UEFA Avropa Liqasının yarımfinalında bu komandalar qarşılaşacaq
Aprelin 15-də İsveçrənin Nyon şəhərində keçirilən püşkatma mərasimində UEFA Avropa Liqası yarışlarının yarımfinal mərhələsində qarşılaşacaq rəqiblər müəyyənləşib.
Belə ki, püşk yarımfinala vəsiqəni təmin edən “Liverpul” (İngiltərə), “Vilyareal“, “Sevilya” (hər ikisi İspaniya) və “Şaxtyor” (Ukrayna) komandaları arasında atılıb.
Püşkatmanın nəticəsinə görə, yarımfinalda “Şaxtyor” və “Sevilya”, “Vilyareal“ ilə isə “Liverpul” komandaları qarşılaşacaqlar.
Yarımfinal mərhələsinin oyunları aprelin 28-də və mayın 5-də keçiriləcək. Final qarşılaşması isə mayın 18-də İsveçrənin Bazel şəhərində oynanılacaq. Qaydalara görə, ilk yarımfinal oyunun qalibi final qarşılaşmasında ev sahibi qismində çıxış edəcək(azertac).
