Qəzada ölən polisin kimliyi məlum oldu- “Nərgiz” klinikasının baş həkiminin oğlu (VİDEO)
Tovuzda ağır yol qəzası nəticəsində dünyasını dəyişən Zakir Qəhrəmanovun kimliyi məlum olub.
Xural.com xəbər verir ki, “Nərgiz” klinikasından AzNews.az-a verilən xəbərə görə, mərhum Zakir Qəhrəmanov klinikanın baş həkimi Məlahət Qəhrəmanovanın oğludur.
Hadisə bu gecə Tovuz şəhərində, Heydər Əliyev prospektində qeydə alınıb. Hərəkətdə olan “Porsche” markalı avtomobil idarəetmədən çıxaraq yolun kənarında divara çırpılıb.
Qəza nəticəsində avtomobilin sürücüsü, Hacıqabul rayon polis şöbəsinin əməkdaşı Zakir Şakir oğlu Qəhrəmanov ölüb, sərnişinlər – Tovuz Rayon Polis Şöbəsinin Qovlar polis bölməsinin əməkdaşı, Alakol kənd sakini, 1985-ci il təvəllüdlü Nurxan Əmirxan oğlu Hüseynov və Alakol kənd sakini, 1990-cu il təvəllüdlü Fətullayev Azad Ramiz oğlu müxtəlif dərəcəli xəsarətlər alaraq xəstəxanaya yerləşdiriliblər.
