“Lider” televiziyası və radiosu bağlanıb
Məhkəmənin qanuni qüvvəyə minmiş qətnaməsi ilə...
“Lider” televiziyasının və radiosunun yayımı dayandırılıb.
APA-nın məlumatına görə, Milli Televiziya və Radio Şurası “Lider TV və Radio-Azərbaycan” MMC-nin müflisləşməsinin məhkəmənin qanuni qüvvəyə minmiş qətnaməsi ilə təsdiq olunduğu nəzərə alaraq, “Lider TV və Radio-Azərbaycan” MMC-yə ümumrespublika televiziya və radio yayımı üçün verilmiş 19 yanvar 2018-ci il tarixli, 169 qeydiyyat nömrəli lisenziyanın qüvvəsinə xitam verilib.
Bununla əlaqədar “Lider TV və Radio-Azərbaycan” MMC-nin televiziya və radio yayımı 1 iyun 2021-ci il tarixdə saat 00:00-dan etibarən dayandırılıb.
