həbs müddətlərinin bitməsinə 1,3 il qalıb. “Bu baxımdan onlar cəza çəkdikləri müəssisənin yerləşdiyi ərazinin məhkəməsinə müraciət ediblər.
Cahangir Kərimov Xətai Rayon Məhkəməsinə, Səid Dadaşbəyli və Ceyhun Əliyev Nizami Rayon Məhkəməsinə müraciət edib. Hesab edirəm ki, bu şəxslər vaxtından əvvəl azadlığa buraxılmalıdır, qanun bunu tələb edir”.
Səid Dadaşbəyli, Cahangir Kərimov, Ceyhun Əliyev AR Cinayət Məcəlləsinin 218 (cinayətkar birlik yaratma), 274 (dövlətə xəyanət), 28.2. ( yalnız ağır və xüsusilə ağır cinayətlərin törədilməsinə yönəlmiş hazırlıq),180.3.1. (Soyğunçuluq. Mütəşəkkil dəstə tərəfindən törədildikdə), 278 (hakimiyyəti zorla ələ keçirmə və zorla saxlama), 228 (qanunsuz odlu silah saxlama), 204 (saxta pul və qiymətli kağzlar hazırlama və ya satma), 234 (qanunsuz olaraq narkotik vasitələri saxlama və daşıma) maddələri ilə ittiham olunaraq, 8-14 il arası azadlıqdan məhrum ediliblər.
Bir tərəfdən “məhkəmə-hüquq sistemində dərinləşmə islahatları”nın aparılmasından bəhs edilir, digər tərəfdən isə əməli olaraq əks hərəkətlər təkrarlanır. 10 iyul 2018-ci il Gəncə hadisələri və Tərtərdə hərbçilərlə bağlı açılmış cinayət işlərində yol verilmiş qanunsuzluq və işgəncə halları, ictimai fəallara qarşı aparılan repressiyalar ictimaiyyətin haqlı narazılığına səbəb olur.
Son 1 ay ərzində onlarla ictimai fəal – “heykəl məhbusu” Bayram Məmmədov, Tofiq Məmmədov, Qaraçuxur sakini Ruslan Cumayev, Aqil Hümbətov, AXCP üzvləri – Nicat Abdullazadə, Nicat Nizamov, Yalçın Abdullayev, Paşa Umudov, Saqif Qurbanov və digərləri inzibati qaydada qanunsuz həbslərə məruz qalmış, ictimai fəallar – Qiyas İbrahimov, Gülnarə Rahimova, Fatimə Mövlamlı, jurnalist Sevinc Sadıqova dəfələrlə əsassız olaraq saxlanılaraq polis bölmələrinə aparılıblar. Həmin şəxslərin əksəriyyəti polis bölmələrində və saxlanma yerlərində zorakalığa, insan ləyaqətini alçaldan münasibətə məruz qalıblar.
SMMM-in üzvlərinin 10 iyul 2018-ci il Gəncədə baş vermiş məlum hadisələrlə bağlı Sabunçu rayon məhkəməsində iştirakı və digər apardıqları araşdırmalar zamanı məlum olmuşdur ki, hadisələr zamanı həbs olunmuş şəxslər birmənalı şəkildə ən ağır işgəncələrə və qeyri-insani münasibətə məruz qalıblar. Eyni zamanda onların əməllərinə adekvat olmayan, Azərbaycan Respublikası qanunvericiliyinə zidd olacaq ittihamlar verilmiş və prosessual hərəkətlər düzgün icra edilməmişdir. Belə ki, cinayət hadisəsinin iştirakçısı (təşkilatçı, təhrikçi, əlbir və s.) olmadıqları halda onların barəsində eyni maddələrlə ittihamlar verilmiş, müstəqil vəkil müdafiəsindən məhrum olunmuş, ailə üzvləri və yaxınları ilə əlaqələri uzun müddət tamamilə kəsilmişdir. Təəssüflə qeyd olunmalıdır ki, ibtidai istintaq dövründə yol verilən pozuntular hazırda “Gəncə işi” ilə bağlı keçirilən məhkəmədə də təkrarlanır. Hakimlər və dövlət ittihamçıları nəyin bahasına olursa olsun ittiham aktını təsdiq etməyə çalışırlar. Bu isə təqsirləndirilən şəxslərin, onların vəkillərinin və valideynlərinin haqlı narazılığına səbəb olur.
Məhkəmə prosesinin ən vacib və dəhşətli səhnələrindən biri təqsirləndirilən şəxslərin həbs olunan zaman Gəncə polisində və Bakıda “bandotdel”-də məruz qaldıqları ağır işgəncə hallarını bildirərkən hakimlərin və dövlət ittihamçılarının verdiyi reaksiyadır. Belə ki, təqsirləndirilən şəxslər onlara verilən ağır işgəncələrdən danışarkən hakimlər onların danışığını dayandırmağa, başqa səmtə yönəltməyə, özlərini heç nə eşitmirmiş kimi aparmağa və işgəncə hallarını ört-basdır etməyə çalışırlar. Hətta işgəncəyə məruz qalan Rauf Bayramov adlı təqsirləndirilən şəxs 9 ay ötməsinə baxmayaraq bədənində işgəncənin izlərini göstərmək istəyəndə hakim buna imkan verməyərək hadisənin üzərində sükutla keçib. Demək olar ki, bütün təqsirləndirilən şəxslər öz ifadələrində ağır və dəhşətli işgəncələrə, qeyri- insani münasibətlərə məruz qaldıqlarını bildiriblər. Amma çox dəhşətli və acınacaqlı haldır ki, bu faktları hakimlər və ittihamçılar görməməzlikdən gəlirlər.
Çox maraqlıdır ki, ittiham tərəfi məhkəməyə təqsirləndirilən şəxslərdən istintaq zamanı işgəncə ilə alınmış etirafedici ifadələrdən və yalançı şahid ifadələrindən başqa hər hansı dəlil, sübut təqdim etmir. Dəfələrlə vəsatət verilsə də şəhər kamerasının görüntüləri məhkəmədə nümayiş olunmur.
Təəssüflə qeyd olunmalıdır ki, 2017-ci ildə Tərtərdə bir qrup hərbçinin müəmmalı qətli və kütləvi həbsi ilə nəticələnən hadisələrlə bağlı keçirilən məhkəmə prosesi də çoxsaylı qanun pozuntuları ilə müşayiət olunur. Qapalı keçirilən həmin məhkəmə proseslərində də işgəncə nəticəsində alınmış ifadələr əsas götürülür, ittiham tərəfindən məhkəməyə ciddi dəlil və sübutlar təqdim olunmur. Hərbçilərin məruz qaldığı dəhşətli və amansız işgəncələrin araşdırılması istiqamətində heç bir addım atılmır və s.
Siyasi Məhbusları Müdafiə Mərkəzi hesab edir ki, respublika baş prokurorluğu başda olmaqla aidiyyatı qurumlar insanların qanunsuz həbs olunması, qətlə yetirilməsi, təzyiq və təqiblərə, ağır işgəncələrə məruz qalması hallarına ciddi reaksiya verməli, müvafiq addımlar atmalıdır. SMMM yol verilmiş qanunsuzluqların aradan qaldırılmasını, mühakimələrin və məhkəmələrin ədalətli aparılmasını, həbsdə olan bütün siyasi məhbusların qeyd-şərtsiz azadlığa buraxılmasını tələb edir.
17 aprel 2019- cu il, Bakı şəhəri
