Bəxtiyar Hacıyevə iş kəsildi
Bu gün Gəncə şəhəri Nizami rayon məhkəməsində Emin Axundovun sədrliyi ilə orduda xidmətdən yayınmaqda ittiham olunan gənc fəal Bəxtiyar Hacıyevin işi üzrə məhkəmə prosesi başa çatıb. Ona 2 il iş kəsilib.
ABŞ-ın Azərbaycandakı səfirliyi B.Hacıyevin məhkəmə işinin səfirlik tərəfindən yaxından izlənildiyini qeyd edib və verdiyi bəyanatda onun həbsinin siyasi fəallığın artması və ölkədə hökumət əleyhinə aksiyaların təşkilatçılığında iştirak etməsinin ardınca baş verdiyi, bunun da öz növbəsində ədalət sisteminin insanları məhkəmə yolu ilə cəzalandırması yönündə suallar doğurduğu vurğulanır.
Səfirlik Azərbaycanda demokratik institutları və hüququn üstünlüyünü dəstəklədiyini bildirib, B.Hacıyevin apelyasiya işinin Azərbaycan və beynəlxalq hüquq normalarına uyğun baxılmasına çağırıb.