Qazaxda tutulan jurnalist azadlığa çıxdı

Qazax rayonunda polisə müqavimət ittihamı ilə 30 sutka inzibati həbs cəzasına məhkum edilən jurnalist Nicat Əmiraslanovun cəza müddəti iyunun 21-də bitib və o, sərbəst buraxılıb.

N.Əmiraslanov mayın 22-də saxlanılıb və bir gün sonra Qazax Rayon Məhkəməsi onun barəsində inzibati həbs qərarı çıxarıb.

N.Əmiraslanov və müdafiəçiləri ona qarşı ittihamı rədd edir və həbsinə səbəb kimi jurnalsitlik fəaliyyətini, o cümlədən sosial şəbəkələrdəki tənqidçi mövqeyini göstərir.

Vəkili və onu müdafiəsinə qoşulan ictimai fəallar aşkarlamışdılar ki, N.Əmiraslanov həbsindən apellyasiya şikayəti verməkdən imtina ərizəsi yazmağa məcbur edilib, ona saxlandığı yerdə işgəncə verilib, dişləri çıxarılıb.

azadliq.info

Əlaqəli məqalələr

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button